Мэдээ:
  • Төрөлт: Улсын хэмжээнд 2019 оны эхний 10 сарын байдлаар 64 769 эх төрсөн нь өнгөрсөн оны мөн үеэс 657 төрөлтөөр буюу 1.0 хувиар өссөн байна. Амьд төрсөн хүүхэд: 2019 оны эхний 10 сарын байдлаар улсын хэмжээнд 65 270 хүүхэд амьд төрсөн нь өнгөрсөн оны мөн үеэс 754 хүүхдээр буюу 1.2 хувиар өсчээ. Төрөлтийн түвшин 1000 хүн амд 20.7 байна. Амьд төрсөн хүүхдийн 33 460 буюу 51.3 хувь нь хүү, 31 810 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.0 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 10 сарын байдлаар нялхсын эндэгдлийн 855 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 10 сарын байдлаар тав хүртэлх насны хүүхдийн эндэгдлийн 1031 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 58 тохиолдлоор буюу 1000 амьд төрөлтөд 1.1-оор буурсан байна. Нас баралт: 2019 оны эхний 10 сарын байдлаар улсын хэмжээнд нас баралтын 14 265 тохиолдол бүртгэгдсэн нь өнгөрсөн оны мөн үеэс 96 тохиолдлоор буурсан байна. Нас баралтын түвшин 1000 хүн амд 4.5 байна. Халдварт өвчин: Улсын хэмжээнд 2019 оны эхний 10 сарын байдлаар 28 төрлийн 36 030 халдварт өвчний тохиолдол бүртгэгдэж, 10 000 хүн амд 111.3 ногдож байна. Өмнөх оны мөн үеэс 1732 тохиолдлоор буюу 10 000 хүн амд ногдох өвчлөл 3.4-оор нэмэгдсэн байна.
ЭМСЯ-НЫ ШУУРХАЙ УДИРДЛАГЫН ТӨВИЙН МЭДЭЭ /2016.02.24/

МОНГОЛ УЛСАД:

Архины хордлогын мэдээ:
2 дугаар сарын 16-аас 23-нд Нийслэлийн эмнэлгүүдэд 538 хүн хандсаны 19 (3.5%) хүн хэвтэн эмчлэгдсэн байна. Энэ үзүүлэлт нь өмнөх 7 хоногоос 0.9%-иар, өнгөрсөн оны мөн үеэс 5.6%-иар буурсан үзүүлэлттэй байна.


Эх сурвалж: НЭМГ

Өнөөдөр шуурхай удирдлагын төвийн гишүүд болон Эмнэлгийн тусламжийн хэлтсийн мэргэжилтнүүд, ДЭМБ-ын төлөөлөл оролцон Зудын эрсдлийг туршилтын журмаар үнэллээ.


Дэлхий дахинд:

Гиеллин Баррын хам шинж (ГБХ)
Сальвадор улсад өнгөрсөн оны 12 дугаар сарын 1-ээс 2 дугаар сарын 9-нд нийт 118 тохиолдол мэдээлэгдсэн байна. Тухайн улсад жилд дунджаар 169 хүн өвчилдөг байна.
Өвчлөгсдийн хүйсийн хувьд ялгаагүй бөгөөд 41%-ийг 30-49 насныхан эзэлж байна.

Эх сурвалж: ДЭМБ

Вакцинаас үүдэлтэй халдварт саа өвчин:
2 дугаар сарын 6-16-нд Бүгд Найрамдах Лаос улсад вакцинаас үүдэлтэй халдварт саа өвчний 3 тохиолдол нэмж бүртгэгдсэн байна.
Тус улсын ЭМЯб болон Олон улсын байгууллагаас хамтарсан баг ажиллаж, шуурхай удирдлагын төв идэвхжсэн байна.


Эх сурвалж: ДЭМБ