Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1040 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 3 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1262 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 48 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 123 тохиолдол бүртгэгдсэн нь өнгөрсөн оны мөн үеэс 208 тохиолдлоор буурсан байна. Нийт нас баралтын 10 471 тохиолдол буюу 61.2 хувь нь эрэгтэй, 6652 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.

Мэдээ, мэдээлэл

2016 онд эмнэлгийн мэргэжилтний мэргэжлийн зэрэг горилох хүсэлтэй мэргэжилтний материалыг дараах нийгэмлэг, холбоо, мэргэжлийн салбар зөвлөл хүлээн авна.

2016 онд эмнэлгийн мэргэжилтний мэргэжлийн зэрэг горилох хүсэлтэй мэргэжилтний материалыг шалгалт зохион байгуулах эрх бүхий нийгэмлэг, холбоо, мэргэжлийн салбар зөвлөл 2016 оны 2 дугаар сарын 22-ны өдрөөс 3 дугаар сарын 22-ны дотор хүлээн авна.

Мэргэжлийн зэрэг олгох шалгалтыг 2016 оны 4 дүгээр сарын 15-наас 5 дугаар сарын 15-ны хооронд зохион байгуулна. 2016 онд мэргэжлийн зэргийн шалгалтын материалыг хүлээн авч, зохион байгуулах мэргэжлийн салбар зөвлөл, нийгэмлэг, холбоодын хаяг, холбогдох утас:

Эрүүл мэндийн хөгжлийн төв нь ОХУ-ын Иркутск хотын Анагаах ухааны их сургуультай эмч мэргэжилтэнг мэргэжил дээшлүүлэх сургалтад хамруулах гэрээ байгуулан ажиллаж байна. Сургалтад хамрагдаж, мэргэжил дээшлүүлэх хүсэлтэй эмч, эмнэлгийн мэргэжилтэнг сонгон шалгаруулалтад урьж байна.

МОНГОЛ УЛСАД:

Газар хөдлөлт:

Баянхонгор аймгийн Баацагаан сумаас зүүн урд зүгт 15 км-ийн зайд “Нарийн гол” 03 дугаар сарын 18-ны өдрийн 14:09:54 цагт 4.0 магнитудын; Говь-Алтай аймгийн Алтай сумаас зүүн урд зүгт 180 км-ийн зайд 03 дугаар сарын 18-ны өдрийн 19:35:34 цагт 3.5 магнитудын; Өмнөговь аймгийн Булган сумаас баруун хойт зүгт 49 км-ийн зайд Дэн багийн “Хайрхан эрэг” гэдэг газарт 3 дугаар сарын 18-ны өдрийн 19:44:34 цагт 3.6 магнитудын хүчтэй газар хөдлөлт болсон тухай тус тус мэдээлжээ.

Газар хөдлөлт болсон газруудад учирсан хохирол байхгүй байна.

Эх сурвалж: ОБЕГ

Томуу, томуу төст өвчин, улсын хэмжээнд:
Улсын хэмжээнд 10 дугаар долоо хоногт нийт 162971 хүн амбулаториор үйлчлүүлсний 14,347 (8.8%) нь томуу томуу төст өвчтэй гэж оношлогдож, 10,000 хүн амд 48.8 тохиолдол бүртгэгдсэн нь өнгөрсөн 7 хоногоос буурчээ.
ХӨСҮТ-д 138 сорьц хүлээн авч шинжлэхэд нийт 21 (15,2%) сорьцонд томуугийн В вирүсийн ген, сорьцуудаас түүвэрлэн сонгосон 32 (23,1) сорьцод шинжилгээ хийхэд 8 (25%) сорьцонд хүний метапневмовирүс, 6 (18%) сорьцод респиратор-синцитиаль вирүс, 3 (9%) сорьцод риновирүс, 2 (6%) сорьцод бокавирүсийн ген тус тус тодорхойлогдлоо.


Эх сурвалж: ХӨСҮТ