Мэдээ:
  • Төрөлт: Улсын хэмжээнд 2018 оны эхний 3 сарын байдлаар 18 556 эх төрсөн нь өнгөрсөн оны мөн үеэс 2014 төрөлтөөр буюу 12.2 хувиар өссөн байна. Амьд төрсөн хүүхэд: 2018 оны эхний 3 сарын байдлаар улсын хэмжээнд 18 671 хүүхэд амьд төрсөн нь өнгөрсөн оны мөн үеэс 2029 хүүхдээр буюу 12.2 хувиар өсчээ. Амьд төрсөн хүүхдийн 9640 буюу 51.6 хувь нь хүү, 9031 буюу 48.4 хувь нь охин байна. Эхийн эндэгдэл: Улсын хэмжээнд 2018 оны эхний 3 сарын байдлаар эхийн эндэгдлийн 5 тохиолдол бүртгэгдэж, 100 000 амьд төрөлтөд 26.8 байгаа нь өнгөрсөн оны мөн үеэс 100 000 амьд төрөлтөд 3.2-оор буурсан байна. Нялхсын эндэгдэл: Улсын хэмжээнд нялхсын эндэгдлийн 281 тохиолдол бүртгэгдэж, 1000 амьд төрөлтөд 15.1 ногдож байгаа нь өнгөрсөн оны мөн үетэй харьцуулахад 12 тохиолдлоор өссөн хэдий ч 1000 амьд төрөлтөд 1.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2018 оны эхний 3 сарын байдлаар тав хүртэлх насны хүүхдийн эндэгдлийн 332 тохиолдол бүртгэгдэж, 1000 амьд төрөлтөд 17.8 ногдож байгаа нь өмнөх оны мөн үетэй харьцуулахад 20 тохиолдлоор нэмэгдсэн хэдий ч 1000 амьд төрөлтөд 0.9-оор буурсан үзүүлэлттэй байна. Нас баралт: 2018 оны эхний 3 сарын байдлаар нас баралтын 4342 тохиолдол бүртгэгдсэн нь өнгөрсөн оны мөн үеэс 445 тохиолдлоор өссөн байна. Нийт нас баралтын 2638 тохиолдол буюу 60.8 хувь нь эрэгтэй, 1704 буюу 39.2 хувь нь эмэгтэй байна. Халдварт өвчин: Улсын хэмжээнд 22 төрлийн 9591 халдварт өвчний тохиолдол бүртгэгдэж, 10 000 хүн амд 30.7 ногдож байна. Өмнөх оны мөн үеэс 1948 тохиолдлоор буюу 10 000 хүн амд ногдох өвчлөл 7.0-оор буурсан байна.
Өнөөдөр71
Өчигдөр344
Энэ 7 хоногт792
Нийт216419
ТЕНДЕРИЙН УРИЛГА Огноо: 2016.06.03

ҮНИЙН САНАЛ АВАХ УРИЛГА                                   

2016.06.03 

Эрүүл мэндийн хөгжлийн төв  нь сонгогдсон эрх бүхий тендерт оролцогчдоос Эрүүл мэндийн хөгжлийн төвийн барилгын дээврийн засварын ажлыг гүйцэтгэх тухай үнийн санал ирүүлэхийг  урьж байна. 

Үнийн санал ирүүлэх ажлын зураг, техникийн тодорхойлолт болон холбогдох бусад материалыг хавсаргасан болно. 

Үнийн саналыг 2016.06.10-ны өдрийн 10 цагаас өмнө Сүхбаатар дүүрэг, Энхтайвны гудамж 13б Эрүүл мэндийн хөгжлийн төвийн 304 тоот, мэргэжилтэн Ж.Эрдэнэ-Очир  ирүүлнэ. Утас:99840403, 310371 

Үнийн саналыг нээлтэд оролцох хүсэлтэй  тендерт оролцогчдыг байлцуулан  2016.06.10-ны өдрийн 10 цагт 30 минутад нээнэ.

Дотоодын давуу эрх тооцох эсэх. 

Сонирхсон этгээд тендерийн баримт бичиг болон бусад мэдээллийг доорх хаягаар авч болно. 

Сүхбаатар дүүрэг, 1-р хороо, Энхтайвны гудамж-13Б, Эрүүл мэндийн хөгжлийн төвийн төв байр, 304 mоот, мэргэжилтэн Ж.Эрдэнэ-Очир, Утас:99840403