Мэдээ:
  • Төрөлт: Улсын хэмжээнд 2019 оны эхний 8 сарын байдлаар 51 540 эх төрсөн нь өнгөрсөн оны мөн үеэс 180 төрөлтөөр буюу 0.4 хувиар өссөн байна. Амьд төрсөн хүүхэд: 2019 оны эхний 8 сарын байдлаар улсын хэмжээнд 51 928 хүүхэд амьд төрсөн нь өнгөрсөн оны мөн үеэс 250 хүүхдээр буюу 0.5 хувиар өсчээ. Амьд төрсөн хүүхдийн 26 565 буюу 51.2 хувь нь хүү, 25 363 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 8 сарын байдлаар эхийн эндэгдлийн 11 тохиолдол бүртгэгдэж, 100 000 амьд төрөлтөд 21.2 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.0-оор буурсан байна. Нялхсын эндэгдэл: Улсын хэмжээнд 2019 оны эхний 8 сарын байдлаар нялхсын эндэгдлийн 681 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 8 сарын байдлаар тав хүртэлх насны хүүхдийн эндэгдлийн 820 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 50 тохиолдлоор буюу 1000 амьд төрөлтөд 1.0-оор буурсан байна. Нас баралт: 2019 оны эхний 8 сарын байдлаар улсын хэмжээнд нас баралтын 11 358 тохиолдол бүртгэгдсэн нь өнгөрсөн оны мөн үеэс 82 тохиолдлоор буурсан байна. Нийт нас баралтын 6876 тохиолдол буюу 60.5 хувь нь эрэгтэй, 4482 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 8 сарын байдлаар 26 төрлийн 29 171 халдварт өвчний тохиолдол бүртгэгдэж, 10 000 хүн амд 90.1 ногдож байна. Өмнөх оны мөн үеэс 930 тохиолдлоор буюу 10 000 хүн амд ногдох өвчлөл 1.2-оор нэмэгдсэн байна.
Эмийн эмчилгээг зохицуулах хорооны эм зүйч, Эм судлалын багш нар уулзлаа.

Засгийн газрын хэрэгжүүлэгч агентлаг-Эрүүл мэндийн газрын Эмийн зохицуулалтын хэлтсээс 2012 оны 4 дүгээр сарын 20-ны өдөр улсын клиникийн эмнэлэг, дүүргийн эрүүл мэндийн нэгдлийн “Эмийн эмчилгээг зохицуулах хороо”-ны дарга, эм зүйч болон эм судлалын багш нартай хамтарсан уулзалт зохион байгууллаа.

Уулзалтыг ЗГХА-ЭМГ-ын Эмийн асуудал эрхэлсэн Дэд дарга М.Уранчимэг нээж, 2012 онд ЗГХА-ЭМГ-аас Эмийн зохицуулалтын асуудлаар хийхээр төлөвлөсөн ажлуудаас дурьдсан ба 5 сард болох “Эмийн чанар-аюулгүй байдал” сэдэвт форумд хамтран ажиллахыг уриаллаа.

Уулзалтанд УКТЭ, ХӨСҮТ, ЭХЭМҮТ, ХСҮТ, ШНТЭ, ТЗНЭ, ГССҮТ, АӨСҮТ, Геронтологийн төв, СХДЭМН-ийн  төлөөлөл хүрэлцэн ирж Эрүүл мэндийн сайдын 2005 оны 71 дүгээр тушаал: “Эмийн эмчилгээг зохицуулах хороог байгуулах тухай”, Эрүүл мэндийн сайдын 378 дугаар тушаал: “Эмийн гаж нөлөөг бүртгэн мэдээлэх журам”-ын хэрэгжилт, тулгамдаж буй асуудлын талаар санал бодлоо солилцов.

Уулзалтаар дараах санал, хүсэлт гарлаа. Үүнд:

  1. “Эмийн эмчилгээний хороо”-ны үйл ажиллагаанд үнэлгээ хийж, журмыг шинэчлэх
  2. “Эмийн гаж нөлөөг бүртгэн мэдээлэх хуудас” дээр зөвхөн эмч бичнэ гэсэнд өөрчлөлт оруулж өгөх
  3. Тендерийн эм, эмнэлгийн хэрэгслийн чанарт анхаарал хандуулах
  4. Тендерээр техникийн үзүүлэлтээ сайн тусгаад чанартай эм, эмнэлгийн нийлүүдэг болох
  5. Эмнэлгүүдээс тендерээр нийлүүлсэн эм, эмнэлгийн хэрэгсэлд өгсөн үнэлгээний тайланг ЗГХА-ЭМГ авдаг болох
  6. Цусан дах эмийн тунг үздэг аппараттай болох
  7. Клиник эм зүйчийн үйл ажиллагааны журамтай болох
  8. Эмнэлгийн дэргэдэх эмийн санг эмнэлгийн харъяа болгоод E-hospital системд оруулах
  9. Эмнэлгүүдэд “Эмийн гаж нөлөөг бүртгэн мэдээлэх тогтолцоо”-г сайжруулахын тулд гаж нөлөөний шах хуудсыг бөглөж байгаа эмч нарт сургалт зохион байгуулах
  10. Эмнэлэгт зориулсан “Эмийн тандалтын хуудас” боловсруулах 
  11. Клиникийн эмнэлэг, дүүргийн эрүүл мэндийн нэгдэлд клиник эм зүйчийн орон тоог батлан өгөх

Мөн дээрх  санал хүсэлтийн дагуу холбогдох асуудал хариуцсан мэргэжилтэнгүүд арга зүйн удирдлагаар ханган ажиллав.

 ЗГХА-ЭМГ