Мэдээ:
  • Төрөлт: Улсын хэмжээнд 2019 оны эхний 9 сарын байдлаар 58 081 эх төрсөн нь өнгөрсөн оны мөн үеэс 488 төрөлтөөр буюу 0.8 хувиар өссөн байна. Амьд төрсөн хүүхэд: 2019 оны эхний 9 сарын байдлаар улсын хэмжээнд 58 525 хүүхэд амьд төрсөн нь өнгөрсөн оны мөн үеэс 563 хүүхдээр буюу 1.0 хувиар өсчээ. Амьд төрсөн хүүхдийн 29 978 буюу 51.2 хувь нь хүү, 28 547 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 9 сарын байдлаар эхийн эндэгдлийн 13 тохиолдол бүртгэгдэж, 100 000 амьд төрөлтөд 22.2 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.2-оор буурсан байна. Нялхсын эндэгдэл: Улсын хэмжээнд 2019 оны эхний 9 сарын байдлаар нялхсын эндэгдлийн 771 тохиолдол бүртгэгдэж, 1000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 9 сарын байдлаар тав хүртэлх насны хүүхдийн эндэгдлийн 930 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 62 тохиолдлоор буюу 1000 амьд төрөлтөд 1.2-оор буурсан байна. Нас баралт: 2019 оны эхний 9 сарын байдлаар улсын хэмжээнд нас баралтын 12 723 тохиолдол бүртгэгдсэн нь өнгөрсөн оны мөн үеэс 177 тохиолдлоор буурсан байна. Нийт нас баралтын 7724 тохиолдол буюу 60.7 хувь нь эрэгтэй, 4999 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 9 сарын байдлаар 27 төрлийн 32 275 халдварт өвчний тохиолдол бүртгэгдэж, 10 000 хүн амд 99.7 ногдож байна. Өмнөх оны мөн үеэс 1168 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.
"Эрчүүдийн эрүүл мэндийг дэмжих" өдөрлөг зохион байгуулагдлаа

“Эрчүүдийн эрүүл мэндийг дэмжих өдөр”-ийг “Эрчүүдээ хайрлая” уриан дор анх удаа тэмдэглэж, Улаанбаатар хотын төв талбайд төрийн болон хувийн хэвшлийн 20 гаруй эрүүл мэндийн байгууллагууд иргэдэд үнэ төлбөргүй үзлэг хийж, зөвлөгөө өгөв. 

Энэхүү эрүүл мэндийн өдөрлөгийн нээлтэд зориулсан Ерөнхий сайдын мэндчилгээг түүний зөвлөх Д.Батбаяр уламжиллаа. Тэрбээр Эрүүл мэндийн яамнаас жил бүрийн 3 дугаар сарын 18-ны өдрийг “Эрэгтэйчүүдийн эрүүл мэндийг дэмжих өдөр” болгохоор шийдвэр гарган орон даяар эрэгтэйчүүдийн эрүүл мэндийг дэмжих арга хэмжээг зохион байгуулж байхаар шийдвэрлэснийг бид талархалтайгаар хүлээн авч байна гээд эрчүүдийн эрүүл мэндийн асуудал нь зөвхөн эрүүл мэндийн салбарын асуудал биш бусад бүх салбарын асуудал юм хэмээн онцлон хэлсэн юм.

Эрүүл мэндийн дэд сайд Ж.Амарсанаа нээлтийг үргэлжлүүлэн хэлсэн үгэндээ жендэрийн талаас аваад үзвэл эрүүл мэнддээ тавих анхаарал, хариуцлага эрэгтэй, эмэгтэй хүмүүст адилгүй бөгөөд эрэгтэйчүүд эрүүл мэнддээ анхаарал бага тавьж, эмнэлгийн үйлчилгээнд хамрагдах идэвх сул байдаг нь түгээмэл үзэгдэл гэдгийг онцоллоо. Түүнчлэн тэрбээр судалгааны дагуу авч үзэхэд эрэгтэйчүүд өвчлөл өндөртэй, эрүүл мэндийн эрсдэлтэй зан үйл ихтэй, эрүүл мэндийн тусламж үйлчилгээ хайх эрэлхийлэх нь хамгийн бага хувьтай байдаг учир эрүүл мэндийн салбарын шинэчлэлийн нэг хэсэг болгон жендэрийн мэдрэмжтэй эрүүл мэндийн тусламж, үйлчилгээний бодлого, арга хэмжээ авч явуулж байна гэв.

Өдөрлөгт ЭМЯ-ны харьяа байгууллагууд, БХЯ-ны харьяа Хууль сахиулах байгууллагын албан хаагчдын эрүүл мэндийн нэгдэл, Эм ханган нийлүүлэх “Монос” зэрэг байгууллагууд идэвхтэй оролцов.