Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1041 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 4 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1263 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 47 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 205 тохиолдол бүртгэгдсэн нь өнгөрсөн оны мөн үеэс 126 тохиолдлоор буурсан байна. Нийт нас баралтын 10 515 тохиолдол буюу 61.1 хувь нь эрэгтэй, 6690 буюу 38.9 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.
МЭРГЭЖЛИЙН ЗЭРЭГ ОЛГОХ ШАЛГАЛТ ЗОХИОН БАЙГУУЛАХ БАЙГУУЛЛАГУУД ТОДОРЛОО

МЭРГЭЖЛИЙН ЗЭРЭГ ОЛГОХ ШАЛГАЛТ ЗОХИОН БАЙГУУЛАХ БАЙГУУЛЛАГУУД ТОДОРЛОО

 Эрүүл мэндийн яамны дэргэдэх Эмнэлгийн мэргэжилтний хөгжлийн зөвлөлийн хурлын 2018 оны 06-р сарын 29-ний өдрийн 2-р тогтоолоор 11 салбар зөвлөл, 11 нийгэмлэг, 3 холбоо нийт 25 байгууллагад 2018 онд мэргэжлийн зэрэг олгох шалгалт зохион байгуулах эрх олголоо.

Энэ жилийн хувьд Сувилахуй судлалын чиглэлээр эмнэлгийн мэргэжилтэнд мэргэжлийн зэрэг олгох шалгалт авах үйл ажиллагааг  Эрүүл мэндийн сайд, Боловсрол, шинжлэх ухааны сайдын 2013 оны 491/А472 дугаар хамтарсан тушаалын 4 дүгээр хавсралтаар батлагдсан “Эмнэлгийн мэргэжилтэнд мэргэжлийн зэрэг олгох, хүчингүй болгох журам” –ын 2.3.3, 5.2, 5.6 дах заалтад  орсон өөрчлөлтийн дагуу зохион байгуулна.

 Үүнд: Сувилахуй судлалын чиглэлээр зэрэг горилогч нь мэргэжлийн онол болон дадлагын шалгалтад 80 ба түүнээс дээш үнэлэгдсэн нөхцөлд тэнцсэн гэж тооцох, зөвлөх зэрэг горилох шалгалт өгөх мэргэжилтэн боловсролын докторын зэрэгтэй байх гэсэн нийтлэг шалгуур үзүүлэлтийг мөрдөхгүйгээр зохион байгуулахаар болсон.

ЭМХТ-өөс Мэргэжлийн зэрэг олгох шалгалтыг  зохион  байгуулах эрх бүхий мэргэжлийн салбар зөвлөл, нийгэмлэг, холбоодын төлөөлөлтэй уулзалт зохион байгуулж 2017 оны шалгалтын нэгдсэн тайланг хэлэлцэн,  2018 оны хурлын тогтоол, шалгалт зохион байгуулах төлөвлөгөө, холбогдох тушаал, журмыг танилцуулан шалгалтын зохион байгуулалттай холбоотой анхаарах зүйлсийн талаар мэдээлэл хүргэлээ.

 Тус уулзалтад мэргэжлийн салбар зөвлөлийн дарга, нийгэмлэг, холбоодын тэргүүн болон бусад төлөөлөл  28 хүн оролцон санал солилцлоо.

Эрүүл мэндийн хөгжлийн төвийн ерөнхий захирлын баталсан төлөвлөгөөний дагуу мэргэжлийн зэрэг олгох онолын шалгалт 2018 оны 09-р сарын 25 - 27, дадлага шалгалт 10-р сарын 03 - 15-ны хооронд зохион байгуулагдахаар боллоо.

 

ХҮНИЙ НӨӨЦИЙН БОДЛОГО ЗОХИЦУУЛАЛТЫН АЛБА