Мэдээ:
  • Төрөлт: Улсын хэмжээнд 2019 оны эхний 10 сарын байдлаар 64 769 эх төрсөн нь өнгөрсөн оны мөн үеэс 657 төрөлтөөр буюу 1.0 хувиар өссөн байна. Амьд төрсөн хүүхэд: 2019 оны эхний 10 сарын байдлаар улсын хэмжээнд 65 270 хүүхэд амьд төрсөн нь өнгөрсөн оны мөн үеэс 754 хүүхдээр буюу 1.2 хувиар өсчээ. Төрөлтийн түвшин 1000 хүн амд 20.7 байна. Амьд төрсөн хүүхдийн 33 460 буюу 51.3 хувь нь хүү, 31 810 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.0 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 10 сарын байдлаар нялхсын эндэгдлийн 855 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 10 сарын байдлаар тав хүртэлх насны хүүхдийн эндэгдлийн 1031 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 58 тохиолдлоор буюу 1000 амьд төрөлтөд 1.1-оор буурсан байна. Нас баралт: 2019 оны эхний 10 сарын байдлаар улсын хэмжээнд нас баралтын 14 265 тохиолдол бүртгэгдсэн нь өнгөрсөн оны мөн үеэс 96 тохиолдлоор буурсан байна. Нас баралтын түвшин 1000 хүн амд 4.5 байна. Халдварт өвчин: Улсын хэмжээнд 2019 оны эхний 10 сарын байдлаар 28 төрлийн 36 030 халдварт өвчний тохиолдол бүртгэгдэж, 10 000 хүн амд 111.3 ногдож байна. Өмнөх оны мөн үеэс 1732 тохиолдлоор буюу 10 000 хүн амд ногдох өвчлөл 3.4-оор нэмэгдсэн байна.

Мэдээ, мэдээлэл

Мэргэжил дээшлүүлэх сургалтын бүртгэл эхэллээ

2016-2017 оны хичээлийн жилийн Эмнэлгийн мэргэжилтний Төгсөлтийн дараах сургалтанд Эрүүл мэндийн сайд, Боловсрол, соёл, шинжлэх ухааны сайдын хамтарсан 2013 оны 12 дугаар сарын 27-ны өдрийн “Журам шинэчлэн батлах тухай” 491/А472 дугаар тушаалын 1 дүгээр хавсралтын 6 дахь заалтын шаардлагыг хангасан эмнэлгийн мэргэжилтнүүдийг Эрүүл мэндийн сайдын 2014 оны 02 сарын 17-ны өдрийн “Төгсөлтийн дараах мэргэшлийн сургалтын чиглэл, индекс батлах тухай” 49 дүгээр тушаалаар батлагдсан мэргэжлийн чиглэлээр Эрүүл мэндийн сайдын 2014 оны 05 сарын 14-ны өдрийн “Шалгалтын журам батлах тухай” 157 дугаар тушаалын дагуу элсүүлнэ.

Эмч, эмнэлгийн дээд мэргэжилтний МЭРГЭЖИЛ ДЭЭШЛҮҮЛЭХ сургалтын ЭЛСЭЛТ-ийн бүртгэлийг 2016 оны 02-р сарын 15-25-ны өдрүүдэд ЭМХТ-ийн 102 тоотод цаасаар бүртгэнэ.

Бүртгэлтэй холбоотой мэдээлэллийг Эрүүл мэндийн хөгжлийн төвийн www. сhd.mohs.mn цахим хуудаснаас татаж авна уу.

МОНГОЛ УЛСАД:

Газар хөдлөлт:

Хөвсгөл аймгийн Улаан-Уул сумын төвөөс баруун зүгт 92 км-т 2 дугаар сарын 13-ны өдрийн 22:00 цагт 3.8 магнитутын хүчтэй газар хөдлөлт болж, учирсан хохирол байхгүй байна.

Эх сурвалж: ОБЕГ

 

2016 оны 02 сарын 04-ний сувилахуйн онолын давтан шалгалтын  дүн 

Монгол улсын хэмжээнд:
ХӨ-ний ЭСХАХ-ний мэдээ:
    Өнгөрсөн 7 хоногийн нийт хамшинж, сэжигтэй тохиолдлын 78.3% нь Улаанбаатар хотоос мэдээлэгдсэн нь өмнөх долоо хоногоос 2%-иар их байна.
     Цочмог цусархаг суулгалтын хамшинж сүүлийн 3 долоо хоног дараалан өсөөд байгаа бөгөөд олон жилийн дунджаас өндөр байна. Нийт цочмог цусархаг суулгалтын хамшинжийн 91% нь Улаанбаатар хотын дүүргүүдээс мэдээлэгдсэн байна.
    Цочмог халууралт, цэврүүт тууралттай өвчний хамшинж өмнөх долоо хоногоос өссөн байгаа бөгөөд 11 аймаг, 6-н дүүргээс мэдээлэгджээ.


Эх сурвалж: ХӨСҮТ