Мэдээ:
  • Төрөлт: Улсын хэмжээнд 2019 оны эхний 10 сарын байдлаар 64 769 эх төрсөн нь өнгөрсөн оны мөн үеэс 657 төрөлтөөр буюу 1.0 хувиар өссөн байна. Амьд төрсөн хүүхэд: 2019 оны эхний 10 сарын байдлаар улсын хэмжээнд 65 270 хүүхэд амьд төрсөн нь өнгөрсөн оны мөн үеэс 754 хүүхдээр буюу 1.2 хувиар өсчээ. Төрөлтийн түвшин 1000 хүн амд 20.7 байна. Амьд төрсөн хүүхдийн 33 460 буюу 51.3 хувь нь хүү, 31 810 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.0 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 10 сарын байдлаар нялхсын эндэгдлийн 855 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 10 сарын байдлаар тав хүртэлх насны хүүхдийн эндэгдлийн 1031 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 58 тохиолдлоор буюу 1000 амьд төрөлтөд 1.1-оор буурсан байна. Нас баралт: 2019 оны эхний 10 сарын байдлаар улсын хэмжээнд нас баралтын 14 265 тохиолдол бүртгэгдсэн нь өнгөрсөн оны мөн үеэс 96 тохиолдлоор буурсан байна. Нас баралтын түвшин 1000 хүн амд 4.5 байна. Халдварт өвчин: Улсын хэмжээнд 2019 оны эхний 10 сарын байдлаар 28 төрлийн 36 030 халдварт өвчний тохиолдол бүртгэгдэж, 10 000 хүн амд 111.3 ногдож байна. Өмнөх оны мөн үеэс 1732 тохиолдлоор буюу 10 000 хүн амд ногдох өвчлөл 3.4-оор нэмэгдсэн байна.
ҮНДСЭН МЭРГЭШЛЭЭР ЭЛСЭН СУРАЛЦАГЧДЫН ХИЧЭЭЛИЙН ШИНЭ ЖИЛИЙН НЭЭЛТ

2019-2020 ОНЫ ХИЧЭЭЛИЙН ЖИЛД ҮНДСЭН МЭРГЭШЛЭЭР ЭЛСЭН СУРАЛЦАГЧДЫН ХИЧЭЭЛИЙН ШИНЭ ЖИЛИЙН НЭЭЛТИЙН ҮЙЛ АЖИЛЛАГАА

 

Үндсэн мэргэшлийн сургалтад 2019-2020 оны хичээлийн жилд элсэн суралцагчдын хичээлийн шинэ жилийн нээлтийн арга хэмжээ Монголын хүүхдийн ордонд боллоо.

Нээлтийн арга хэмжээнд Эрүүл мэндийн яамны Төрийн захиргааны удирдлагын газрын дарга Б.Цогтбаатар, Эрүүл мэндийн яамны Төрийн захиргааны удирдлагын газрын мэргэжилтэн Д.Баярмаа, Эрүүл мэндийн хөгжлийн төвийн Ерөнхий захирал Б.Нарантуяа, Улсын нэгдүгээр төв эмнэлгийн Ерөнхий захирал Т.Мөнхсайхан, Арьсны өвчин судлалын үндэсний төвийн захирал Уранчимэг болон нийт сургалт эрхлэгч байгууллагын Сургалтын албаны төлөөлөлүүд болон 1-р дамжааны 560 гаруй резидент эмч нар оролцлоо.

Резидентэд элсэн суралцаж байгаа эмч нарт Улсын гуравдугаар төв эмнэлгийн Сургалт эрдэм, шинжилгээ эрхэлсэн дэд захирал, АУ-ны доктор О.Батгэрэл, Хавдар судлалын үндэсний төвийн нэгдсэн лабораторийн эмч АУ-ны доктор Т.Лхагва-Очир нар уригдан “Резидент эмчийн үүрэг, хариуцлага”, “Өвчтөн-эмчийн харилцаа” сэдвээр илтгэл тавьлаа.

Энэ жилийн хувьд Үндсэн мэргэшлийн сургалтын элсэлтийн үйл ажиллагаа нээлттэй ил тод болж өнгөрлөө. Элсэлтийн шалгалтын үйл ажиллагаанд ЭМЯ, Мэргэжлийн салбар зөвлөл, нийгэмлэг холбоод, сургалт эрхлэх байгууллагын төлөөлөл хамтран ажилласан.

2019-2020 оны хичээлийн жилд Эрүүл мэндийн хөгжлийн төв 19 сургалт эрхлэх байгууллагад нийт 567 резидент эмчийг суралцуулахаар хуваарилаад байгаа урьд онуудтай харьцуулахад өссөн үзүүлэлт юм. Бид цаашдаа сургалт эрхлэх байгууллагын тоог нэмэгдүүлэх зорилготой ажиллаж байна. Ялангуяа нийслэл, орон нутгийн нэгдсэн эмнэлгүүдийг дэмжин ажиллана.