Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1040 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 3 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1262 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 48 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 123 тохиолдол бүртгэгдсэн нь өнгөрсөн оны мөн үеэс 208 тохиолдлоор буурсан байна. Нийт нас баралтын 10 471 тохиолдол буюу 61.2 хувь нь эрэгтэй, 6652 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.

Мэдээ, мэдээлэл

ЗГХА –ЭМГ-ын Эмнэлгийн мэргэжилтний хөгжлийн хэлтэст ирүүлсэн хүсэлтийн дагуу Анагаах ухааны статистикч бага эмчийн мэргэжил олгох болон дээшлүүлэх сургалтыг Эрүүл мэндийн статистикийн хэлтэс зохион байгуулж 5 сарын 22-наас эхлэн 1 сарын турш танхимын сургалтаа хийж дуусгалаа. Мэргэжил дээшлүүлэх сургалтад 8 статистикч бага эмч хамрагдсан бөгөөд 1 сар онол болон дадлагын хичээл орсон юм.Мэргэжил олгох сургалтад хамрагдсан 19 эмнэлгийн мэргэжилтэн цаашид зайн сургалтаар болон бичиглэл судалгааг өөрсдийн ажилладаг эрүүл мэндийн байгууллагын тоон мэдээлэлд хийх зэрэг даалгавруудыг 2 сарын хугацаанд гүйцэтгэж, дүгнүүлэн мэргэжлийн үнэмлэхээ гардан авах юм.

 “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” Монгол улсын хуулийн 33.1 дэх заалтыг үндэслэн Халдварт бус өвчний эрт илрүүлгийн үзлэгийн маягт хэвлүүлэх ажилд доорх нөхцлийн дагуу үнийн саналаа 2012 он 7 дүгээр сарын 04-ны  дотор ирүүлнэ үү.

“Төрийн болон хувийн хэвшлийн Эрүүл мэндийн байгууллагуудын уялдаа холбоо, хамтын ажиллагааг сайжруулах нь ” сэдэвт туршлага солилцох уулзалтыг чанарын менежерүүдийн 6-р сарын ажлыг хариуцсан баг, ЗГХА-ЭМГ, НЭМГ, ЭМШУИС-ийн НЭМС-тай хамтран СОС Медика эмнэлэгт 2012 оны 6 дугаар сарын 21-нд зохион байгуулж 45 байгууллагын чанарын менежерүүдийг хамрууллаа. Туршлага солилцох уулзалттай холбоотой илтгэлийг чанарын булангийн туршлага солилцох үйл ажиллагаа хэсэг рүү орж танилцана уу

Засгийн газрын хэрэгжүүлэгч агентлаг Эрүүл мэндийн газрын Түргэн тусламжийн үндэсний сүлжээний төв нь Эрүүл мэндийн яам, Дэлхийн эрүүл мэндийн байгууллагатай хамтран “Гамшиг онцгой байдлын үеийн эмнэлгийн аюулгүй байдал” үндэсний семинарыг 2012 оны 6 дугаар сарын 20-21-ний өдрүүдэд “Континентал” зочид буудал, Эрүүл мэндийн яаман дээр зохион байгууллаа. Үндэсний семинарт ЭМЯ, ЗТХБЯ,ОБЕГ, МХЕГ, Засгийн газрын хэрэгжүүлэгч агентлаг Эрүүл мэндийн газар, ДЭМБ-ын Монгол дахь төлөөлөгчийн газрын ажилтнууд,  Үндэсний хөгжил шинэтгэлийн хороо, Нийслэлийн засаг даргын тамгын газар, Нийслэлийн барилга, хот төлөвлөлтийн газар, МУЗН, ЭМЯ-ны харьяа төв эмнэлэг, тусгай мэргэжлийн төвийн эмч мэргэжилтнүүд, аймаг, нийслэлийн Эрүүл мэндийн газрын эмнэлгийн яаралтай болон гамшгийн үеийн асуудал хариуцсан мэргэжилтнүүд оролцсон .