Мэдээ:
  • Төрөлт: Улсын хэмжээнд 2019 оны эхний 7 сарын байдлаар 44 960 эх төрсөн нь өнгөрсөн оны мөн үеэс 306 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 7 сарын байдлаар улсын хэмжээнд 45 308 хүүхэд амьд төрсөн нь өнгөрсөн оны мөн үеэс 359 хүүхдээр буюу 0.8 хувиар өсчээ. Амьд төрсөн хүүхдийн 23 159 буюу 51.1 хувь нь хүү, 22 149 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 7 сарын байдлаар эхийн эндэгдлийн 10 тохиолдол бүртгэгдэж, 100 000 амьд төрөлтөд 22.1 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.6-оор буурсан байна. Нялхсын эндэгдэл: Улсын хэмжээнд 2019 оны эхний 7 сарын байдлаар нялхсын эндэгдлийн 599 тохиолдол бүртгэгдэж, 1 000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 10 тохиолдлоор буюу 1 000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 7 сарын байдлаар тав хүртэлх насны хүүхдийн эндэгдлийн 720 тохиолдол бүртгэгдэж, 1 000 амьд төрөлтөд 15.9 ногдож байгаа нь өмнөх оны мөн үетэй харьцуулахад 37 тохиолдлоор буюу 1 000 амьд төрөлтөд 0.9-оор буурсан байна. Нас баралт: 2019 оны эхний 7 сарын байдлаар улсын хэмжээнд нас баралтын 9 933 тохиолдол бүртгэгдсэн нь өнгөрсөн оны мөн үеэс 116 тохиолдлоор буурсан байна. Нийт нас баралтын 6 027 тохиолдол буюу 60.7 хувь нь эрэгтэй, 3 906 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 7 сарын байдлаар 26 төрлийн 25 976 халдварт өвчний тохиолдол бүртгэгдэж, 10 000 хүн амд 80.2 ногдож байна. Өмнөх оны мөн үеэс 1050 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.
ЭМСЯ-НЫ ШУУРХАЙ УДИРДЛАГЫН ТӨВИЙН МЭДЭЭ /2016.01.06/

МОНГОЛ УЛСАД:

Архины хордлогын мэдээ:

    12 дугаар сарын 30-аас 1 дүгээр сарын 5-ны өдрийн байдлаар нийслэлийн эмнэлгүүдэд 576 хүн архины хордлогын улмаас хандсаны 2% (11) нь хэвтэн эмчлэгдэж, СХД-т 1 хүн нас барсан байна. Энэ үзүүлэлт нь өнгөрсөн 7 хоногийн үзүүлэлтээс 32%-иар, өнгөрсөн оны мөн үетэй харьцуулахад 50% (288)-иар өссөн үзүүлэлттэй байна.

Эх сурвалж: НЭМГ

Улаанбурхан өвчин:

   2015 оны 12 дугаар сард 27 их, дээд сургуульд 136 оюутан өвчилсөн байна. МУИС-д 44, АШУИС-19, Отгонтэнгэр-15, ОУЭЗДС-д 21 хүн өвчилж, хамгийн олон тохиолдол бүртгэгдсэн байна. ХӨСҮТ-өөс тандалт судалгаа хийж, голомтын вакцинжуулалтын ажил зохион байгуулж байна.

Эх сурвалж: ХӨСҮТ

Томуу, томуу төст өвчин, Нийслэлд:

   Нийслэлийн эмнэлгүүдэд 35839 хүн хандсаны 2980 хүн томуу, томуу төст өвчтэй гэж оношилогдсон ба 8.3%-ийг эзэлж байна. Энэ үзүүлэлт нь өнгөрсөн 7 хоногийн дунджаас 0.6%-иар өсч, өнгөрсөн оны мөн үеэс 4.6%-иар тус тус  буурсан байна. Нийт өвчлөгсдийн  85.7%-ийг  0-9  насны хүүхдүүд  эзэлж байна.

Багануур, Сонгинохайрхан, Баянгол, Налайх  дүүргүүдэд томуу, томуу төст өвчний эзлэх хувь 9.0%-10.3% байна.

Эх сурвалж: НЭМГ

 Томуу, томуу төст өвчин, Нийслэлд

 

 Дүүрэг

Нийт үзлэгийн тоо

ТТТӨ

Хувь

Багануур

1338

138

10.3%

Чингэлтэй

3644

224

6.1%

Сүхбаатар

5068

318

6.3%

Баянзүрх

6025

416

6.9%

Сонгинохайрхан

9739

984

10.1%

Хан-Уул

4854

414

8.5%

Баянгол

3586

344

9.6%

Багахангай

178

15

8.4%

Налайх

1407

127

9.0%

Нийт

35839

2980

8.3%

 

 

ДЭЛХИЙ ДАХИНД:

Зика вирүст халдвар:

   Пуэрто-Рико улсад Зика вирүст халдварын лабораториор батлагдсан тохиолдол бүртгэгдсэн байна. 80 настай, эрэгтэй, сүүлийн 3 сард аялсан өгүүлэмж байхгүй. 11 дүгээр сарын 25-нд халуурах, толгой, бүх биеэр өвдөх, бөөрний дутагдалд орох зэрэг шинж тэмдэг илэрсэн байна. Өвчтний цусанд БЦ-ПГУ-аар Зика вирүсийн ген тодорхойлогдсон байна. Тус улсаас тандалт судалгааг эрчимжүүлж, мэдээлэл сурталчилгаа хийж, дамжуулагчийн судалгааг өргөжүүлж байна.

Эх сурвалж: ДЭМБ