Мэдээ:
  • Төрөлт: Улсын хэмжээнд 2019 оны эхний 7 сарын байдлаар 44 960 эх төрсөн нь өнгөрсөн оны мөн үеэс 306 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 7 сарын байдлаар улсын хэмжээнд 45 308 хүүхэд амьд төрсөн нь өнгөрсөн оны мөн үеэс 359 хүүхдээр буюу 0.8 хувиар өсчээ. Амьд төрсөн хүүхдийн 23 159 буюу 51.1 хувь нь хүү, 22 149 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 7 сарын байдлаар эхийн эндэгдлийн 10 тохиолдол бүртгэгдэж, 100 000 амьд төрөлтөд 22.1 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.6-оор буурсан байна. Нялхсын эндэгдэл: Улсын хэмжээнд 2019 оны эхний 7 сарын байдлаар нялхсын эндэгдлийн 599 тохиолдол бүртгэгдэж, 1 000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 10 тохиолдлоор буюу 1 000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 7 сарын байдлаар тав хүртэлх насны хүүхдийн эндэгдлийн 720 тохиолдол бүртгэгдэж, 1 000 амьд төрөлтөд 15.9 ногдож байгаа нь өмнөх оны мөн үетэй харьцуулахад 37 тохиолдлоор буюу 1 000 амьд төрөлтөд 0.9-оор буурсан байна. Нас баралт: 2019 оны эхний 7 сарын байдлаар улсын хэмжээнд нас баралтын 9 933 тохиолдол бүртгэгдсэн нь өнгөрсөн оны мөн үеэс 116 тохиолдлоор буурсан байна. Нийт нас баралтын 6 027 тохиолдол буюу 60.7 хувь нь эрэгтэй, 3 906 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 7 сарын байдлаар 26 төрлийн 25 976 халдварт өвчний тохиолдол бүртгэгдэж, 10 000 хүн амд 80.2 ногдож байна. Өмнөх оны мөн үеэс 1050 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.
Эмнэлгийн мэргэжилтний тасралтгүй хөгжил төслийн хаалтын үйл ажиллагаа боллоо.

Эмнэлгийн мэргэжилтний тасралтгүй хөгжил төслийн  хаалтын үйл ажиллагаа боллоо.

Эрүүл Мэндийн яам, Эрүүл мэндийн хөгжлийн төв, Сөүлийн Үндэсний Их Сургуулийн Анагаах Ухааны Коллеж, Рафаэл Интернэшнл ТББ хамтран хэрэгжүүлсэн “Эмнэлгийн мэргэжилтний  тасралтгүй хөгжил” төслийн хаалтын үйл ажиллагаа 10 сарын 16-нд амжилттай зохион байгуулагдлаа.

Уг төсөл нь 2013-2017 оны хооронд эмнэлгийн мэргэжилтний чадамжийг бэхжүүлэх, хүний нөөцийн системийн менежмент болон байгууллагын соёлыг сайжруулах зорилгоор Улаанбаатар хот, Дархан уул аймагт амжилттай хэрэгжсэн. Төслийн хүрээнд Улсын нэгдүгээр төв эмнэлэг, Улсын хоёрдугаар төв эмнэлэг, Улсын гуравдугаар төв эмнэлэг, Эх хүүхдийн эрүүл мэндийн үндэсний төв, Улсын гуравдугаар амаржих газар,  Улсын нэгдүгээр амаржих газар, Анагаахын Шинжлэх Ухааны Үндэсний Их Сургуулийн нийт 85 эмч, багшийг эмнэлзүйн сургагч багшаар, хүний нөөцийн сургагч багшаар 84 эмч, эмнэлгийн мэргэжилтэнг бэлтгэн гаргасан байна.

Төсөл нь 2013-2014 онд Улаанбаатар хотын Баянзүрх дүүрэг, Сүхбаатар дүүргийн эрүүл мэндийн төв, 2014-2015 онд Улаанбаатар хотын Баянзүрх дүүрэг, Сүхбаатар дүүргийн өрхийн эрүүл мэндийн төв, Дархан-Уул аймгийн Эрүүл мэндийн газар, Нэгдсэн эмнэлэг, 2016-2017 онд Улаанбаатар хотын Баянзүрх дүүрэг, Сүхбаатар дүүргийн өрхийн эрүүл мэндийн төв, Дархан-Уул аймгийн өрх болон сумын эрүүл мэндэд төвүүдэд тус тус хэрэгжсэн.  Төслийн хүрээнд зохион байгуулагдсан Эмнэлзүйн сургалт нь эх барих эмэгтэйчүүд, хүүхдийн өвчин судлал, яаралтай тусламж, зүрхний цахилгаан бичлэг, рентген оношлогоо, лабораторийн шинжилгээ, хэт авиан оношлогоо зэрэг нийт 13 чиглэлээр, хүний нөөцийн сургалт нь байгууллагын соёл, хүний нөөцийн тогтолцооны шинэчлэл зэрэг 3 чиглэлээр тус тус зохион байгуулагдсан. Сургалтад нийт 1000 гаруй эмч эмнэлгийн мэргэжилтнийг хамруулжээ.

Төслийн хүрээнд хэрэглэсэн ном, манеканыг ЭМХТ болон төсөл хэрэгжсэн байгууллагдуудад хандивласан бөгөөд эдгээр сургалтын тоног төхөөрөмжүүдийг ашиглан Дархан-Уул аймгийн Эрүүл мэндийн газар “Симуляци сургалтын төв” –ийг нээн ажиллуулж байгаа нь эмч эмнэлгийн мэргэжилтнүүдэд тасралтгүй дадлага хийж хөгжих боломжийг бүрдүүлж  байгаа билээ.