Мэдээ:
  • Төрөлт: Улсын хэмжээнд 2019 оны эхний 10 сарын байдлаар 64 769 эх төрсөн нь өнгөрсөн оны мөн үеэс 657 төрөлтөөр буюу 1.0 хувиар өссөн байна. Амьд төрсөн хүүхэд: 2019 оны эхний 10 сарын байдлаар улсын хэмжээнд 65 270 хүүхэд амьд төрсөн нь өнгөрсөн оны мөн үеэс 754 хүүхдээр буюу 1.2 хувиар өсчээ. Төрөлтийн түвшин 1000 хүн амд 20.7 байна. Амьд төрсөн хүүхдийн 33 460 буюу 51.3 хувь нь хүү, 31 810 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.0 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 10 сарын байдлаар нялхсын эндэгдлийн 855 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 10 сарын байдлаар тав хүртэлх насны хүүхдийн эндэгдлийн 1031 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 58 тохиолдлоор буюу 1000 амьд төрөлтөд 1.1-оор буурсан байна. Нас баралт: 2019 оны эхний 10 сарын байдлаар улсын хэмжээнд нас баралтын 14 265 тохиолдол бүртгэгдсэн нь өнгөрсөн оны мөн үеэс 96 тохиолдлоор буурсан байна. Нас баралтын түвшин 1000 хүн амд 4.5 байна. Халдварт өвчин: Улсын хэмжээнд 2019 оны эхний 10 сарын байдлаар 28 төрлийн 36 030 халдварт өвчний тохиолдол бүртгэгдэж, 10 000 хүн амд 111.3 ногдож байна. Өмнөх оны мөн үеэс 1732 тохиолдлоор буюу 10 000 хүн амд ногдох өвчлөл 3.4-оор нэмэгдсэн байна.
Тархины үхэлтэй донор тодорхойлох багийн сургалт

Эрүүл Мэндийн Хөгжлийн Төвийн Эс, эд, эрхтнийг шилжүүлэн суулгах үйл ажиллагааг зохицуулах албаны эмч, эмнэлгийн мэргэжилтнийг чадавхжуулах, сургалт зохион байгуулах ажлын хүрээнд Дэлхийд Тархины үхэлтэй донороос эрхтэн шилжүүлэн суулгах тоогоор тэргүүлдэг Испани улсын эрхтэн шилжүүлэн суулгалтын Донор эрхтэн шилжүүлэн суулгах институтын Гадаад хамтын ажиллагааны газрын дарга Клое Баллесте болон Франц улсын Орлеан мужийн Нэгдсэн эмнэлгийн Эрчимт эмчилгээний тасгийн зөвлөх эмч Мануел Волф, УНТЭ-ийн ЭЭТ-ийн эмч, мэргэжилтнүүдтэй хамтран Тархины үхэлтэй донор тодорхойлох багийн сургалтыг амжилттай зохион байгууллаа.

Сургалтад төв болон тусгай мэргэжлийн эмнэлэг, аймаг дүүргийн нэгдсэн эмнэлгийн Эрчимт эмчилгээ, Мэс заслын тасаг, Мэдрэлийн тасаг, Яаралтай тусламжийн тасгийн эмч нар болон Эрчимт эмчилгээний Үндсэн мэргэжлийн сургалтад суралцаж буй резидент эмч нар оролцсон.

Сургалтаар Тархины үхэлтэй донорыг тодорхойлох, оношлогоо, эмчилээ, донор болон эрхтэн шилжүүлэн суулгах багийн хамтын ажиллагаа, гэр бүлийн уулзалт зэрэг сэдвүүдээр лекц уншин хэлэлцүүлэг хийж тохиолдол дээр ярилцан зөвлөлдлөө.

Цаашид цахим сургалт хэлэлцүүлэг хийх, эмч, мэргэжилтнүүдийг Франц, Испани улсуудад сургалт, семинарт хамруулах, Монгол улсад ажлын байрны сургалт зохион байгуулахад хамтран ажиллах талаар ярилцан санал солилцлоо.