Мэдээ:
  • Төрөлт: Улсын хэмжээнд 2019 оны эхний 7 сарын байдлаар 44 960 эх төрсөн нь өнгөрсөн оны мөн үеэс 306 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 7 сарын байдлаар улсын хэмжээнд 45 308 хүүхэд амьд төрсөн нь өнгөрсөн оны мөн үеэс 359 хүүхдээр буюу 0.8 хувиар өсчээ. Амьд төрсөн хүүхдийн 23 159 буюу 51.1 хувь нь хүү, 22 149 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 7 сарын байдлаар эхийн эндэгдлийн 10 тохиолдол бүртгэгдэж, 100 000 амьд төрөлтөд 22.1 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.6-оор буурсан байна. Нялхсын эндэгдэл: Улсын хэмжээнд 2019 оны эхний 7 сарын байдлаар нялхсын эндэгдлийн 599 тохиолдол бүртгэгдэж, 1 000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 10 тохиолдлоор буюу 1 000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 7 сарын байдлаар тав хүртэлх насны хүүхдийн эндэгдлийн 720 тохиолдол бүртгэгдэж, 1 000 амьд төрөлтөд 15.9 ногдож байгаа нь өмнөх оны мөн үетэй харьцуулахад 37 тохиолдлоор буюу 1 000 амьд төрөлтөд 0.9-оор буурсан байна. Нас баралт: 2019 оны эхний 7 сарын байдлаар улсын хэмжээнд нас баралтын 9 933 тохиолдол бүртгэгдсэн нь өнгөрсөн оны мөн үеэс 116 тохиолдлоор буурсан байна. Нийт нас баралтын 6 027 тохиолдол буюу 60.7 хувь нь эрэгтэй, 3 906 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 7 сарын байдлаар 26 төрлийн 25 976 халдварт өвчний тохиолдол бүртгэгдэж, 10 000 хүн амд 80.2 ногдож байна. Өмнөх оны мөн үеэс 1050 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.
Эмийн чанар, аюулгүй байдал, гаж нөлөөтэй холбоотой хэрэглэгчийн булан

Хэрэглэгчийн булан

Европын Холбооны зарим орнуудад БНХАУ-ын Linhai компаниас нийлүүлсэн Zhejiang Huahai Pharmaceuticals үйлдвэрийн валсартаны түүхий эдийн үйлдвэрлэлийн явцад илэрсэн зөрчил (валсартаны найрлагад N-nitrosodimethylamine илэрсэн)-тэй холбоотойгоор Европын эмийн Агентлаг (EMA)-аас найрлагандаа валсартан агуулсан эмүүдийг зах зээлээс эргүүлэн татах шийдвэр гаргасан байна.

(Эх сурвалж: http://www.ema.europa.eu/docs/en_GB/document_library/Press_release/2018/07/WC500251498.pdf ).

ЭЭТТА

2018.07.24

Эмийн гаж нөлөөг бүртгэх хуудас
Эмийн аюулгүй байдлын мэдээллийн тайлан
Бүртгэгдсэн гаж нөлөөний мэдээлэл
Гадаад дотоодын эм үйлдвэрлэгчийн төлөөлөгчийн газрын жагсаалт
Эмийн гаж нөлөөний зохицуулалт /Зайн сургалтын хичээл/

Эмийн гаж нөлөөний тухай