Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1040 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 3 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1262 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 48 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 123 тохиолдол бүртгэгдсэн нь өнгөрсөн оны мөн үеэс 208 тохиолдлоор буурсан байна. Нийт нас баралтын 10 471 тохиолдол буюу 61.2 хувь нь эрэгтэй, 6652 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.

Мэдээ, мэдээлэл

2018-2019 оны хичээлийн жилд мэргэжил дээшлүүлэх сургалтад бүртгүүлсэн дараах эмнэлгийн мэргэжилтэнүүд сургалт эрхлэгч байгууллагадаа 2018 оны 09 сарын 11-нд очиж бүртгүүлнэ үү.

Эрүүл мэндийн хөгжлийн төвөөс “Эрүүл  мэндийн ажилтны нийгмийн хамгааллыг дэмжих сар”-ын хүрээнд 2018.08.30-ны өдөр Баянзүрх дүүргийн 4-р хорооны “Эрүүл өрх” ӨЭМТ-тэй хамтран элэгний В,С вирус илрүүлэх шинжилгээнд 48 албан хаагчийг хамрууллаа.

 

Мөн Нийслэлийн Шүд, эрүү нүүрний төвтэй хамтран 2018.09.06-ны өдөр ажиллагсдын 0-6 настай 35 хүүхдийг шүдний эмчийн үзлэг, оношлогоо, зөвлөгөөнд хамруулан фтор түрхүүлж, эцэг эх, хүүхдүүдэд мэдээлэл, сургалт, сурталчилгааны материал түгээлээ.

Жил бүрийн 8 дугаар сарыг “Эрүүл мэндийн ажилтны нийгмийн хамгааллыг дэмжих сар” болгон зарлаж, энэ хүрээнд тодорхой ажлууд зохион байгуулдаг.Тэгвэл өнөөдөр ЭМЯ-ны харьяа Эрүүл мэндийн хөгжлийн төвөөс “Эрүүл  мэндийн салбар дахь сул ажлын байрны мэдээллийг сурталчлах” өдөрлөгийг зохион байгууллаа.