Мэдээ:
  • Төрөлт: Улсын хэмжээнд 2019 оны эхний 5 сарын байдлаар 31 748 эх төрсөн нь өнгөрсөн оны мөн үеэс 174 төрөлтөөр буюу 0.6 хувиар өссөн байна. Амьд төрсөн хүүхэд: 2019 оны эхний 5 сарын байдлаар улсын хэмжээнд 31 974 хүүхэд амьд төрсөн нь өнгөрсөн оны мөн үеэс 188 хүүхдээр буюу 0.6 хувиар өсчээ. Амьд төрсөн хүүхдийн 16 315 буюу 51.0 хувь нь хүү, 15 659 буюу 49.0 хувь нь охин байна. Эхийн эндэгдэл: Улсын хэмжээнд 2019 оны эхний 5 сарын байдлаар эхийн эндэгдлийн 7 тохиолдол бүртгэгдэж, 100 000 амьд төрөлтөд 21.9 байгаа нь өнгөрсөн оны мөн үеэс 4 тохиолдлоор буюу 100 000 амьд төрөлтөд 12.7-оор буурсан байна. Нялхсын эндэгдэл: Улсын хэмжээнд 2019 оны эхний 5 сарын байдлаар нялхсын эндэгдлийн 443 тохиолдол бүртгэгдэж, 1 000 амьд төрөлтөд 13.9 ногдож байгаа нь өнгөрсөн оны мөн үетэй харьцуулахад 4 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 5 сарын байдлаар тав хүртэлх насны хүүхдийн эндэгдлийн 527 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 14 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 5 сарын байдлаар улсын хэмжээнд нас баралтын 7 243 тохиолдол бүртгэгдсэн нь өнгөрсөн оны мөн үеэс 94 тохиолдлоор өссөн байна. Нийт нас баралтын 4 356 тохиолдол буюу 60.1 хувь нь эрэгтэй, 2 887 буюу 39.9 хувь нь эмэгтэй байна. Халдварт өвчин: Улсын хэмжээнд 2019 оны эхний 5 сарын байдлаар 26 төрлийн 18 863 халдварт өвчний тохиолдол бүртгэгдэж, 10 000 хүн амд 58.2 ногдож байна. Өмнөх оны мөн үеэс 1 334 тохиолдлоор буюу 10 000 хүн амд ногдох өвчлөл 3.0-оор нэмэгдсэн байна.
Рафаэл Интернэйшнл ТББ хамтарсан сургалтыг амжилттай зохион байгууллаа

ЭМСЯ,  ЭМХТ, Улсын III шатлалын эмнэлгүүд БНСУ-ын Нийгмийн сайн сайхны төлөө сан, Сөүлийн их сургууль, Рафаэл Интернэйшнл ТББ нарын хамтарсан сургалтыг 3 дахь жилдээ амжилттай зохион байгууллаа.

I,  II, III шатлалын нийт 27 эмчийг сургагч багшаар бэлтгэх сургалт ЭМСЯ-ны Б заал болон ЭМХТ-ийн хурлын танхимд энэ сарын 9-нөөс 13-ны өдрүүдэд боллоо.  Тус сургалтыг Сөүлийн Үндэсний Их Сургуулийн Анагаах ухааны сургуулийн профессор Шин Жуа Соб удирдан явууллаа.  

Энэхүү сургалт нь Монгол Улсад мэргэжилтнийг хөгжүүлэх тасралтгүй сургалтын загвар стратеги боловсруулах зорилготой юм.

Тус сургалтаар бэлтгэгдэн гарсан сургагч багш нар Улаанбаатар хотын Баянзүрх, Сүхбаатар дүүргийн нийт 45 өрхийн эмнэлэг, Дархан-Уул аймгийн нийт 5 өрх, 3 сумын эмнэлгийн 500 эмч сувилагч нарт 7 төрлийн сэдвээр хичээл заах юм.