Мэдээ:
  • Төрөлт: Улсын хэмжээнд 2019 оны эхний 6 сарын байдлаар 38 084 эх төрсөн нь өнгөрсөн оны мөн үеэс 29 төрөлтөөр буюу 0.1 хувиар өссөн байна. Амьд төрсөн хүүхэд: 2019 оны эхний 6 сарын байдлаар улсын хэмжээнд 38 361 хүүхэд амьд төрсөн нь өнгөрсөн оны мөн үеэс 50 хүүхдээр буюу 0.1 хувиар өсчээ. Амьд төрсөн хүүхдийн 19 596 буюу 51.1 хувь нь хүү, 18 765 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 6 сарын байдлаар эхийн эндэгдлийн 9 тохиолдол бүртгэгдэж, 100 000 амьд төрөлтөд 23.5 байгаа нь өнгөрсөн оны мөн үеэс 3 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 6 сарын байдлаар нялхсын эндэгдлийн 521 тохиолдол бүртгэгдэж, 1 000 амьд төрөлтөд 13.6 ногдож байгаа нь өнгөрсөн оны мөн үетэй харьцуулахад 9 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 6 сарын байдлаар тав хүртэлх насны хүүхдийн эндэгдлийн 632 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 18 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 6 сарын байдлаар улсын хэмжээнд нас баралтын 8 523 тохиолдол бүртгэгдсэн нь өнгөрсөн оны мөн үеэс 7 тохиолдлоор өссөн байна. Нийт нас баралтын 5 153 тохиолдол буюу 60.5 хувь нь эрэгтэй, 3 370 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 6 сарын байдлаар 26 төрлийн 22 783 халдварт өвчний тохиолдол бүртгэгдэж, 10 000 хүн амд 70.4 ногдож байна. Өмнөх оны мөн үеэс 958 тохиолдлоор буюу 10 000 хүн амд ногдох өвчлөл 1.7-оор нэмэгдсэн байна.
“АЗИЙН ЭРХТЭН ШИЛЖҮҮЛЭН СУУЛГАХ 7 ХОНОГ - 2018“ ХУРАЛД ОРОЛЦОЖ БАЙНА

“АЗИЙН ЭРХТЭН ШИЛЖҮҮЛЭН СУУЛГАХ 7 ХОНОГ - 2018“ ХУРАЛД ОРОЛЦОЖ БАЙНА

 “Нэг алхам урагшлацгаая, Азийн эрхтэн шилжүүлэн суулгагсдын хамтын ажиллагаа” уриан дор “Азийн эрхтэн шилжүүлэн суулгах 7 хоног - 2018” сэдэвт хурал 11 дүгээр сарын 08 – 10-ны өдрүүдэд БНСУ-ын Бусан хотноо зохион байгуулагдаж байгаа бөгөөд Азийн бүх улс орны төлөөлөгчид уг хуралд оролцож байна.

Энэхүү хурал нь жил бүр зохион байгуулагдан Азийн орнуудын Эрхтэн шилжүүлэн суулгах үйл ажиллагааны туршлагаа солилцох индэр болж, хамтын ажиллагаагаа өргөжүүлэхэд үнэтэй хувь нэмэр оруулдаг юм.

Энэ жилийн хуралд тус төвд Эд, эс, эрхтэн шилжүүлэн суулгах үйл ажиллагааг зохицуулах алба шинээр байгуулагдсантай холбогдуулан Эрүүл мэндийн хөгжлийн төвийн төлөөлөл анх удаа оролцлоо. Төвийн Ерөнхий захирал Д.Ганцэцэг “Азийн эрхтэн шилжүүлэн суулгалтын өөрчлөлтүүд” сэдэвт хурлыг удирдаж, ЭЭЭШСҮАЗА-ны дарга П.Батчулуун илтгэл тавилаа.

Түүнчлэн бусад улс орны эрхтэн шилжүүлэн суулгах холбоодоос туршлага судлан, хамтын ажиллагаагаа өргөжүүлэх боломжийг судлаж байна.

“Азийн Эрхтэн Шилжүүлэн Суулгах 7 хоног-2018 “ хуралд Монголын талаас ЭМХТ-өөс гадна ХСҮТ, ГССҮТ, УГТЭ, УНТЭ-ийн эмч нар оролцож байна