Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1041 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 4 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1263 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 47 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 205 тохиолдол бүртгэгдсэн нь өнгөрсөн оны мөн үеэс 126 тохиолдлоор буурсан байна. Нийт нас баралтын 10 515 тохиолдол буюу 61.1 хувь нь эрэгтэй, 6690 буюу 38.9 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.
БАЙГУУЛЛАГА, ИРГЭДЭД ДАРААХ ЧИГЛЭЛЭЭР АРХИВЫН ЛАВЛАГАА, ХУУЛБАР ОЛГОНО.
  1. ҮҮНД:
  • ЭМИЙН БҮРТГЭЛ, ЭКСПОРТ, ИМПОРТЫН ЗӨВШӨӨРӨЛ, ЭМИЙН БАТАЛГААЖУУЛАЛТЫН МАТЕРИАЛЫГ  (2000-2012 ОН  ХҮРТЭЛХ)   ЭМИЙН БҮРТГЭЛД БҮРТГҮҮЛСЭН БАЙГУУЛЛАГЫН ХҮСЭЛТИЙГ ҮНДЭСЛЭН;

 

  • МАГАДЛАН ИТГЭМЖЛЭГДСЭН ЭМНЭЛГИЙН МАТЕРИАЛ БОЛОН  ҮҮНТЭЙ ХОЛБОО БҮХИЙ МАТЕРИАЛЫГ  ТУХАЙН ЭМНЭЛГИЙН ХҮСЭЛТ БОЛОН ЭМЯ-НЫ  ХҮСЭЛТИЙГ ҮНДЭСЛЭН;

 

  • ЭМНЭЛГИЙН МЭРГЭЖИЛТЭНД МЭРГЭЖЛИЙН ҮЙЛ АЖИЛЛАГАА ЭРХЛЭХ ЗӨВШӨӨРӨЛ  ОЛГОСОН ЭРҮҮЛ МЭНДИЙН САЙДЫН ТУШААЛ БОЛОН  ЗӨВШӨӨРӨЛ ОЛГОХТОЙ  ХОЛБООТОЙ БҮРДҮҮЛСЭН МАТЕРИАЛЫГ БАЙГУУЛЛАГА, ХУВЬ ХҮНИЙ ХҮСЭЛТИЙН ДАГУУ;

 

  •  ЭМНЭЛГИЙН МЭРГЭЖИЛТЭНД МЭРГЭЖЛИЙН ЗЭРЭГ  ОЛГОСОН ЭМС-ЫН ТУШААЛ БОЛОН  ДҮНГИЙН ХУУДСЫГ  БАЙГУУЛЛАГА, ХУВЬ ХҮНИЙ ХҮСЭЛТИЙГ ҮНДЭСЛЭН

 

  • ГАДААДЫН ИРГЭДЭД МЭРГЭЖЛИЙН  ҮЙЛ АЖИЛЛАГАА ЭРХЛЭХ ЗӨВШӨӨРӨЛ ОЛГОСОН ЭМС-ЫН ТУШААЛ БОЛОН  БҮРДҮҮЛСЭН МАТЕРИАЛЫГ БАЙГУУЛЛАГЫН ХҮСЭЛТИЙГ ҮНДЭСЛЭН

 

  • ЭРҮҮЛ МЭНДИЙН СТАТИСТИК  ТООН ҮЗҮҮЛЭЛТИЙГ  БАЙГУУЛЛАГА, ИРГЭДИЙН  ХҮСЭЛТИЙГ ҮНДЭСЛЭН  ОЛГОХ БӨГӨӨД МЭДЭЭЛЭЛ  АВСАН БАЙГУУЛЛАГА, ИРГЭД ТООН  ҮЗҮҮЛЭЛТИЙГ ҮНЭН ЗӨВ МЭДЭЭЛЭЛД АШИГЛАХЫГ ШААРДАНА

 

  • СУРГАЛТ ЭРХЛЭГЧ БАЙГУУЛЛАГЫН МАТЕРИАЛ, ТӨРИЙН САНГААР СУРАЛЦАГЧДЫН МАТЕРИАЛ БОЛОН  ТУС БАЙГУУЛЛАГАТ АЖИЛЛАЖ БАЙСАН ХҮМҮҮСТ БОЛОВСОН ХҮЧНИЙ  ТУШААЛ, ШИЙДВЭРЭЭР ЛАВЛАГАА, ХУУЛБАРЫГ ОЛГОНО.