Мэдээ:
  • Төрөлт: Улсын хэмжээнд 2019 оны эхний 8 сарын байдлаар 51 540 эх төрсөн нь өнгөрсөн оны мөн үеэс 180 төрөлтөөр буюу 0.4 хувиар өссөн байна. Амьд төрсөн хүүхэд: 2019 оны эхний 8 сарын байдлаар улсын хэмжээнд 51 928 хүүхэд амьд төрсөн нь өнгөрсөн оны мөн үеэс 250 хүүхдээр буюу 0.5 хувиар өсчээ. Амьд төрсөн хүүхдийн 26 565 буюу 51.2 хувь нь хүү, 25 363 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 8 сарын байдлаар эхийн эндэгдлийн 11 тохиолдол бүртгэгдэж, 100 000 амьд төрөлтөд 21.2 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.0-оор буурсан байна. Нялхсын эндэгдэл: Улсын хэмжээнд 2019 оны эхний 8 сарын байдлаар нялхсын эндэгдлийн 681 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 8 сарын байдлаар тав хүртэлх насны хүүхдийн эндэгдлийн 820 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 50 тохиолдлоор буюу 1000 амьд төрөлтөд 1.0-оор буурсан байна. Нас баралт: 2019 оны эхний 8 сарын байдлаар улсын хэмжээнд нас баралтын 11 358 тохиолдол бүртгэгдсэн нь өнгөрсөн оны мөн үеэс 82 тохиолдлоор буурсан байна. Нийт нас баралтын 6876 тохиолдол буюу 60.5 хувь нь эрэгтэй, 4482 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 8 сарын байдлаар 26 төрлийн 29 171 халдварт өвчний тохиолдол бүртгэгдэж, 10 000 хүн амд 90.1 ногдож байна. Өмнөх оны мөн үеэс 930 тохиолдлоор буюу 10 000 хүн амд ногдох өвчлөл 1.2-оор нэмэгдсэн байна.

Мэдээ, мэдээлэл

МОНГОЛ УЛСАД:

Хумхаа өвчний батлагдсан тохиолдол:

31 настай, эрэгтэй, Улаанбаатар хотын СХД-ийн харьяат. Бүгд Найрамдах Конго улсад ажиллаж байхдаа халдвар авсан байх өгүүлэмжтэй ба 3 дугаар сарын 20-нд Монголд ирсэн байна.

 Одоогоор өвчтний биеийн байдал хүнд, өндөр халуурч, толгой өвдөнө, арьс салст шарлах, ганц нэг цусархаг тууралт гарах зэрэг эмнэлзүйн шинж тэмдэгтэйгээр Дархан-Уул аймгийн Нэгдсэн эмнэлэгт хэвтэн эмчлэгдэж байна. Өвчтнөөс сорьц цуглуулан ЗӨСҮТ-д шинжлэхэд P.falciparum зүйлийн үүсгэгч илэрчээ.

Эх сурвалж: ЗӨСҮТ

ЛАБОРАТОРИЙН ЭМЧ, ЛАБОРАНТ, ЭХ БАРИХ ЭМЭГТЭЙЧҮҮДИЙН ЭМЧ НАРЫН АНХААРАЛД

2016 онд мэргэжлийн зэрэг горилох хүсэлтэй лабораторийн эмч, лаборант, эх барих эмэгтэйчүүдийн эмч нар дараах нийгэмлэг, холбоодод материал бүрдүүлэн 2016 оны 3 дугаар сарын 28-ны өдрөөс 4 дүгээр сарын 8-ны дотор хүргүүлнэ үү. 

Мэргэжлийн зэрэг олгох шалгалтыг 2016 оны 4 дүгээр сарын 27-ноос 5 дугаар сарын 15-ны хооронд зохион байгуулна.

Мэргэжлийн зэргийн шалгалтын материалыг хүлээн авч, зохион байгуулах нийгэмлэг, холбоодын хаяг, холбогдох утас


МОНГОЛ УЛСАД:

Газар хөдлөлт:

Завхан аймгийн Сантмаргац сумын төвөөс баруун урд зүгт 10 км-ийн зайд  “Булгийн-Эх” гэдэг газарт 3 дугаар сарын 22-ны өдрийн 13:50:09 цагт 3.9 магнитудын хүчтэй газар хөдлөлт болжээ. Нутгийн иргэдэд чичирхийлэл мэдрэгдсэн ч хохирол байхгүй байна.

Эх сурвалж: ОБЕГ

 

МОНГОЛ УЛСАД:

Томуу, томуу төст өвчин:

- 3 дугаар сарын 14-өөс 20-нд улсын хэмжээнд амбулаторийн үзлэгт 191,314 хүн хамрагдсаны 14,012 (7.3%) нь ТТӨ-тэй гэж оношлогдсон байна.

- Нийслэлийн БГД, БНД болон Дорнод, Дундговь, Өмнөговь аймгуудад томуу, томуу төст өвчин 10%-иас дээш хувийг эзэлж байна.

- ХӨСҮТ-д нийт 120 сорьц хүлээн авч шинжлэхэд 19 (15,8%) сорьцонд В вирүс,  1 (0,8%) сорьцод A(H1N1)pdm09 вирүсийн ген, иж томуу илрүүлэх шинжилгээний дүнгээр 10 (71%) сорьцод респиратор-синцитиаль вирүс,  2 (14%) сорьцод риновирүс, 1 (7%) сорьцонд хүний метапневмовирүс тус тус илэрчээ.

Эх сурвалж: ХӨСҮТ