Мэдээ:
  • Төрөлт: Улсын хэмжээнд 2019 оны эхний 11 сарын байдлаар 71 046 эх төрсөн нь өнгөрсөн оны мөн үеэс 527 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 11 сарын байдлаар улсын хэмжээнд 71 622 хүүхэд амьд төрсөн нь өнгөрсөн оны мөн үеэс 662 хүүхдээр буюу 0.9 хувиар өсчээ. Төрөлтийн түвшин 1000 хүн амд 22.7 байна. Амьд төрсөн хүүхдийн 36 743 буюу 51.3 хувь нь хүү, 34 879 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 11 сарын байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 25.1 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 11 сарын байдлаар нялхсын эндэгдлийн 941 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 1 тохиолдлоор буюу 1000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 11 сарын байдлаар тав хүртэлх насны хүүхдийн эндэгдлийн 1136 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 53 тохиолдлоор буюу 1000 амьд төрөлтөд 0.9-оор буурсан байна. Нас баралт: 2019 оны эхний 11 сарын байдлаар улсын хэмжээнд нас баралтын 15531 тохиолдол бүртгэгдсэн нь өнгөрсөн оны мөн үеэс 191 тохиолдлоор буурсан байна. Нийт нас баралтын 9499 тохиолдол буюу 61.2 хувь нь эрэгтэй, 6032 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны эхний 11 сарын байдлаар 28 төрлийн 39 553 халдварт өвчний тохиолдол бүртгэгдэж, 10 000 хүн амд 122.1 ногдож байна. Өмнөх оны мөн үеэс 2045 тохиолдлоор буюу 10 000 хүн амд ногдох өвчлөл 4.1-оор нэмэгдсэн байна.
ТӨСЛИЙН СОНГОН ШАЛГАРУУЛАЛТАД УРЬЖ БАЙНА

Төсөл захиалагчийн мэдээлэл:                                                                         

Захиалагч:

Эрүүл мэндийн хөгжлийн төв – Эрүүл мэндийг дэмжих сан

Төрөл:

Төсөл

Төсөл зарласан огноо:

2014-06-16

Бичиг баримтыг хүлээж авах эцсийн хугацаа:

2014-06-27-ны 17 цаг хүртэл

Төсөл хэрэгжих хугацаа

2014 онд 3 дугаар улирал /төсөл нь 2 сар үргэлжлэхээр төлөвлөгдсөн байх/

Санхүүжилтийн эх үүсвэр:

Эрүүл мэндийг дэмжих сан

 

Ерөнхий мэдээлэл:

Эрүүл мэндийг дэмжих сан нь 2007 оноос хойш ТББ-тай хамтран нийгмийн эрүүл мэндэд чиглэсэн иргэдийн дундах амьдралын буруу хэвшлээс үүдэлтэй өвчин эмгэгээс урьдчилан сэргийлэх, иргэдэд эрүүл мэндийн боловсрол олгох сургалт, сурталчилгаа явуулах, хүн амд үзүүлэх тусламж үйлчилгээний чанар, хүртээмжийг сайжруулах зорилгоор эмнэлгийн мэргэжилтнийг чадавхижуулах сургалтуудыг санхүүжүүлэн зохион байгуулсаар ирсэн.

2014 оны Эрүүл мэндийг дэмжих сангийн төлөвлөгөөний

-       10 дахь арга хэмжээ буюу эрүүл мэндийг дэмжих чиглэлээр сургалт явуулах,

-       11 дэх арга хэмжээ буюу эрүүл мэндийг дэмжих чиглэлээр олон нийтийн мэдээллийн хэрэгслээр дамжуулан сурталчилгаа явуулах

2 төрлийн төслийн сонгон шалгаруулалтыг дараах сэдвүүдээр зарлаж байна.

Сэдвүүд:

  1. Архи, тамхи, мансууруулах бодисын хор хөнөөлтэй тэмцэх
  2. Эмийн зохистой хэрэглээг төлөвшүүлэх
  3. Осол гэмтлээс урьдчилан сэргийлэх
  4. Зөв зохистой хоололт
  5. Дасгал хөдөлгөөн
  6. Нийгмийн эрүүл мэндийн бусад тулгамдсан асуудлууд

Сонгон шалгаруулалтад оролцох сонирхолтой байгууллагууд төсөл хэрэгжүүлэх чадвартайг нотлох баримт бичгийг дараах байдлаар бэлтгэн ирүүлэх шаардлагатай. Үүнд:

  • Байгууллагын танилцуулга, гэрчилгээний хуулбар(нотариатаар баталгаажуулсан)
  • Хийж гүйцэтгэсэн ижил төстэй ажлын туршлагын талаарх мэдээлэл
  • Хэрэгжүүлсэн төсөл, хөтөлбөрүүдийнталаарх мэдээлэл
  • Ажиллах боловсон хүчний чадавхийн талаарх мэдээлэл
  • 2013 оны жилийн эцсийн болон 2014 оны 1 улирлын санхүүгийн тайлан

Сонирхсон хуулийн этгээд нэмэлт мэдээллийг 2014 оны 06 сарын 18-ны 09:00 – 20-ны 17:00 цагийн хооронд авч болох бөгөөд мэдүүлгээ дор дурьдсан хаягаар 2014 оны 06 сарын 27-ны 17:00 цагийн дотор ирүүлнэ үү.

Эрүүл мэндийн хөгжлийн төв – Эрүүл мэндийг дэмжих сан.

Хаяг: Улаанбаатар хот, Сүхбаатар дүүрэг, 1-р хороо, Энхтайвны гудамж-13Б, 3 давхарт 305 тоот, Утас: 93131766, 99993671