Мэдээ:
  • Төрөлт: Улсын хэмжээнд 2019 оны эхний 9 сарын байдлаар 58 081 эх төрсөн нь өнгөрсөн оны мөн үеэс 488 төрөлтөөр буюу 0.8 хувиар өссөн байна. Амьд төрсөн хүүхэд: 2019 оны эхний 9 сарын байдлаар улсын хэмжээнд 58 525 хүүхэд амьд төрсөн нь өнгөрсөн оны мөн үеэс 563 хүүхдээр буюу 1.0 хувиар өсчээ. Амьд төрсөн хүүхдийн 29 978 буюу 51.2 хувь нь хүү, 28 547 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 9 сарын байдлаар эхийн эндэгдлийн 13 тохиолдол бүртгэгдэж, 100 000 амьд төрөлтөд 22.2 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.2-оор буурсан байна. Нялхсын эндэгдэл: Улсын хэмжээнд 2019 оны эхний 9 сарын байдлаар нялхсын эндэгдлийн 771 тохиолдол бүртгэгдэж, 1000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 9 сарын байдлаар тав хүртэлх насны хүүхдийн эндэгдлийн 930 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 62 тохиолдлоор буюу 1000 амьд төрөлтөд 1.2-оор буурсан байна. Нас баралт: 2019 оны эхний 9 сарын байдлаар улсын хэмжээнд нас баралтын 12 723 тохиолдол бүртгэгдсэн нь өнгөрсөн оны мөн үеэс 177 тохиолдлоор буурсан байна. Нийт нас баралтын 7724 тохиолдол буюу 60.7 хувь нь эрэгтэй, 4999 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 9 сарын байдлаар 27 төрлийн 32 275 халдварт өвчний тохиолдол бүртгэгдэж, 10 000 хүн амд 99.7 ногдож байна. Өмнөх оны мөн үеэс 1168 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.

Мэдээ, мэдээлэл

2012 оны 05 дугаар сарын 11-ны өдрийн зөвшөөрлийн шалгалтад орсон эмнэлгийн мэргэжилтний дүн

Монгол улсын Засгийн газрын гишүүн, Эрүүл мэндийн сайд Н.Хүрэлбаатарын санаачлагаар “Эрүүл мэндийн сайдын нэрэмжит шагнал” шинээр төрөн гарав.

ЗГХА-Эрүүл мэндийн газрын СМХ-ийн мэргэжилтнүүд Нийслэлийн эрүүл мэндийн газрын статистик мэдээллийн хэлтсийн мэргэжилтнүүдтэй ажил хэргийн уулзалт зохион байгууллаа. ЗГХА-ЭМГ-ын статистик мэдээллийн хэлтэс болон нийслэл, дүүргийн эрүүл мэндийн газрын статистикийн хэлтсийн мэргэжилтнүүд хоорондоо ажил хэргийн уулзалт зохион байгуулж, хүн амын өвчлөл эндэгдлийн сарын шуурхай мэдээнд хувийн хэвшлийн мэдээг хэрхэн цуглуулах болон,Төв эмнэлэг,төрөлжсөн мэргэжлийн эмнэлгийн амбулатори,стационарын өвчлөл эндэгдлийн баазыг хэрхэн авах зэрэг хэд хэдэн асуудал дээр санал сонилцож, харилцан тохиролцох болон цаашдын хамтын ажиллагааны талаар ярилцлаа.