Мэдээ:
  • Төрөлт: Улсын хэмжээнд 2019 оны эхний 10 сарын байдлаар 64 769 эх төрсөн нь өнгөрсөн оны мөн үеэс 657 төрөлтөөр буюу 1.0 хувиар өссөн байна. Амьд төрсөн хүүхэд: 2019 оны эхний 10 сарын байдлаар улсын хэмжээнд 65 270 хүүхэд амьд төрсөн нь өнгөрсөн оны мөн үеэс 754 хүүхдээр буюу 1.2 хувиар өсчээ. Төрөлтийн түвшин 1000 хүн амд 20.7 байна. Амьд төрсөн хүүхдийн 33 460 буюу 51.3 хувь нь хүү, 31 810 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.0 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 10 сарын байдлаар нялхсын эндэгдлийн 855 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 10 сарын байдлаар тав хүртэлх насны хүүхдийн эндэгдлийн 1031 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 58 тохиолдлоор буюу 1000 амьд төрөлтөд 1.1-оор буурсан байна. Нас баралт: 2019 оны эхний 10 сарын байдлаар улсын хэмжээнд нас баралтын 14 265 тохиолдол бүртгэгдсэн нь өнгөрсөн оны мөн үеэс 96 тохиолдлоор буурсан байна. Нас баралтын түвшин 1000 хүн амд 4.5 байна. Халдварт өвчин: Улсын хэмжээнд 2019 оны эхний 10 сарын байдлаар 28 төрлийн 36 030 халдварт өвчний тохиолдол бүртгэгдэж, 10 000 хүн амд 111.3 ногдож байна. Өмнөх оны мөн үеэс 1732 тохиолдлоор буюу 10 000 хүн амд ногдох өвчлөл 3.4-оор нэмэгдсэн байна.
“Эрүүл мэндийн сайдын нэрэмжит шагнал” шинээр төрөн гарав.

Монгол улсын Засгийн газрын гишүүн, Эрүүл мэндийн сайд Н.Хүрэлбаатарын санаачлагаар “Эрүүл мэндийн сайдын нэрэмжит шагнал” шинээр төрөн гарав. Шагналын тухай 2012 оны 5-р сарын 4-ний өдөр хуралдсан Сайдын зөвлөлийн хурлаар хэлэлцэж, сайшаан баталсаны үндсэн дээр Эрүүл мэндийн сайдын “Эрүүл мэндийн яамнаас шагнал олгоход мөрдөх журам”-д нэмэлт оруулах тухай 161 тоот тушаал гарч, хэрэгжүүлж ажиллахаар болов. Уг шагналаар хүн ардын эрүүл мэндийн төлөө үйлсэд онцгой үнэтэй хувь нэмэр оруулсан нийгмийн аль ч салбарын хүн шагнагдаж болно.

“Эрүүл мэндийн сайдын нэрэмжит шагнал”-ыг үе үеийн сайд нар уламжлуулан авч явах, билиг ерөөл дүүрэн, салбарын өндөр нэр хүндтэй шагнал болгохоор ийнхүү бүтээгээд байгаа аж.

“Эрүүл мэндийн сайдын нэрэмжит шагнал” нь ногоон хаш суурин дээр байрласан хундага ороосон хүрэл могойн дүрс байх бөгөөд чулуун суурины хоёр хажуу талд алтан ялтас суулгаж өгсөн байна. Хаш чулуун суурины зөв талын ялтсан дээр монгол үсгээр “Эрүүл мэндийн сайдын нэрэмжит шагнал” гэсэн бичээсийг, эсрэг талын ялтсан дээр Монгол улсын Засгийн газрын гишүүн, Эрүүл мэндийн сайдын овог нэрийг тус тус бичжээ. Шагналын суурь 45х45х120 мм, хундага ороосон могойн өндөр 100 мм-ийн хэмжээтэй юм.

“Эрүүл мэндийн сайдын нэрэмжит шагнал”-аар шагнагдагсдад хувийн дугаар бүхий үнэмлэх олгож байх ажээ.