Мэдээ:
  • Төрөлт: Улсын хэмжээнд 2019 оны эхний 5 сарын байдлаар 31 748 эх төрсөн нь өнгөрсөн оны мөн үеэс 174 төрөлтөөр буюу 0.6 хувиар өссөн байна. Амьд төрсөн хүүхэд: 2019 оны эхний 5 сарын байдлаар улсын хэмжээнд 31 974 хүүхэд амьд төрсөн нь өнгөрсөн оны мөн үеэс 188 хүүхдээр буюу 0.6 хувиар өсчээ. Амьд төрсөн хүүхдийн 16 315 буюу 51.0 хувь нь хүү, 15 659 буюу 49.0 хувь нь охин байна. Эхийн эндэгдэл: Улсын хэмжээнд 2019 оны эхний 5 сарын байдлаар эхийн эндэгдлийн 7 тохиолдол бүртгэгдэж, 100 000 амьд төрөлтөд 21.9 байгаа нь өнгөрсөн оны мөн үеэс 4 тохиолдлоор буюу 100 000 амьд төрөлтөд 12.7-оор буурсан байна. Нялхсын эндэгдэл: Улсын хэмжээнд 2019 оны эхний 5 сарын байдлаар нялхсын эндэгдлийн 443 тохиолдол бүртгэгдэж, 1 000 амьд төрөлтөд 13.9 ногдож байгаа нь өнгөрсөн оны мөн үетэй харьцуулахад 4 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 5 сарын байдлаар тав хүртэлх насны хүүхдийн эндэгдлийн 527 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 14 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 5 сарын байдлаар улсын хэмжээнд нас баралтын 7 243 тохиолдол бүртгэгдсэн нь өнгөрсөн оны мөн үеэс 94 тохиолдлоор өссөн байна. Нийт нас баралтын 4 356 тохиолдол буюу 60.1 хувь нь эрэгтэй, 2 887 буюу 39.9 хувь нь эмэгтэй байна. Халдварт өвчин: Улсын хэмжээнд 2019 оны эхний 5 сарын байдлаар 26 төрлийн 18 863 халдварт өвчний тохиолдол бүртгэгдэж, 10 000 хүн амд 58.2 ногдож байна. Өмнөх оны мөн үеэс 1 334 тохиолдлоор буюу 10 000 хүн амд ногдох өвчлөл 3.0-оор нэмэгдсэн байна.

Мэдээ, мэдээлэл

 Гамшиг, онцгой байдлын үеийн бэлэн байдлын төлөвлөгөөний хэрэгжилтийг хангах, эрүүл мэндийн байгууллагын ажилтан албан хаагчдад ажлын байран дээр бие биендээ амилуулах суурь тусламж үзүүлэх чадварыг эзэмшүүлэх зорилгоор Эмнэлгийн Яаралтай, Түргэн Тусламжийн Сүлжээ Зохицуулалтын Алба,  УНТЭ-ийн Яаралтай тусламжийн тасгийн эмч нартай хамтран ЭМХТ-ийн ажилчидад зориулж “Амилуулах тусламж” сэдэвт онол, дадлага хосолсон сургалтыг 2013 оны 1-р сарын 31-нд байгууллага дээрээ зохион байгууллаа.

-         Хангалттай унтаж амрах, идэвхитэй хөдөлгөөнтэй байх, стрессийг зохицуулах,

-            Шингэн хангалттай уух, эрүүл, аюулгүй, илчлэг, шаардлага хангасан  хоол хүнс хэрэглэх.

-            Гараа байнга савандаж угаах, спиртэн суурьтай гар ариутгагч хэрэглэж занших.

-            Ханиаж, найтаахдаа ам, хамраа дарах эсвэл тохойгоорой хаах буюу хүнгүй тал уруугаа хандах, маск зүүх, шүлс, нус цэрээ ил хаяхгүй байх.

-            Гэр, сууц, анги танхим, ажлын байр орчныг тогтмол агааржуулж, дулаан /18-22 хэм / байлгах.

-            Нойтон цэвэрлэгээ тогтмол хийх, халдваргүйжүүлэх бодис хэрэглэж занших.

-            Даарахгүй байх, цаг агаарын байдалд зохицуулан дулаан хувцаслах,

2012.01.28-ны өдөр Эрүүл мэндийн хөгжлийн төвийн "Эмнэлгийн яаралтай түргэн тусламжийн сүлжээний зохицуулалтын алба"-ны алсын дуудлагын баг ажлын шинэ хувцас хүлээн авлаа. Ийнхүү алсын дуудлаганд явах жолооч, эмч нар  байгууллагын лого, мэргэжлийн багийн таних тэмлэг бүхий хувцастай болж байгаа нь олон талын ач холбогдолтой бөгөөд эмнэлгийн тусламж үйлчилгээг алслагдсан орон нутгийн хүн амд хүргэхэд дэмжлэг болох юм.