Мэдээ:
  • Төрөлт: Улсын хэмжээнд 2019 оны эхний 4 сарын байдлаар 24 913 эх төрсөн нь өнгөрсөн оны мөн үеэс 227 төрөлтөөр буюу 0.9 хувиар буурсан байна. Амьд төрсөн хүүхэд: Улсын хэмжээнд 2019 оны эхний 4 сарын байдлаар 25 075 хүүхэд амьд төрсөн нь өнгөрсөн оны мөн үеэс 235 хүүхдээр буюу 0.9 хувиар буурчээ. Амьд төрсөн хүүхдийн 12 729 буюу 50.8 хувь нь хүү, 12 346 буюу 49.2 хувь нь охин байна. Эхийн эндэгдэл: Улсын хэмжээнд 2019 оны эхний 4 сарын байдлаар эхийн эндэгдлийн 5 тохиолдол бүртгэгдэж, 100 000 амьд төрөлтөд 19.9 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 4 сарын байдлаар нялхсын эндэгдлийн 346 тохиолдол бүртгэгдэж, 1000 амьд төрөлтөд 13.8 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.8-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 4 сарын байдлаар тав хүртэлх насны хүүхдийн эндэгдлийн 411 тохиолдол бүртгэгдэж, 1000 амьд төрөлтөд 16.4 ногдож байгаа нь өмнөх оны мөн үетэй харьцуулахад 29 тохиолдлоор буюу 1000 амьд төрөлтөд 1.0-оор буурсан байна. Нас баралт: Улсын хэмжээнд 2019 оны эхний 4 сарын байдлаар нас баралтын 5735 тохиолдол бүртгэгдсэн нь өнгөрсөн оны мөн үеэс 18 тохиолдлоор өссөн байна. Нийт нас баралтын 3457 тохиолдол буюу 60.3 хувь нь эрэгтэй, 2278 буюу 39.7 хувь нь эмэгтэй байна. Халдварт өвчин: Улсын хэмжээнд 2019 оны эхний 4 сарын байдлаар 25 төрлийн 14 145 халдварт өвчний тохиолдол бүртгэгдэж, 10 000 хүн амд 43.7 ногдож байна. Өмнөх оны мөн үеэс 728 тохиолдлоор буюу 10 000 хүн амд ногдох өвчлөл 1.5-оор нэмэгдсэн байна.

Мэдээ, мэдээлэл

МОНГОЛ УЛСАД:

Зоонозын шалтгаант халдварт өвчин:

 - 2015 онд зоонозын шалтгаант 594 сэжигтэй тохиолдол бүртгэгдсэнээс 206 (34.7%) нь лабораторийн шинжилгээгээр батлагдаж, 4 тохиолдол  (1.9%) нь нас барсан байна. Тарваган тахал өвчний улмаас 2, хачигт энцефалит өвчний улмаас 2 хүн тус тус энджээ.

- 2016 оны эхний 7 хоногт Ховд аймагт галзуу өвчний эрсдэлд өртсөн нэг тохиолдол, УБ хотын ХУД-т хачигт риккетсиозын хүний өвчний сэжигтэй тохиолдол мэдээлэгдэж, хариу арга хэмжээг зохион байгуулан ажиллаж байна.

2016 оны 1 дүгээр сарын 11-ний  өдрийн 10 цагийн байдлаар
Монгол улсын хэмжээнд:
Газар хөдлөлт:

Булган аймгийн Могод сумын Баянгол багийн нутаг (сумын төвөөс урд зүгт 33 км)-т “Түлээ уул” гэдэг газар 2016.01.10-ны өдрийн 08:35 цагт 4.5 магнитутын газар хөдлөлт болсон ба учирсан хохирол байхгүй байна.

“Экспо Монголиа 2016” Олон Улсын үзэсгэлэн, хурлыг Монгол улсын засгийн газар, ХБНГУ-ын Эдийн засгийн яамтай хамтран 2016 оны 5 сарын 23-аас 25-ны өдрүүдэд Буянт-Ухаа Спортын Ордонд зохион байгуулах гэж байна.

Тус үзэсгэлэн нь Хөдөө Аж Ахуй, Газар тариалан, Уул уурхай, Дэд бүтэц, Барилга байгууламж, Байгаль орчны ногоон технологи, Эмнэлэг, эрүүл мэндийн хангамж, Аж үйлдвэр, үйлдвэрлэлийн дэвшилтэт тоног төхөөрөмж, шинэлэг санаа гэх мэт бүх салбарыг дэмжин зохион байгуулагддаг тул албан байгууллага, компани, ААН та бүхнийг олон улсын үзэсгэлэн, хуралд бүртгүүлж олон улсын тавцанд өөрийн шинэ төсөл, санааг хуваалцан бизнесийн түншлэлээ өргөжүүлж, зөвхөн танд зориулсан бизнесийн үйлчилгээг алдалгүй авахыг санал болгож байна.