Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1041 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 4 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1263 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 47 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 205 тохиолдол бүртгэгдсэн нь өнгөрсөн оны мөн үеэс 126 тохиолдлоор буурсан байна. Нийт нас баралтын 10 515 тохиолдол буюу 61.1 хувь нь эрэгтэй, 6690 буюу 38.9 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.
“Баянгол” Цус цуглуулах төв нээгдлээ

Өнөөдөр Баянгол Эрүүл мэндийн цогцолбор дээр “Баянгол” цус цуглуулах төвийн нээлтийн ажиллагаа боллоо.

Донорын цус цусан бүтээндэхүүний аюулгүй байдал, хангамжийг сайжруулах талаар Монгол Улсын төрөөс баримтлах бодлогыг хэрэгжлүүлэх зорилгоор хүн амын дунд сайн дурын авлагагүй цусны донорын эгнээг өргөжүүлж, цус цусан бүтээгдэхүүний нөөцийг нэмэгдүүлэх үйлсэд ЦССҮТ-өөс санаачлага гарган УИХ-ын гишүүн С.Одонтуяа, С.Эрдэнэ, ЭМСЯ, Баянгол эрүүл мэндийн цогцолборын дарга Ө.Батжаргал нарын дэмжлэгтэйгээр Монгол Улсад анх удаа олон улсын жишгийн дагуу БГД-т цус цуглуулах төвийг нээсэн нь энэ юм.

 

Нээлтийн үйл ажиллагаанд Эрүүл мэнд, спортын дэд сайд Д.Атармаа, УИХ-ын гишүүн С.Одонтуяа, ЦССҮТ-ийн дарга Н.Эрдэнэбаяр, Баянгол эрүүл мэндийн цогцолборын дарга Ө. Батжаргал нар болон олон зуун хүнд амьдрал бэлэглэсэн хүндэт донорууд оролцлоо.

Дэд сайд Д.Атармаа хэлэхдээ “Дэлхийн улс орнуудад нэг саяас дээш хүн амтай хотод дунджаар цус цуглуулах хэд хэдэн суурин төвтэй байдаг. Гэтэл хүн амын тоо өдрөөс өдөр өсөн нэмэгдэж байгаа Улаанбаатар хотод суурин ганц л Цус сэлбэлт судлалын үндэсний төвтэй байсан. Мэдээж энэ нь ард иргэд донорын хөдөлгөөнд хамрагдахад хангалтгүй байсан. Тэгвэл өнөөдөр шинэ цус цуглуулах төвийн үйл ажиллагааг эхлүүлснээр цусаа бэлэглэгч доноруудад энэ үйлчилгээ ойртож байнгын, идэвхитэн донорын тоо нэмэгдэж, цус цусан бүтээгдэхүүний нөөц хангамж сайжрах боломжтой болж байна. Ингэснээр олон зуун хүнд амьдрал бэлэглэсэн буянтай ажил эхлэж байгаад үнэхээр таатай байна” гэсэн юм.

 

alt