Мэдээ:
  • Төрөлт: Улсын хэмжээнд 2019 оны эхний 7 сарын байдлаар 44 960 эх төрсөн нь өнгөрсөн оны мөн үеэс 306 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 7 сарын байдлаар улсын хэмжээнд 45 308 хүүхэд амьд төрсөн нь өнгөрсөн оны мөн үеэс 359 хүүхдээр буюу 0.8 хувиар өсчээ. Амьд төрсөн хүүхдийн 23 159 буюу 51.1 хувь нь хүү, 22 149 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 7 сарын байдлаар эхийн эндэгдлийн 10 тохиолдол бүртгэгдэж, 100 000 амьд төрөлтөд 22.1 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.6-оор буурсан байна. Нялхсын эндэгдэл: Улсын хэмжээнд 2019 оны эхний 7 сарын байдлаар нялхсын эндэгдлийн 599 тохиолдол бүртгэгдэж, 1 000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 10 тохиолдлоор буюу 1 000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 7 сарын байдлаар тав хүртэлх насны хүүхдийн эндэгдлийн 720 тохиолдол бүртгэгдэж, 1 000 амьд төрөлтөд 15.9 ногдож байгаа нь өмнөх оны мөн үетэй харьцуулахад 37 тохиолдлоор буюу 1 000 амьд төрөлтөд 0.9-оор буурсан байна. Нас баралт: 2019 оны эхний 7 сарын байдлаар улсын хэмжээнд нас баралтын 9 933 тохиолдол бүртгэгдсэн нь өнгөрсөн оны мөн үеэс 116 тохиолдлоор буурсан байна. Нийт нас баралтын 6 027 тохиолдол буюу 60.7 хувь нь эрэгтэй, 3 906 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 7 сарын байдлаар 26 төрлийн 25 976 халдварт өвчний тохиолдол бүртгэгдэж, 10 000 хүн амд 80.2 ногдож байна. Өмнөх оны мөн үеэс 1050 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.
ЭМСЯ-НЫ ШУУРХАЙ УДИРДЛАГЫН ТӨВИЙН МЭДЭЭ /2016.01.18/

МОНГОЛ УЛСАД:

Мал, амьтны галзуу өвчин:

 

Хөвсгөл аймгийн Их-Уул, Говь-Алтай аймгийн Шарга, Булган аймгийн Хангал сумдад 4 мал (үхэр, тэмээ) галзуу өвчнөөр өвчилсөн байна. Тухайн газруудад хязгаарлалтын дэглэм тогтоож, голомтын малд вакцинжуулалт хийж байна.

Эх сурвалж: ОБЕГ

Газар хөдлөлт:

Өмнөговь аймгийн Мандал-Овоо сумын Баянхошуу багийн нутаг (сумаас зүүн зүгт 31 км-т) “Алгуй-Улаан цав” гэдэг газарт 1 дүгээр сарын 17-ны өдрийн 12:47 цагт 3.7 магнитутын газар хөдлөлт болсон.Сумын Засаг даргын тодруулахад ямар нэгэн чичирхийлэл мэдрэгдээгүй, хохирол байхгүй байна гэж мэдээлсэн.

Эх сурвалж: ОБЕГ

“Томуу, томуу төст өвчний улмаас цэцэрлэгийг 7 хоногийн хугацаанд хаасан тухай”  албан бус мэдээллийг Өвөрхангай аймгийн ЭМГ-ын НЭМХ-ийн дарга н.Золзаяатай холбогдож тодруулахад томуу, томуу төст өвчнөөр өвчлөгсдийн 66%-ийг 0-4 насны хүүхэд эзэлж байгаа гэсэн шалтгаанаар аймгийн Засаг даргын захирамж гарсан байна. ЭМСС-ын тушаалаар томуу томуу төст өвчний тархалт нийт хүн амын дунд 15%-иас дээш хувийг эзэлбэл цэцэрлэг, сургууль түр хаах арга хэмжээ авахаар заасан байдаг.

ДЭЛХИЙ ДАХИНД:

 

Шувууны томуу (H7N9) вирүст халдвар, БНХАУ-д:

Тус улсын Засгийн газраас шувууны томуугийн H7N9 вирүст халдварын 10 батлагдсан тохиолдол, 3 нас баралтыг мэдээлсэн байна. Насны хувьд 29-77 настай, 5 нь эмэгтэй байна.Тус улсын Засгийн газраас томуугийн тандалтыг өргөжүүлж, хариу арга хэмжээ, дэгдэлтийн судалгаа хийгдэж байна.

ДЭМБ-аас мэдээлэл, сурталчилгаа хийж, тус улсад аялагчдад зориулсан мэдээллийн гол мессежийг өгсөн байна.

  Эх сурвалж: ДЭМБ

Газар хөдлөлт:

Япон улсын хойд хэсэгт өнөөдөр 04 цагийн үед Хоккайдо мужид 6.7 баллын хүчтэй газар хөдлөлт болж, цунамигийн түгшүүр зарлажээ.

Газар хөдлөлтийн дараа эрэг хавьцаа амьдардаг оршин суугчдыг нүүлгэн шилжүүлж эхэлсэн байна. Оршин суугчдын мэдээлснээр “Хүчтэй чичирхийлэл 40 орчим секунд үргэлжилсэн” гэв.

Эх сурвалж: www.medee.mn