Мэдээ:
  • Төрөлт: Улсын хэмжээнд 2019 оны эхний 8 сарын байдлаар 51 540 эх төрсөн нь өнгөрсөн оны мөн үеэс 180 төрөлтөөр буюу 0.4 хувиар өссөн байна. Амьд төрсөн хүүхэд: 2019 оны эхний 8 сарын байдлаар улсын хэмжээнд 51 928 хүүхэд амьд төрсөн нь өнгөрсөн оны мөн үеэс 250 хүүхдээр буюу 0.5 хувиар өсчээ. Амьд төрсөн хүүхдийн 26 565 буюу 51.2 хувь нь хүү, 25 363 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 8 сарын байдлаар эхийн эндэгдлийн 11 тохиолдол бүртгэгдэж, 100 000 амьд төрөлтөд 21.2 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.0-оор буурсан байна. Нялхсын эндэгдэл: Улсын хэмжээнд 2019 оны эхний 8 сарын байдлаар нялхсын эндэгдлийн 681 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 8 сарын байдлаар тав хүртэлх насны хүүхдийн эндэгдлийн 820 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 50 тохиолдлоор буюу 1000 амьд төрөлтөд 1.0-оор буурсан байна. Нас баралт: 2019 оны эхний 8 сарын байдлаар улсын хэмжээнд нас баралтын 11 358 тохиолдол бүртгэгдсэн нь өнгөрсөн оны мөн үеэс 82 тохиолдлоор буурсан байна. Нийт нас баралтын 6876 тохиолдол буюу 60.5 хувь нь эрэгтэй, 4482 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 8 сарын байдлаар 26 төрлийн 29 171 халдварт өвчний тохиолдол бүртгэгдэж, 10 000 хүн амд 90.1 ногдож байна. Өмнөх оны мөн үеэс 930 тохиолдлоор буюу 10 000 хүн амд ногдох өвчлөл 1.2-оор нэмэгдсэн байна.

Мэдээ, мэдээлэл

2012.01.28-ны өдөр Эрүүл мэндийн хөгжлийн төвийн "Эмнэлгийн яаралтай түргэн тусламжийн сүлжээний зохицуулалтын алба"-ны алсын дуудлагын баг ажлын шинэ хувцас хүлээн авлаа. Ийнхүү алсын дуудлаганд явах жолооч, эмч нар  байгууллагын лого, мэргэжлийн багийн таних тэмлэг бүхий хувцастай болж байгаа нь олон талын ач холбогдолтой бөгөөд эмнэлгийн тусламж үйлчилгээг алслагдсан орон нутгийн хүн амд хүргэхэд дэмжлэг болох юм.

2013 ОНЫ 1-Р САРЫН 24, 25-НД БОЛОХ ЭМНЭЛГИЙН МЭРГЭЖИЛТНИЙ ЗӨВШӨӨРЛИЙН ШАЛГАЛТАНД НИЙГМИЙН ЭРҮҮЛ МЭНД, ЭРҮҮЛ МЭНДИЙН ХУУЛЬ,ЭРХ ЗҮЙН СЭДВЭЭР ДАВТЛАГА ӨГӨХ ТУЛ ХАМРАГДАХ ХҮСЭЛТЭЙ ЭМНЭЛГИЙН МЭРГЭЖИЛТНҮҮД 2013 ОНЫ 1-Р САРЫН 23-НЫ 16 ЦАГТ ЭРҮҮЛ МЭНДИЙН ХӨГЖЛИЙН ТӨВИЙН 2-Р БАЙРНЫ 1-Р ДАВХРЫН ЗААЛАНД ИРНЭ ҮҮ.

Эрүүл мэндийн дэд сайдын 16/217 тоот тушаалын дагуу тус төв нь Сүхбаатар дүүргийн 1-р хороонд байрлах төв байр болон Баянзүрх дүүргийн 1-р хороонд байрлах эмч нарын байрны эргэн тойронд 20-50 метр газрын цас, мөсийг арилгаж, хог цэвэрлэх ажлыг 1-р сарын 17-18-ны өдрүүдэд хийж гүйцэтгэлээ. Их цэвэрлэгээнд төвийн 6 албаны нийт 40 ажилтан, албан хаагчид оролцлоо.