Мэдээ:
  • Төрөлт: Улсын хэмжээнд 2019 оны эхний 4 сарын байдлаар 24 913 эх төрсөн нь өнгөрсөн оны мөн үеэс 227 төрөлтөөр буюу 0.9 хувиар буурсан байна. Амьд төрсөн хүүхэд: Улсын хэмжээнд 2019 оны эхний 4 сарын байдлаар 25 075 хүүхэд амьд төрсөн нь өнгөрсөн оны мөн үеэс 235 хүүхдээр буюу 0.9 хувиар буурчээ. Амьд төрсөн хүүхдийн 12 729 буюу 50.8 хувь нь хүү, 12 346 буюу 49.2 хувь нь охин байна. Эхийн эндэгдэл: Улсын хэмжээнд 2019 оны эхний 4 сарын байдлаар эхийн эндэгдлийн 5 тохиолдол бүртгэгдэж, 100 000 амьд төрөлтөд 19.9 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 4 сарын байдлаар нялхсын эндэгдлийн 346 тохиолдол бүртгэгдэж, 1000 амьд төрөлтөд 13.8 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.8-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 4 сарын байдлаар тав хүртэлх насны хүүхдийн эндэгдлийн 411 тохиолдол бүртгэгдэж, 1000 амьд төрөлтөд 16.4 ногдож байгаа нь өмнөх оны мөн үетэй харьцуулахад 29 тохиолдлоор буюу 1000 амьд төрөлтөд 1.0-оор буурсан байна. Нас баралт: Улсын хэмжээнд 2019 оны эхний 4 сарын байдлаар нас баралтын 5735 тохиолдол бүртгэгдсэн нь өнгөрсөн оны мөн үеэс 18 тохиолдлоор өссөн байна. Нийт нас баралтын 3457 тохиолдол буюу 60.3 хувь нь эрэгтэй, 2278 буюу 39.7 хувь нь эмэгтэй байна. Халдварт өвчин: Улсын хэмжээнд 2019 оны эхний 4 сарын байдлаар 25 төрлийн 14 145 халдварт өвчний тохиолдол бүртгэгдэж, 10 000 хүн амд 43.7 ногдож байна. Өмнөх оны мөн үеэс 728 тохиолдлоор буюу 10 000 хүн амд ногдох өвчлөл 1.5-оор нэмэгдсэн байна.

Мэдээ, мэдээлэл

Ажлын байрны нэр: Мэдээллийн технологи, эмнэлгийн тоног төхөөрөмжийн албанд - Эмнэлгийн тоног төхөөрөмжийн шалгалт тохируулга, хариуцсан мэргэжилтэн -1 

7 сарын 21-ний эмнэлгийн мэргэжилтний мэргэжлийн үйл ажиллагаа эрхлэх зөвшөөрлийн шалгалтын дүн

2016.07.20-нд эмнэлгийн мэргэжилтэний мэргэжлийн үйл ажиллагаа эрхлэх зөвшөөрлийн шалгалтын дүн

Баян-Өлгий аймгаас 2016.07.13-ны 23:40 цагт сэтгэл зүйн тусламж, үйлчилгээ авах хүсэлтийг тавьсан бөгөөд гамшгийн холбогдолтой 20 гаруй дуудлага ирсний 18 нь гэр орноо алдсанаас даралт ихсэх, айж цочирдсон гэх дуудлага байсан байна.
Уг хүсэлтийн дагуу 2016 оны 07 сарын 14-ны 12:00 цагт Эрүүл мэнд, спортын сайд С.Ламбаа, ЭМСЯ-ны ЭМБХЗГ-ын дарга С.Энхболд, СЭМҮТ-ийн захирал Л.Насанцэнгэл, Зөвлөх эмч Н.Отгон, Сэтгэл засалч эмч Д.Одончимэг, Хөдөө орон нутгийн сэтгэц эмгэгийн 6-р клиникийн эрхлэгч С.Одонгэрэл, ЭМХТ-ийн МТЭТТА-ны дарга С.Солонго нар Баян-Өлгий аймгийн ЭМГ-ын дарга, НЭ-ийн орлогч дарга, Яаралтай болон түргэн тусламжийн эмч, сэтгэцийн болон өрхийн эмч нийт 20 гаруй холбогдох хүмүүстэй ЭМХТ-ийн Телемедициний үндэсний сүлжээгээр шууд холбогдон тус аймагт болсон үерийн гамшгийн талаар үүрэг даалгавар, мэргэжлийн заавар зөвлөгөө өглөө.