Мэдээ:
  • Төрөлт: Улсын хэмжээнд 2019 оны эхний 7 сарын байдлаар 44 960 эх төрсөн нь өнгөрсөн оны мөн үеэс 306 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 7 сарын байдлаар улсын хэмжээнд 45 308 хүүхэд амьд төрсөн нь өнгөрсөн оны мөн үеэс 359 хүүхдээр буюу 0.8 хувиар өсчээ. Амьд төрсөн хүүхдийн 23 159 буюу 51.1 хувь нь хүү, 22 149 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 7 сарын байдлаар эхийн эндэгдлийн 10 тохиолдол бүртгэгдэж, 100 000 амьд төрөлтөд 22.1 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.6-оор буурсан байна. Нялхсын эндэгдэл: Улсын хэмжээнд 2019 оны эхний 7 сарын байдлаар нялхсын эндэгдлийн 599 тохиолдол бүртгэгдэж, 1 000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 10 тохиолдлоор буюу 1 000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 7 сарын байдлаар тав хүртэлх насны хүүхдийн эндэгдлийн 720 тохиолдол бүртгэгдэж, 1 000 амьд төрөлтөд 15.9 ногдож байгаа нь өмнөх оны мөн үетэй харьцуулахад 37 тохиолдлоор буюу 1 000 амьд төрөлтөд 0.9-оор буурсан байна. Нас баралт: 2019 оны эхний 7 сарын байдлаар улсын хэмжээнд нас баралтын 9 933 тохиолдол бүртгэгдсэн нь өнгөрсөн оны мөн үеэс 116 тохиолдлоор буурсан байна. Нийт нас баралтын 6 027 тохиолдол буюу 60.7 хувь нь эрэгтэй, 3 906 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 7 сарын байдлаар 26 төрлийн 25 976 халдварт өвчний тохиолдол бүртгэгдэж, 10 000 хүн амд 80.2 ногдож байна. Өмнөх оны мөн үеэс 1050 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.
“ЭМНЭЛГИЙН ТЕХНИК, ТОНОГ ТӨХӨӨРӨМЖИЙН БҮРТГЭЛ БА ЗАСВАР ҮЙЛЧИЛГЭЭ” СЭДЭВТ СУРГАЛТ

 “ЭМНЭЛГИЙН ТЕХНИК, ТОНОГ ТӨХӨӨРӨМЖИЙН БҮРТГЭЛ БА ЗАСВАР ҮЙЛЧИЛГЭЭ” СЭДЭВТ СУРГАЛТ

Сүүлийн жилүүдэд орчин үеийн дэвшилтэт техник, технологи эрүүл мэндийн салбарт нэвтэрч, эмнэлгийн багаж, тоног төхөөрөмжийн хангамж сайжирч байгаагын хирээр техникийн найдвартай, баталгаатай ажиллагааг хангахад удирдлага, зохион байгуулалт, төлөвлөлт  чухал асуудлуудын нэг болоод байна.

Эрүүл мэндийн салбарын хөгжил хөтөлбөр - 5 төслийн хүрээнд 2015 онд эмнэлгүүдийн удирдлага, инженер техникийн ажилчдын дунд техникийн чиглэлийн асуумж судалгаа явуулж сургалтын хэрэгцээ, сэдвийг тодорхойлсон. Судалгааны үр дүнд  эмнэлгийн техник, тоног төхөөрөмжийн засвар үйлчилгээ, цахим бүртгэлийн чиглэлээр аймаг, нийслэлийн эмнэлгийн инженер, техникийн ажилтны мэдлэгийг дээшлүүлэх  сургалтын төлөвлөгөө, хичээлийг боловсруулаад байна.

Энэхүү боловсруулсан сургалтын хөтөлбөрийн дагуу  аймаг, нийслэлийн эрүүл мэндийн байгууллагын эмнэлгийн техник, тоног төхөөрөмжийн засвар үйлчилгээ, цахим бүртгэлийн ажлын үр дүн, чанарыг сайжруулах зорилго бүхий сургалтууд зохион байгуулагдаж эхлэж байгаа бөгөөд  “ЭМСХХ-5” төслийн санхүүжилтээр ЭМЯ, “ЭМСХХ-5” төсөл, ЭМХТ хамтран  2017 оны 10 –р сарын 18-20- ны хооронд ЭМХТ дээр “Эмнэлгийн техник, тоног төхөөрөмжийн бүртгэл ба засвар үйлчилгээ”  сэдэвт сургалтыг зохион байгуулж байна.

Сургалтад  ЭМЯ, ЭМХТ, УНТЭ, УХТЭ, УГТЭ, ХӨСҮТ, ХСҮТ, ЭХЭМҮТ, ГССҮТ, СЭМҮТ, ЗӨСҮТ, ГҮТ, ЭСҮТ, ХТС, АӨСҮТ, ЦССҮТ, НЭМГ, НМХГ, 21 аймгийн нэгдсэн эмнэлгийн техник, тоног төхөөрөмжийн засвар үйлчилгээ хариуцсан нийт 41 ажилтан хамрагдана.

Сургалтын сэдэв 8 үндсэн хэсгээс бүрдэнэ:

  • Эмнэлгийн техник, технологийн талаарх бодлогын баримт бичиг
  • Эмнэлгийн тоног төхөөрөмжийн бүртгэлийн систем
  • Эмнэлгийн тоног төхөөрөмжийн мэдээллийн сан
  • Хөрөнгийн төлөвлөлтийн систем
  • Хөрөнгийн төлөвлөлтийн системийн програм хангамжийн цэс
  • Хөрөнгийн төлөвлөлтийн системд өгөгдөл оруулах
  • Эмнэлгийн тоног төхөөрөмжийн урсгал зардал тооцох аргачлал
  • Эмнэлгийн тоног төхөөрөмжийн засвар үйлчилгээний дадлагын ажил;

Сургалтыг зохион байгуулснаар эмнэлгийн техникийн засвар үйлчилгээ, цахим бүртгэл хөтлөлтийн ажлын үр дүн сайжирна гэж үзэж байна.