Мэдээ:
  • Төрөлт: Улсын хэмжээнд 2019 оны эхний 6 сарын байдлаар 38 084 эх төрсөн нь өнгөрсөн оны мөн үеэс 29 төрөлтөөр буюу 0.1 хувиар өссөн байна. Амьд төрсөн хүүхэд: 2019 оны эхний 6 сарын байдлаар улсын хэмжээнд 38 361 хүүхэд амьд төрсөн нь өнгөрсөн оны мөн үеэс 50 хүүхдээр буюу 0.1 хувиар өсчээ. Амьд төрсөн хүүхдийн 19 596 буюу 51.1 хувь нь хүү, 18 765 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 6 сарын байдлаар эхийн эндэгдлийн 9 тохиолдол бүртгэгдэж, 100 000 амьд төрөлтөд 23.5 байгаа нь өнгөрсөн оны мөн үеэс 3 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 6 сарын байдлаар нялхсын эндэгдлийн 521 тохиолдол бүртгэгдэж, 1 000 амьд төрөлтөд 13.6 ногдож байгаа нь өнгөрсөн оны мөн үетэй харьцуулахад 9 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 6 сарын байдлаар тав хүртэлх насны хүүхдийн эндэгдлийн 632 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 18 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 6 сарын байдлаар улсын хэмжээнд нас баралтын 8 523 тохиолдол бүртгэгдсэн нь өнгөрсөн оны мөн үеэс 7 тохиолдлоор өссөн байна. Нийт нас баралтын 5 153 тохиолдол буюу 60.5 хувь нь эрэгтэй, 3 370 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 6 сарын байдлаар 26 төрлийн 22 783 халдварт өвчний тохиолдол бүртгэгдэж, 10 000 хүн амд 70.4 ногдож байна. Өмнөх оны мөн үеэс 958 тохиолдлоор буюу 10 000 хүн амд ногдох өвчлөл 1.7-оор нэмэгдсэн байна.
Эмнэлгийн мэргэжилтний ур чадвар, мэргэжлийн зэрэг олгох

Эрүүл мэндийн сайд, Боловсрол шинжлэх ухааны сайдын 2013 оны Журам шинэчлэн батлах тухай 491/А472 дугаар хамтарсан тушаалын дөрөвдүгээр хавсралтаар батлагдсан “Эмнэлгийн мэргэжилтэнд мэргэшлийн зэрэг олгох, хүчингүй болгох журам”-аас:

Эмнэлгийн мэргэжилтний мэргэшлийн зэрэг олгох үйл ажиллагаа нь эмнэлгийн мэргэжилтний мэдлэг, ур чадварыг хөгжүүлэх, үнэлэх, баталгаажуулахад чиглэгдэнэ.

Мэргэшлийн зэрэг нь ахлах, тэргүүлэх, зөвлөх гэсэн 3 шатлалтай бөгөөд зэргийг шатлал алгасуулан олгохгүй.

Мэргэшлийн зэргийн хоорондох шатлал ахиулах хугацаа 5 ба түүнээс дээш байна.

Эмнэлгийн мэргэжилтэнд мэргэшлийн зэргийг давхцуулан олгохгүй бөгөөд зөвхөн ажиллаж буй мэргэжлийн чиглэлээр зэрэг олгоно.

Хүний их эмч, эм зүйч, уламжлалт анагаах ухааны эмч, нүүр амны их эмч, сувилагч мэргэжлээр зөвлөх зэрэг олгоно. 

А. Нийтлэг шалгуур

Ахлах зэрэг

Тэргүүлэх зэрэг

Зөвлөх зэрэг

1.Мэргэжлийн үйл ажиллагаа эрхлэх зөвшөөрөлтэй,  зөвшөөрөл шаардлагагүй мэргэжилтэн нь мэргэжил эзэмшсэн диплом, мэргэшлийн үнэмлэхтэй байх

2.Тухайн мэргэжлээрээ 8-аас доошгүй жил тасралтгүй ажилласан байх

2.Тухайн мэргэжлээрээ 13< жил тасралтгүй ажилласан байх, одоо тухайн мэргэжлээрээ ажиллаж буй

2.Тухайн мэргэжлээрээ 20 ба < жил тасралтгүй ажилласан, одоо тухайн мэргэжлээрээ ажиллаж буй

  1. Ёс зүйн болон мэргэжлийн алдаа гаргаагүй байх
  2. Тухайн мэргэжлээрээ төрөлжсөн мэргэжил эзэмшсэн байх
   

5.Боловсролын докторын зэрэгтэй байх

Б. Тусгай шалгуур

Тухайн мэргэжлийн салбар  зөвлөл мэргэжлийн онцлогийг харгалзан мэргэшлийн зэргийн шатлал тус бүрээр тусгай шалгуурыг боловсруулж, хэрэгжүүлэх ба нийтлэг шалгуурт байгаа үзүүлэлтийг тусгай шалгуурт давхцуулахгүй байна.

 

ЕРӨНХИЙ МЭРГЭЖЛИЙН САЛБАР ЗӨВЛӨЛИЙН МЭРГЭЖЛИЙН ЗЭРЭГ ОЛГОХ, ХАМГААЛАХ ЖУРАМ

Эмгэг судлалын тусгай шалгуур

Хүүхдийн эмчийн тусгай шалгуур

Лабраторийн тусгай шалгуур

Уламжлалтын тусгай шалгуур

Мэргэжлийн зэрэг горилогчийн өргөдлийн маягт

Сувилагчийн тусгай шалгуур

Нийгмийн эрүүл мэндийн тусгай шалгуур

Эх барихын шалгуур үзүүлэлт

Мэс заслын шалгуур үзүүлэлт

Мэдрэлийн шалгуур

Мэдээгүйжүүлгийн шалгуур үзүүлэлт

Сэргээн засахын шалгуур үзүүлэлт

Чих хамар хоолойн шалгуур үзүүлэлт

Нүдний шалгуур үзүүлэлт

Дүрс оношилгооны шалгуур үзүүлэлт

Нүүр ам судлалын шалгуур үзүүлэлт

Халдвартын шалгуур үзүүлэлт

Арьсны шалгуур үзүүлэлт

Дотрын шалгуур үзүүлэлт

Эм холбоо шалгуур үзүүлэлт

Өрх тусгай шалгуур

Хавдрын шалгуур үзүүлэлт