Мэдээ:
  • Төрөлт: Улсын хэмжээнд 2019 оны эхний 5 сарын байдлаар 31 748 эх төрсөн нь өнгөрсөн оны мөн үеэс 174 төрөлтөөр буюу 0.6 хувиар өссөн байна. Амьд төрсөн хүүхэд: 2019 оны эхний 5 сарын байдлаар улсын хэмжээнд 31 974 хүүхэд амьд төрсөн нь өнгөрсөн оны мөн үеэс 188 хүүхдээр буюу 0.6 хувиар өсчээ. Амьд төрсөн хүүхдийн 16 315 буюу 51.0 хувь нь хүү, 15 659 буюу 49.0 хувь нь охин байна. Эхийн эндэгдэл: Улсын хэмжээнд 2019 оны эхний 5 сарын байдлаар эхийн эндэгдлийн 7 тохиолдол бүртгэгдэж, 100 000 амьд төрөлтөд 21.9 байгаа нь өнгөрсөн оны мөн үеэс 4 тохиолдлоор буюу 100 000 амьд төрөлтөд 12.7-оор буурсан байна. Нялхсын эндэгдэл: Улсын хэмжээнд 2019 оны эхний 5 сарын байдлаар нялхсын эндэгдлийн 443 тохиолдол бүртгэгдэж, 1 000 амьд төрөлтөд 13.9 ногдож байгаа нь өнгөрсөн оны мөн үетэй харьцуулахад 4 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 5 сарын байдлаар тав хүртэлх насны хүүхдийн эндэгдлийн 527 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 14 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 5 сарын байдлаар улсын хэмжээнд нас баралтын 7 243 тохиолдол бүртгэгдсэн нь өнгөрсөн оны мөн үеэс 94 тохиолдлоор өссөн байна. Нийт нас баралтын 4 356 тохиолдол буюу 60.1 хувь нь эрэгтэй, 2 887 буюу 39.9 хувь нь эмэгтэй байна. Халдварт өвчин: Улсын хэмжээнд 2019 оны эхний 5 сарын байдлаар 26 төрлийн 18 863 халдварт өвчний тохиолдол бүртгэгдэж, 10 000 хүн амд 58.2 ногдож байна. Өмнөх оны мөн үеэс 1 334 тохиолдлоор буюу 10 000 хүн амд ногдох өвчлөл 3.0-оор нэмэгдсэн байна.

Мэдээ, мэдээлэл

  Эрүүл мэндийн хөгжлийн төвөөс санаачлан "Эрүүл мэндийн байгууллагын удирдлага, менежмент" сэдэвт захиалгат сургалтыг зохион байгуулж байна. Сургалт 2 өдөр үргэлжлэх бөгөөд тус сургалтанд Орхон аймгийн БОЭТ, ЭМГ, хувийн хэвшлийн эрүүл мэндийн байгууллага, Баянгол дүүргийн хувийн хэвшлийн байгууллагуудын удирдлагууд оролцож нийгмийн эрүүл мэнд, төр хувшийн хэвшлийн түншлэл, эрүүл мэндийн салбарын маркетинг, удирдлагын арга, барил, манлайлал, эрүүл мэндийн салбарт ажиллагсдын харьцаа хандлагын талаар хэлэлцэж байна. 

Төгсөлтийн дараах сургалтанд үндсэн мэргэжлээр суралцагч резидент эмч нарын дунд зохион байгуулсан ур чадвар сорих тэмцээний эхний шатны шалгаруулалтанд оролцсон 8 багаас  УНТЭ-ийн “Эмчийн гарын үсэг” баг,  УГТЭ, Ачтан эмнэлгийн хамтарсан “ Шинэчлэл” баг,  ЭХЭМҮТ-ийн “Зөв эргэлт” баг,  КНАГ, ЭСҮТ-ийн хамтарсан “ Арга билиг” багууд шалгарч дараагийн шатны тэмцээнд оролцох эрх авсан билээ.

Дээрх багууд 2 дахь шатны  шалгаруулалтанд  Эрүүл мэндийн салбарын шинэчлэл сэдвээр илтгэл, амилуулах лавшруулсан тусламж, эмнэл зүйн тохиолдолд дүгнэлт шийдвэр гарган, эмчилгээний тактик боловсруулах, багийн ахлагчдын хооронд авхаалж самбаа сорих тэмцээн зэрэг төрлөөр 2013 оны 04 дүгээр сарын 10-ны өдөр өрсөлдөх болсон тул багуудад амжилт хүсч тэмцээндээ сайн бэлдэхийг уриалж байна.

Хүн амынхаа эүүүл мэндийг сахин хамгаалах ариун үйлсэд мэдлэг оюун, авъяас чадвар, хүч хөдөлмөрөө зориулан ажиллаж байгаа Монгол улсын нийт эмч нартаа дэлхийн эмч нарын єдрийн чин сэтгэлийн мэндчилгээг дэвшүүлж байна.

Бид эрүүл мэндийн салбарын хөгжил, шинэчлэл, дэвшилтэт технологийг нэвтрүүлж, мэдлэг, ур чадвар, сэтгэлээ зориулан, эрүүл мэндийн тусламж  үйлчилгээг чанартай, хүртээмжтэй үзүүлэхийн тулд бусад байгууллага, эмч нартайгаа хамтран ажиллаж байна.

Хүн ардынхаа эрүүл энхийн төлөө зүтгэж буй хамтран ажиллагч байгууллагууд, мянга мянган эмч, эмнэлгийн мэргэжилтэн, ажилчид, эрдэмтэн, гавьяат, үе үеийн ахмадууд та бүхэндээ эрүүл энх, урт удаан насалж, эрүүл энхийн манаандаа соргог байж, алтан гар тань амжилт бүтээлээр дүүрэн байхыг хүсэн ерөөе.

 

 

Эрүүл мэндийн хєгжлийн тєвийн захирал

 

Ч.Бат-Эрдэнэ