Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1040 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 3 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1262 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 48 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 123 тохиолдол бүртгэгдсэн нь өнгөрсөн оны мөн үеэс 208 тохиолдлоор буурсан байна. Нийт нас баралтын 10 471 тохиолдол буюу 61.2 хувь нь эрэгтэй, 6652 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.
“Эрүү нүүрний мэс заслын тасаг”-ийн 45 жилийн ой

“Эрүү нүүрний мэс заслын тасаг”-ийн 45 жилийн ой

Д.Даваадорж тасгийн эрхлэгчтэй “Эрүү нүүрний мэс заслын тасаг”-ийн 45 жилийн ой тохиож байгаа бөгөөд 9-р сарын 30-ны баасан гаригт Монголын Эрүү Нүүрний Мэс Засалчдын Нийгэмлэгийн VIII чуулгантай хамтран Олон улсын бага хурлыг амжилттай зохион байгууллаа. Хуралд Канад, Япон, Солонгос зэрэг 6 орны доктор профессорууд болон эрүү нүүрний мэс заслын эмч, судлаач нар оролцож илтгэл тависан юм.

Эрүү нүүрний мэс заслын тасаг нь 7 эмч, 7 сувилагч, 4 үйлчлэгчтэй ба 24 ортойгоор үйл ажиллагаа явуулдаг бөгөөд: Шүд авалт Шүдний гаралтай идээт үрэвсэлт өвчин Шүдний гаралтай хоншоорын хөндийн үрэвсэл  ЭНО-ын  хоргүй хавдар, уйланхай Хугарал, гэмтэл Эрүүний үений эмгэг Мэдрэлийн эмгэг Шүлсний булчирхайн эмгэг Гажиг заслын заалтаар саатсан шүдийг цухуйлгах Шүдийг шилжүүлэн суулгах Шүдний имплант  Ортогнатик мэс засал Нүүрний гоо сайхны мэс засал зэрэг үйлчилгээг УЛСЫН ХЭМЖЭЭНД үзүүлдэг тасаг юм.