Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1041 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 4 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1263 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 47 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 205 тохиолдол бүртгэгдсэн нь өнгөрсөн оны мөн үеэс 126 тохиолдлоор буурсан байна. Нийт нас баралтын 10 515 тохиолдол буюу 61.1 хувь нь эрэгтэй, 6690 буюу 38.9 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.
УИХ-ын гишүүд Донорын хуулийн хэрэгжилтийн байдалтай танилцлаа.

УИХ-ын  Нийгмийн бодлого, боловсрол, соёл, шинжлэх ухааны байнгын хорооны дарга Ё.Баатарбилэгээр ахлуулсан баг Донорын хуулийн хэрэгжилтийн байдалтай танилцах ажлын хүрээнд ЭМХТ-ийн Эс, эд, эрхтэн шилжүүлэн суулгах үйл ажиллагааг зохицуулах албаны үйл ажиллагаатай танилцлаа.

Танилцах ажлын бүрэлдэхүүнд УИХ-ын гишүүн Д.Гантулга, Д.Ганболд, Г.Мөнхцэцэг, Б.Ундармаа  нар болон НББСШУБХ-ны ахлах зөвлөх Л.Лхагвасүрэн, зөвлөх Ж.Чимгээ, референт Б.Мажигсүрэн болон ЭМЯ-ны ЭТГ-ын дарга М.Баттүвшин, мэргэжилтэн А.Бархас  нар оролцлоо.

Донорын тухай хууль 2018 оны 02 дугаар сарын 19-ны өдрөөс хэрэгжиж эхлэсэн бөгөөд хуулийн хэрэгжилтийг хангах хүрээнд Эрүүл мэндийн хөгжлийн төвийн бүтцэд  Эс, эд, эрхтэн шилжүүлэн суулгах үйл ажиллагааг зохицуулах алба 6 орон тоотойгоор байгуулагдан үйл ажиллагаагаа явуулж эхлээд байна.

Уг алба нь  донорын хуулийн хэрэгжилтийг хангах, бусад дагалдах журмуудыг боловсруулах, батлуулах, аргазүйгээр  хангах,  Донорын тухай хууль болон Донорын үйл хэргийг олон нийтэд таниулан сурталчилах үйл ажиллагааг эхлүүлэх, хэрэгжүүлэх, нэгдсэн бүртгэл мэдээллийн санг байгуулан, хөтлөх, эс, эд, эрхтэн шилжүүлэх үйл ажиллагаанд шаардлагатай төсөв мөнгөний асуудлыг төсөвт  суулгахад хэрэгцээт баримт, мэдээллээр хангах зэрэг  ажлуудыг хэрэгжүүлэх юм.

Уулзалтын хүрээнд шинээр байгуулагдсан хуулийн хэрэгжилтийг хангах зорилгоор батлагдан гарах журмуудын таслийн талаар ярилцаж, Донорын хуулийн хэрэгжилтийн байдал ямар байгаа талаар мэдээлэл сонсож, харилцан санал солилцлоо.