Мэдээ:
  • Төрөлт: Улсын хэмжээнд 2019 оны эхний 9 сарын байдлаар 58 081 эх төрсөн нь өнгөрсөн оны мөн үеэс 488 төрөлтөөр буюу 0.8 хувиар өссөн байна. Амьд төрсөн хүүхэд: 2019 оны эхний 9 сарын байдлаар улсын хэмжээнд 58 525 хүүхэд амьд төрсөн нь өнгөрсөн оны мөн үеэс 563 хүүхдээр буюу 1.0 хувиар өсчээ. Амьд төрсөн хүүхдийн 29 978 буюу 51.2 хувь нь хүү, 28 547 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 9 сарын байдлаар эхийн эндэгдлийн 13 тохиолдол бүртгэгдэж, 100 000 амьд төрөлтөд 22.2 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.2-оор буурсан байна. Нялхсын эндэгдэл: Улсын хэмжээнд 2019 оны эхний 9 сарын байдлаар нялхсын эндэгдлийн 771 тохиолдол бүртгэгдэж, 1000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 9 сарын байдлаар тав хүртэлх насны хүүхдийн эндэгдлийн 930 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 62 тохиолдлоор буюу 1000 амьд төрөлтөд 1.2-оор буурсан байна. Нас баралт: 2019 оны эхний 9 сарын байдлаар улсын хэмжээнд нас баралтын 12 723 тохиолдол бүртгэгдсэн нь өнгөрсөн оны мөн үеэс 177 тохиолдлоор буурсан байна. Нийт нас баралтын 7724 тохиолдол буюу 60.7 хувь нь эрэгтэй, 4999 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 9 сарын байдлаар 27 төрлийн 32 275 халдварт өвчний тохиолдол бүртгэгдэж, 10 000 хүн амд 99.7 ногдож байна. Өмнөх оны мөн үеэс 1168 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.
Баянхонгор аймагт эрүүл мэндийн салбарын хуралдаан боллоо

Сахилга хариуцлагын аймгийн зөвлөгөөний эрүүл мэндийн салбарын салбар хуралдаан 2015 оны хоёрдугаар сарын 10-нд Эрүүл мэндийн газрын хурлын тамхимд боллоо. Салбар хуралдаанд ЗДТГ–ын НХХ–ийн дарга н.Батбаяр, 20 сумдын Засаг дарга, сум өрхийн ЭМТ –үүдийн дарга нар холбогдох мэргэжилтнүүд оролцлоо.

Хуралд аймгийн ЭМГ- ын дарга Ю.Ёндон Эрүүл мэндийн салбарын шинэчлэлийн бодлогын хүрээнд 2014 онд хийгдсэн хөрөнгө оруулалтууд, онцлох ажиллагаа түүний үр дүн, тулгамдаж буй асуудал сэдвээр, ЗӨСТ–ийн дарга С.Баасанхүү Зоонозын төвийн үйл ажиллагаа, аймгийн хэмжээнд бүртгэгдсэн мал , амьтны хүнд халдварладаг өвчний тохиолдлын судалгааны талаар тус тус мэдээлэл хийлээ.

Эрүүл мэндийн тусламж үйлчилгээний хүртээмжийг нэмэгдүүлэхэд орон нутгийн удирдлагын дэмжлэгт оролцоо, төрийн болон төрийн бус байгууллагуудын хамтын ажиллагааг өргөжүүлэх, сум дундын эмнэлгүүдийг үндсэн статусаар ажиллуулж тойргийн сумдын иргэдэд үндсэн мэргэжлийн тусламж үйлчилгээг ойртуулах “Эрүүл өрх” аяны хүрээнд зохион байгуулагдсан урьдчилан сэргийлэх үзлэгээр илэрсэн өвчлөлийг эрүүлжүүлэх арга хэмжээ төлөвлөгөө боловсруулж хэрэгжилтэнд хяналт тавиж ажиллах зэрэг асуудлаар санал бодлоо солилцлоо.