Мэдээ:
  • Төрөлт: Улсын хэмжээнд 2019 оны эхний 11 сарын байдлаар 71 046 эх төрсөн нь өнгөрсөн оны мөн үеэс 527 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 11 сарын байдлаар улсын хэмжээнд 71 622 хүүхэд амьд төрсөн нь өнгөрсөн оны мөн үеэс 662 хүүхдээр буюу 0.9 хувиар өсчээ. Төрөлтийн түвшин 1000 хүн амд 22.7 байна. Амьд төрсөн хүүхдийн 36 743 буюу 51.3 хувь нь хүү, 34 879 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 11 сарын байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 25.1 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 11 сарын байдлаар нялхсын эндэгдлийн 941 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 1 тохиолдлоор буюу 1000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 11 сарын байдлаар тав хүртэлх насны хүүхдийн эндэгдлийн 1136 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 53 тохиолдлоор буюу 1000 амьд төрөлтөд 0.9-оор буурсан байна. Нас баралт: 2019 оны эхний 11 сарын байдлаар улсын хэмжээнд нас баралтын 15531 тохиолдол бүртгэгдсэн нь өнгөрсөн оны мөн үеэс 191 тохиолдлоор буурсан байна. Нийт нас баралтын 9499 тохиолдол буюу 61.2 хувь нь эрэгтэй, 6032 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны эхний 11 сарын байдлаар 28 төрлийн 39 553 халдварт өвчний тохиолдол бүртгэгдэж, 10 000 хүн амд 122.1 ногдож байна. Өмнөх оны мөн үеэс 2045 тохиолдлоор буюу 10 000 хүн амд ногдох өвчлөл 4.1-оор нэмэгдсэн байна.
ХЭВЛЭЛ, МЭДЭЭЛЛИЙН БАЙГУУЛЛАГУУДЫГ СОНГОН ШАЛГАРУУЛАЛТАД УРЬЖ БАЙНА

Ерөнхий мэдээлэл:

Хүн амд эрүүл зан үйл төлөвшүүлэх, аливаа өвчлөлөөс урьдчилан сэргийлэх, эрүүл мэндийг дэмжих орчин бүрдүүлэх мэдээлэл сурталчилгааг  тасралтгүй, өргөн цар хүрээтэйгээр олон нийтэд хүргэж байж үр дүнг нь хүртэх боломжтой юм. Иймээс хүн амд Эрүүл мэндийн салбарын мэдээ, мэдээлэл,эрүүл мэндийн зөвлөгөөг тасралтгүй, бодитой, хүртээмжтэй, үндэсний хэмжээнд түгээж олон нийтэд хүргэх зорилгоор Эрүүл мэндийг дэмжих сангаас хамтран ажиллах хэвлэл мэдээллийн байгууллагуудыг сонгон шалгаруулалтад урьж байна.

Энэхүү сонгон шалгаруулалтад дараах шаардлага хангасан Монгол улсад үйл ажиллагаа явуулах зөвшөөрөл бүхий хэвлэл мэдээллийн хэрэгслүүд: Телевиз, Радио, Сонин, Сэтгүүл, Вэб сайтууд оролцох боломжтой бөгөөд  саналаа  2014 оны 06 сарын 23-ны дотор Эрүүл мэндийн хөгжлийн төв-Эрүүл мэндийг дэмжих санд ирүүлнэ үү

Сонгон шалгаруулах техникийн нөхцөл:

ТЕЛЕВИЗ, РАДИО:

  • Монгол улсын орон даяар нэвтрүүлгээ цацдаг байх
  • Хамтран ажиллах хүрээнд хийгдэх ажлыг гүйцэтгэх мэргэжлийн уран бүтээлчдийн багтай байх
  • Эрүүл мэндийн зөвлөгөө мэдээллийн нэвтрүүлэг бэлтгэн үзэгчдэд хүргэдэг туршлагатай байх
  • Эрүүл мэндийн зөвлөгөө, мэдээллийн тогтмол өдөр, цаг, булан ажиллуулах
  •  Үйл ажиллагаа нь жигдрээд 2 ба түүнээс дээш жил болсон  байх

СОНИН:

  • Өдөр тутмын сонин байх ба захиалганд орсон байх
  • Эрүүл мэндийн зөвлөгөө мэдээллийн булан бэлтгэн уншигчдад хүргэдэг туршлагатай байх, эрүүл мэндийн мэргэшсэн сэтгүүлч ажиллуулах
  • Үйл ажиллагаа нь жигдрээд 2 ба түүнээс дээш жил болсон  байх

СЭТГҮҮЛ, ВЭБ САЙТ:

  • Сэтгүүл бол захиалганд орсон байх, Вэб сайт бол байнгын үйл ажиллагаатай буюу мэдээллээ өдөр бүр шинэчилдэг байх
  • Эрүүл мэндийн зөвлөгөө мэдээллийн булан бэлтгэн уншигчдад хүргэдэг туршлагатай байх, эрүүл мэндийн мэргэшсэн сэтгүүлч ажиллуулах
  • Үйл ажиллагаа нь жигдрээд 2 ба түүнээс дээш жил болсон  байх

Сонирхсон байгууллагууд нэмэлт мэдээллийг 2014 оны 06 сарын 18-ны 09:00 – 20-ны 17:00 цагийн хооронд авч болох бөгөөд мэдүүлгээ дор дурьдсан хаягаар 2014 оны 06 сарын 23-ны 17:00 цагийн дотор ирүүлнэ үү.

Эрүүл мэндийн хөгжлийн төв – Эрүүл мэндийг дэмжих сан.

Хаяг: Улаанбаатар хот, Сүхбаатар дүүрэг, 1-р хороо, Энхтайвны гудамж-13Б,

3 давхарт 304 тоот, Утас: 310371