Мэдээ:
  • Төрөлт: Улсын хэмжээнд 2019 оны эхний 11 сарын байдлаар 71 046 эх төрсөн нь өнгөрсөн оны мөн үеэс 527 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 11 сарын байдлаар улсын хэмжээнд 71 622 хүүхэд амьд төрсөн нь өнгөрсөн оны мөн үеэс 662 хүүхдээр буюу 0.9 хувиар өсчээ. Төрөлтийн түвшин 1000 хүн амд 22.7 байна. Амьд төрсөн хүүхдийн 36 743 буюу 51.3 хувь нь хүү, 34 879 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 11 сарын байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 25.1 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 11 сарын байдлаар нялхсын эндэгдлийн 941 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 1 тохиолдлоор буюу 1000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 11 сарын байдлаар тав хүртэлх насны хүүхдийн эндэгдлийн 1136 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 53 тохиолдлоор буюу 1000 амьд төрөлтөд 0.9-оор буурсан байна. Нас баралт: 2019 оны эхний 11 сарын байдлаар улсын хэмжээнд нас баралтын 15531 тохиолдол бүртгэгдсэн нь өнгөрсөн оны мөн үеэс 191 тохиолдлоор буурсан байна. Нийт нас баралтын 9499 тохиолдол буюу 61.2 хувь нь эрэгтэй, 6032 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны эхний 11 сарын байдлаар 28 төрлийн 39 553 халдварт өвчний тохиолдол бүртгэгдэж, 10 000 хүн амд 122.1 ногдож байна. Өмнөх оны мөн үеэс 2045 тохиолдлоор буюу 10 000 хүн амд ногдох өвчлөл 4.1-оор нэмэгдсэн байна.
ЭМСЯ ШУУРХАЙ УДИРДЛАГЫН ТӨВИЙН МЭДЭЭ /2016.05.17/

МОНГОЛ УЛСАД:

Улаанбурхан өвчний шинэчлэгдсэн мэдээ:

  ХӨСҮТ-д 5 дугаар сарын 16-ны өдрийн байдлаар 127 өвчтөн хандсаны 72(57%) улаанбурхан өвчний эмнэлзүйн шинж тэмдэгтэй ба үүнээс 50(69%) нь хэвтэн эмчлэгдэж, 50  хүнд гэрээр зөвлөгөө өгчээ. Улаанбурхан өвчний улмаас 201өвчтөн эмчлэгдэж байгаагаас 17 хүүхэд эрчимт эмчилгээний тасагт хэвтэн эмчлэгдэж байна. Насны бүлгээр харахад

o   1-8 сартай 13

o   9 сараас 1 настай 2

o   1-ээс дээш настай 2 хүүхэд байна.

Эх сурвалж: ХӨСҮТ

ХӨСҮТ-д хандагсдын мэдээлэл, өдрөөр 

 

 

 

 

 

 

 

 

 

 

 

ДЭЛХИЙ ДАХИНД:

Зика вирүст халдвар:

   2016 оны 5-р сарын 12-нд Герман улсын Үндэсний Зохицуулагчаас Зика вирүст халдварын бэлгийн замаар дамжсан 2 тохиолдлыг мэдээллээ. Эрэгтэй, Пуэрто Рика руу аялсан өгүүлэмжтэй. 4-р сарын 7-10-ны хооронд Зика вирүст халдварын шинж тэмдэг илэрсэн.Эмэгтэй, аялсан өгүүлэмжгүй, зика вирүсын халдвартай хүнтэй хамгаалалтгүй бэлгийн хавьталд орсон ба шинжилгээгээр зика вирүстэй болох нь батлагдсан байна.

Эх сурвалж: ДЭМБ

Хүний Коронавирүст халдвар:

   2016 оны  4-р сарын 30-аас 5-р сарын 5-ны хооронд Саудын Араб улсын ОУЭМД-ийн Үндэсний Зохицуулагч Хорооноос MERS-CoV-ийн 4 тохиолдол 1 нас баралт, 2016 оны 5-р сарын 4-нд Катар улсаас 1 шинэ тохиолдол мэдээлжээ. Дэлхий дахинд нийт лабораториор батлагдсан 1733 тохиолдол, нас баралт 628 (35.7%) тохиолдол мэдээлэгджээ.

Эх сурвалж: ДЭМБ

Туна загасны тухай:

  БНСУ-ын Донг-Вон компани нь 3 дугаар сарын 24-нөөс 4 дүгээр сарын 26-ны өдрүүдэд үйлдвэрлэсэн 1.170.000 ширхэг лаазалсан туна загасыг зах зээлээс эргүүлэн татаж байна. Уг бүтээгдэхүүний халуун боловсруулалтын горим алдагдсан ажээ.

Эх сурвалж: албан бус, www.facebook.com/groups/82avenue/permalink/