Мэдээ:
  • Төрөлт: Улсын хэмжээнд 2019 оны эхний 5 сарын байдлаар 31 748 эх төрсөн нь өнгөрсөн оны мөн үеэс 174 төрөлтөөр буюу 0.6 хувиар өссөн байна. Амьд төрсөн хүүхэд: 2019 оны эхний 5 сарын байдлаар улсын хэмжээнд 31 974 хүүхэд амьд төрсөн нь өнгөрсөн оны мөн үеэс 188 хүүхдээр буюу 0.6 хувиар өсчээ. Амьд төрсөн хүүхдийн 16 315 буюу 51.0 хувь нь хүү, 15 659 буюу 49.0 хувь нь охин байна. Эхийн эндэгдэл: Улсын хэмжээнд 2019 оны эхний 5 сарын байдлаар эхийн эндэгдлийн 7 тохиолдол бүртгэгдэж, 100 000 амьд төрөлтөд 21.9 байгаа нь өнгөрсөн оны мөн үеэс 4 тохиолдлоор буюу 100 000 амьд төрөлтөд 12.7-оор буурсан байна. Нялхсын эндэгдэл: Улсын хэмжээнд 2019 оны эхний 5 сарын байдлаар нялхсын эндэгдлийн 443 тохиолдол бүртгэгдэж, 1 000 амьд төрөлтөд 13.9 ногдож байгаа нь өнгөрсөн оны мөн үетэй харьцуулахад 4 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 5 сарын байдлаар тав хүртэлх насны хүүхдийн эндэгдлийн 527 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 14 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 5 сарын байдлаар улсын хэмжээнд нас баралтын 7 243 тохиолдол бүртгэгдсэн нь өнгөрсөн оны мөн үеэс 94 тохиолдлоор өссөн байна. Нийт нас баралтын 4 356 тохиолдол буюу 60.1 хувь нь эрэгтэй, 2 887 буюу 39.9 хувь нь эмэгтэй байна. Халдварт өвчин: Улсын хэмжээнд 2019 оны эхний 5 сарын байдлаар 26 төрлийн 18 863 халдварт өвчний тохиолдол бүртгэгдэж, 10 000 хүн амд 58.2 ногдож байна. Өмнөх оны мөн үеэс 1 334 тохиолдлоор буюу 10 000 хүн амд ногдох өвчлөл 3.0-оор нэмэгдсэн байна.
БАЙГУУЛЛАГА, ИРГЭДИЙН АНХААРАЛД

ЗГХА-ЭМГ-ЫН ЭМИЙН ЗОХИЦУУЛАЛТЫН ХЭЛТСЭЭС

 “ЭМ ЗҮЙН САЛБАРЫН ХУУЛЬ ТОГТООМЖИЙГ СУРТАЛЧЛАХ”

АЯН ЯВАГДАЖ БАЙНА.

Зорилго:

1. ЭМГ-ын даргын 2012 оны “Хэлтэс төвийн үйл ажиллагааг сурталчилах тухай” 54 дүгээр тушаалын дагуу хэлтсийн үйл ажиллагаа, эм, эмнэлгийн хэрэгслийн тухай хууль, холбогдох хууль, тогтоомжийг сурталчилж, байгууллагын үйл ажиллагааны шуурхай нээлттэй байдлыг дээшлүүлэх

2. “Эмийн чанар,аюулгүй байдал” сэдэвт форумыг зохион байгуулах ажлын хүрээнд байгууллага иргэдэд мэдээлэл өгөх

          Хугацаа:

2012 оны 04 дугаар сарын 02-ноос 14 хүртэл

Хамрах хүрээ:

ЗГХА-Эрүүл мэндийн газрын хэлтэс төвүүд, Эм зүйн салбарын төрийн бус байгууллага, Эм хангамжийн байгууллага, Эрүүл мэндийн байгууллага, Биологийн идэвхт бүтээгдэхүүнийг ханган нийлүүлэх байгууллага, Нарантуул олон улсын худалдааны төв, иргэд хамрагдана.

Та бүхэн холбогдох мэдээллээ манай цахим хуудас, утас,  самбар, мэргэжилтнүүдээс авч өөрсдийн саналаа өгнө үү.

Хамтран ажилласан та бүхэнд  амжилт хүсье.

 Утас:     70110892, 93131765, 310371

Өрөө:    104, 105,  205   тоот

Цахим хаяг:  

 www.doh.gov.mn            www.moh.mn

 www.webdoctor.mn       eruulmendinfo.mn