Мэдээ:
  • Төрөлт: Улсын хэмжээнд 2019 оны эхний 2 сарын байдлаар 11 752 эх төрсөн нь өнгөрсөн оны мөн үеэс 188 төрөлтөөр буюу 1.6 хувиар буурсан байна. Амьд төрсөн хүүхэд: 2019 оны эхний 2 сарын байдлаар улсын хэмжээнд 11 825 хүүхэд амьд төрсөн нь өнгөрсөн оны мөн үеэс 192 хүүхдээр буюу 1.6 хувиар буурчээ. Амьд төрсөн хүүхдийн 6021 буюу 50.9 хувь нь хүү, 5804 буюу 49.1 хувь нь охин байна. Эхийн эндэгдэл: Улсын хэмжээнд 2019 оны эхний 2 сарын байдлаар эхийн эндэгдлийн 3 тохиолдол бүртгэгдэж, 100 000 амьд төрөлтөд 25.4 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 17.1-оор өссөн байна. Нялхсын эндэгдэл: Улсын хэмжээнд нялхсын эндэгдлийн 192 тохиолдол бүртгэгдэж, 1000 амьд төрөлтөд 16.2 ногдож байгаа нь өнгөрсөн оны мөн үетэй харьцуулахад 2 тохиолдлоор буюу 1000 амьд төрөлтөд 0.4-оор өссөн үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 2 сарын байдлаар тав хүртэлх насны хүүхдийн эндэгдлийн 230 тохиолдол бүртгэгдэж, 1000 амьд төрөлтөд 19.5 ногдож байгаа нь өмнөх оны мөн үетэй харьцуулахад 9 тохиолдлоор нэмэгдсэн байна. Нас баралт: 2019 оны эхний 2 сарын байдлаар нас баралтын 2931 тохиолдол бүртгэгдсэн нь өнгөрсөн оны мөн үеэс 75 тохиолдлоор өссөн байна. Нийт нас баралтын 1787 тохиолдол буюу 61.0 хувь нь эрэгтэй, 1144 буюу 39.0 хувь нь эмэгтэй байна. Халдварт өвчин: Улсын хэмжээнд 21 төрлийн 6591 халдварт өвчний тохиолдол бүртгэгдэж, 10 000 хүн амд 20.7 ногдож байна. Өмнөх оны мөн үеэс 589 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.

Мэдээ, мэдээлэл

Тийн ялгуусан хэмээх усан Могой жилийн билгийн тооллын Шинийн 15-ны буюу 2013 оны 2 дугаар сарын 25-ны билэгт сайн өдөр Эрүүл мэндийн хөгжлийн төвийн хамт олон 9 хүсэл буюу хувь хүн өөрийгөө хөгжүүлэх амин 3 хүсэл, байгууллагаа хөгжүүлэх чин 3 хүсэл, эрүүл мэндийн салбараа хөгжүүлэх алтан 3 хүслээ хөгжин дэвжихийн бэлэгдэл болсон “Хөгжлийн өргөө”-ндөө өргөж, тухайн байгууллагад олон жил хөдөлмөрлөж, оюун чадлаа шингээсэн үе үеийн ахмад ажилтнуудынхаа хамтаар Түүхийн булангийнхаа нээлтийг хийлээ.

2013 оны 2 дугаар сарын 10-наас 2 дугаар сарын 13-ны өдрүүдэд улсын хэмжээнд нийт 592 эх амаржиж, 591 нярай амьд төрсөн байна. Амьгүй төрөлтийн 3 тохиолдол бүртгэгдсэнээс Дундговь аймаг 1, Улаанбаатар хотод 2 тохиолдол тус тус бүртгэгджээ. Эхийн эндэгдлийн 2 тохиолдол бүртгэгдсэнээс Ховд аймаг, Нийслэлийн 1-р амаржих газарт тус тус 1 тохиолдол бүртгэгдсэн байна.

Эрүүл мэндийн хөгжлийн төвөөс Хөвсгөл аймгийн Баянзүрх сумын эрүүл мэндийн төвд  түргэн тусламжийн үйлчилгээнд ашиглах зорилгоор туулах чадвар сайтай FORD RANGERS маркийн автомашиныг хүлээлгэн өглөө.

Эрүүл мэндийн сайд Н.Удвал сар шинийн баяр “Цагаан сар”-ыг угтан зарим аймаг, нийслэлийн эрүүл мэндийн газар, төв эмнэлэг, тусгай мэргэжлийн төвийн удирдлагуудтай видео хурал хийж баярын өдрүүдэд эмнэлгийн тусламж, үйлчилгээний чанар, аюулгүй болон бэлэн байдлыг хангаж ажиллахыг захилаа. Аймгуудаас холбогдож тулгамдаж буй асуудлаа танилцуулахад, Дундговь аймгийн нийт нутгаар цас ихээр унасан, мөнЦагаандэлгэр сумын эрүүл мэндинй төвд автомашин яаралтай хэрэгтэй байгааг тус аймгийн ЭМГ-ын дарга дуулгалаа.