Мэдээ:
  • Төрөлт: Улсын хэмжээнд 2019 оны эхний 6 сарын байдлаар 38 084 эх төрсөн нь өнгөрсөн оны мөн үеэс 29 төрөлтөөр буюу 0.1 хувиар өссөн байна. Амьд төрсөн хүүхэд: 2019 оны эхний 6 сарын байдлаар улсын хэмжээнд 38 361 хүүхэд амьд төрсөн нь өнгөрсөн оны мөн үеэс 50 хүүхдээр буюу 0.1 хувиар өсчээ. Амьд төрсөн хүүхдийн 19 596 буюу 51.1 хувь нь хүү, 18 765 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 6 сарын байдлаар эхийн эндэгдлийн 9 тохиолдол бүртгэгдэж, 100 000 амьд төрөлтөд 23.5 байгаа нь өнгөрсөн оны мөн үеэс 3 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 6 сарын байдлаар нялхсын эндэгдлийн 521 тохиолдол бүртгэгдэж, 1 000 амьд төрөлтөд 13.6 ногдож байгаа нь өнгөрсөн оны мөн үетэй харьцуулахад 9 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 6 сарын байдлаар тав хүртэлх насны хүүхдийн эндэгдлийн 632 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 18 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 6 сарын байдлаар улсын хэмжээнд нас баралтын 8 523 тохиолдол бүртгэгдсэн нь өнгөрсөн оны мөн үеэс 7 тохиолдлоор өссөн байна. Нийт нас баралтын 5 153 тохиолдол буюу 60.5 хувь нь эрэгтэй, 3 370 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 6 сарын байдлаар 26 төрлийн 22 783 халдварт өвчний тохиолдол бүртгэгдэж, 10 000 хүн амд 70.4 ногдож байна. Өмнөх оны мөн үеэс 958 тохиолдлоор буюу 10 000 хүн амд ногдох өвчлөл 1.7-оор нэмэгдсэн байна.

Мэдээ, мэдээлэл

Амрах нойроо үл ойшоож

Аюулт өвчнийг сөрөн зогссон

Авралын бурхан сувилагч таны

Ачит үйлс гэгээн алдартай         

   Ариухан сэтгэлд сүүн цацалтай

   Ачлан хайрлах нь дэлхийн энтэй

   Асран тэтгэх нь ээжийн бүүвэйтэй

   Ай даа таны алдар сувилагчаа

Эрүүл энхийн торгон манаанд

Эгэлгүй сэтгэлээр тангараг өргөсөн

Энэрлийн дээд сувилагч таны

Эрхэм үйлс жаргалын дуутай

 

Франц, Монголын түншлэлийн хүрээнд Эрүүл мэндийн хөгжлийн төв, Гэмтэл согог судлалын үндэсний төв, Францын Пьер ба Мари Кюригийн их сургууль, Парисын VII  Дидерогийн  их сургуулиуд хамтран Монголын эмч нарт гэмтлийн мэс засал, мэдээгүйжүүлэг, эрчимт эмчилгээний сургалтыг 2014-2016 хугацаанд зохион байгуулахаар төлөвлөн ажиллаж байгаа билээ. Энэхүү үйл ажиллагааны хүрээнд нийт 10 удаагийн сургалт хийхээс  4-р ээлжийн сургалтыг 2015 оны 04 сарын 27-ноос 05 сарын 01-ны хооронд нийт 5 өдрийн хугацаатай зохион байгууллаа.

Эрүүл мэндийн хөгжлийн төвд доорх сул ажлын байранд ажилтан шалгаруулж авна

Бүрдүүлэх материал: 

  • Төрийн албан хаагчийн анкет
  • Боловсролын баримт бичиг
  • Иргэний үнэмлэх
  • Өмнө нь ажиллаж байсан байгууллагын тодорхойлолт
  • Нийгмийн даатгалын дэвтэр

Дээрхи шаардлагыг хангаж байгаа иргэдийг 2015 оны 05  дугаар сарын 15-ны өдөр хүртэл Эрүүл мэндийн газрын Захиргааны  хэлтсийн 203 тоотод бүртгэнэ.

Эрүүл мэндийн хөгжлийн төвийн төв байранд 2015 оны 05 дугаар с арын 08-ны өдөр 11-17 цагын хооронд цахилгааны хязгаарлалт хийгдэх тул тус өдөр явагдах байсан ЛИЦЕНЗ-ийн шалгалт 2015 оны 05 дугаар сарын 11-ний өдөр болон хойшлогдлоо