Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1041 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 4 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1263 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 47 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 205 тохиолдол бүртгэгдсэн нь өнгөрсөн оны мөн үеэс 126 тохиолдлоор буурсан байна. Нийт нас баралтын 10 515 тохиолдол буюу 61.1 хувь нь эрэгтэй, 6690 буюу 38.9 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.

Мэдээ, мэдээлэл

Зөвхөн өвчин эмгэгийг эрт илрүүлэх, төгс эмчлэхэд чиглүүлэх төдийгүй, эрүүл хүнд хандуулж, эрүүл аж төрөх ёсыг хэвшүүлэхэд төрийн болон төрийн бус байгууулага, хувь хүн, гэр бүл, хамт олны идэвхитэй оролцоог нэмэгдүүлэхэд оршино. 

Хэлтэс, төвүүдийн үйл ажиллагааг суртачлах ажлын хүрээнд ЭМСХ-ээс 2012 оны 5-р сарын 17-нд “Төрөлт, нас баралтыг кодлох зарчим” Австралийн зөвлөх мэргэжилтний сургалтад Төвийн бүсийн аймаг,Төв эмнэлэг, Тусгай мэргэжлийн төвүүдийн мэдээллийн мэргэжилтнүүдийг хамрууллаа.

Манай улс халдварт өвчинтэй тэмцэх, түүнээс сэргийлэх ажилд онцгой анхаарч олон талт арга хэмжээ авсны нэг болох Дархлаажуулалтын үндэсний хөтөлбөрийг амжилттай хэрэгжүүлж иргэдийн дархлаажуулалтанд хамрагдалт  нэмэгдсний  үр дүнд цагаан цэцэг,  халдварт саа өвчнийг устгасан бөгөөд сахуу, татран, хөхүүл ханиад өвчин сүүлийн жилүүдэд бүртгэгдээгүй, улаанбурхан, В вируст гепатитын өвчлөл тууштай буурч байгаа билээ.

ЗГХА-ЭМГ-ын хэлтэс, төвүүдийг сурталчлах ажлын хүрээнд Эрүүл мэндийн статистикийн хэлтсээс дараах ажлуудыг хийлээ. Үүнд:

Бодит мэдээлэл, оновчтой шийдэл уриан дор мэдээ, мэдээллийн үнэн бодит байдлыг хангах, мэдээллийн чанарыг хэрхэн сайжруулах талаар ЭМЯ-наас тусгай зөвшөөрөл авсан Хувийн хэвшлийн эрүүл мэндийн байгууллагуудын мэдээллийн мэргэжилтэн, статистикч эмч нарт мэргэжил арга зүйн зөвлөгөө өгч сургалт зохион байгууллаа. Сургалтаар Монгол улсын статистикийн хууль, Эрүүл мэндийн сайдын тушаал, дүрэм, журам, анхан шатны бүртгэлийн маягт хөтлөлт, программ хангамжийн талаар баримжаа олгов.