Мэдээ:
  • Төрөлт: Улсын хэмжээнд 2019 оны эхний 11 сарын байдлаар 71 046 эх төрсөн нь өнгөрсөн оны мөн үеэс 527 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 11 сарын байдлаар улсын хэмжээнд 71 622 хүүхэд амьд төрсөн нь өнгөрсөн оны мөн үеэс 662 хүүхдээр буюу 0.9 хувиар өсчээ. Төрөлтийн түвшин 1000 хүн амд 22.7 байна. Амьд төрсөн хүүхдийн 36 743 буюу 51.3 хувь нь хүү, 34 879 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 11 сарын байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 25.1 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 11 сарын байдлаар нялхсын эндэгдлийн 941 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 1 тохиолдлоор буюу 1000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 11 сарын байдлаар тав хүртэлх насны хүүхдийн эндэгдлийн 1136 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 53 тохиолдлоор буюу 1000 амьд төрөлтөд 0.9-оор буурсан байна. Нас баралт: 2019 оны эхний 11 сарын байдлаар улсын хэмжээнд нас баралтын 15531 тохиолдол бүртгэгдсэн нь өнгөрсөн оны мөн үеэс 191 тохиолдлоор буурсан байна. Нийт нас баралтын 9499 тохиолдол буюу 61.2 хувь нь эрэгтэй, 6032 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны эхний 11 сарын байдлаар 28 төрлийн 39 553 халдварт өвчний тохиолдол бүртгэгдэж, 10 000 хүн амд 122.1 ногдож байна. Өмнөх оны мөн үеэс 2045 тохиолдлоор буюу 10 000 хүн амд ногдох өвчлөл 4.1-оор нэмэгдсэн байна.
Үнийн санал авах тухай ХЭВЛЭЛИЙН КОМПАНИУДАД

Үнийн санал авах тухай ХЭВЛЭЛИЙН КОМПАНИУДАД

Эм, эмнэлгийн мэргэжилтнүүдийг эмийн талаарх бодит мэдээлэл болон шинээр бүртгэгдсэн эмийн тухай мэдээллээр хангах зорилгоор “МОНГОЛ УЛСЫН 2018 ОНЫ НЯНГИЙН ЭСРЭГ ЭМИЙН ХЭРЭГЛЭЭНИЙ СУДАЛГААНЫ ТАЙЛАН” ном хэвлүүлэх шалгаруулалтад урьж байна. Хэвлэлтийн үнийн саналаа 2019 оны 05 дугаар сарын 24-ний дотор тус төвийн Эм, эмнэлгийн тоног төхөөрөмжийн албанд албан бичгээр ирүүлнэ үү.

Хэвлэлтэд тавигдах техникийн шаардлага:   

  1. Нэр: “Монгол улсын 2018 оны нянгийн эсрэг эмийн хэрэглээний судалгааны тайлан” ном
  2. Хуудасны тоо:   Б5-ын 60 нүүр
  3. Дотор тал:           105гр шохойтой цаас
  4. Хавтас:                250гр шохойтой цаас, бүрэлттэй
  5. Өнгө:                   (4+4)
  6. Тоо хэмжээ:        500 ширхэг

Эхийг тухайн хэвлэлийн компаниар бэлтгүүлнэ.

Хамтран ажилласанд баярлалаа.