Мэдээ:
  • Төрөлт: Улсын хэмжээнд 2019 оны эхний 11 сарын байдлаар 71 046 эх төрсөн нь өнгөрсөн оны мөн үеэс 527 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 11 сарын байдлаар улсын хэмжээнд 71 622 хүүхэд амьд төрсөн нь өнгөрсөн оны мөн үеэс 662 хүүхдээр буюу 0.9 хувиар өсчээ. Төрөлтийн түвшин 1000 хүн амд 22.7 байна. Амьд төрсөн хүүхдийн 36 743 буюу 51.3 хувь нь хүү, 34 879 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 11 сарын байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 25.1 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 11 сарын байдлаар нялхсын эндэгдлийн 941 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 1 тохиолдлоор буюу 1000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 11 сарын байдлаар тав хүртэлх насны хүүхдийн эндэгдлийн 1136 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 53 тохиолдлоор буюу 1000 амьд төрөлтөд 0.9-оор буурсан байна. Нас баралт: 2019 оны эхний 11 сарын байдлаар улсын хэмжээнд нас баралтын 15531 тохиолдол бүртгэгдсэн нь өнгөрсөн оны мөн үеэс 191 тохиолдлоор буурсан байна. Нийт нас баралтын 9499 тохиолдол буюу 61.2 хувь нь эрэгтэй, 6032 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны эхний 11 сарын байдлаар 28 төрлийн 39 553 халдварт өвчний тохиолдол бүртгэгдэж, 10 000 хүн амд 122.1 ногдож байна. Өмнөх оны мөн үеэс 2045 тохиолдлоор буюу 10 000 хүн амд ногдох өвчлөл 4.1-оор нэмэгдсэн байна.
МЭРГЭЖЛИЙН ЗЭРЭГ ОЛГОХ ШАЛГАЛТ 2019 ОНД ЗОХИОН БАЙГУУЛАХ БАЙГУУЛЛАГА, ШАЛГАЛТЫН ТОВ ТОДОРХОЙ БОЛЛ

Эрүүл мэндийн яамны дэргэдэх Эмнэлгийн мэргэжилтний хөгжлийн зөвлөлийн хурлын 2019 оны 11-р сарын 08-ны өдрийн хурлын 2-р тогтоолоор 11 салбар зөвлөл, 11 нийгэмлэг, 3 холбоо нийт 25 байгууллагад 2019 онд мэргэжлийн зэрэг олгох шалгалт зохион байгуулах эрх олгосон байна.

Мэргэжлийн зэрэг олгох шалгалт 2019 онд зохион байгуулах эрх бүхий мэргэжлийн салбар зөвлөл, нийгэмлэг, холбоодын төлөөлөлтэй уулзалт зохион байгуулж хурлын тогтоол, шалгалт зохион байгуулах 2019 оны төлөвлөгөө, холбогдох тушаал, журам танилцуулан шалгалтын зохион байгуулалттай холбоотой анхаарах зүйлийн талаар мэдээлэл хүргэлээ.Тус уулзалтад мэргэжлийн салбар зөвлөлийн дарга, нийгэмлэг, холбоодын тэргүүн болон бусад төлөөлөл бүхий 23 хүн оролцон санал солилцлоо.

Эрүүл мэндийн хөгжлийн төвийн захирлын 2019 оны 11-р сарын 08-ны өдөр баталсан төлөвлөгөөний дагуу 2019 онд онолын шалгалт 12-р сарын 02-ноос 05-ны өдрийн хооронд, дадлага шалгалт 12 –р сарын 06–наас 13-ны өдрийн хооронд зохион байгуулагдах гэж байна.