Мэдээ:
  • Төрөлт: Улсын хэмжээнд 2018 оны эхний 6 сарын байдлаар 38 055 эх төрсөн нь өнгөрсөн оны мөн үеэс 2743 төрөлтөөр буюу 7.8 хувиар өссөн байна. Амьд төрсөн хүүхэд: 2018 оны эхний 6 сарын байдлаар улсын хэмжээнд 38 310 хүүхэд амьд төрсөн нь өнгөрсөн оны мөн үеэс 2774 хүүхдээр буюу 7.8 хувиар өсчээ. Амьд төрсөн хүүхдийн 19 716 буюу 51.5 хувь нь хүү, 18 594 буюу 48.5 хувь нь охин байна. Эхийн эндэгдэл: Улсын хэмжээнд 2018 оны эхний 6 сарын байдлаар эхийн эндэгдлийн 12 тохиолдол бүртгэгдэж, 100 000 амьд төрөлтөд 31.3 байгаа нь өнгөрсөн оны мөн үеэс 3 тохиолдол буюу 100 000 амьд төрөлтөд 6.0-оор өссөн байна. Нялхсын эндэгдэл: Улсын хэмжээнд нялхсын эндэгдлийн 529 тохиолдол бүртгэгдэж, 1000 амьд төрөлтөд 13.8 ногдож байгаа нь өнгөрсөн оны мөн үетэй харьцуулахад 1 тохиолдлоор өссөн хэдий ч 1000 амьд төрөлтөд 1.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2018 оны эхний 6 сарын байдлаар тав хүртэлх насны хүүхдийн эндэгдлийн 649 тохиолдол бүртгэгдэж, 1000 амьд төрөлтөд 16.9 ногдож байгаа нь өмнөх оны мөн үетэй харьцуулахад 24 тохиолдлоор нэмэгдсэн хэдий ч 1000 амьд төрөлтөд 0.7-оор буурсан үзүүлэлттэй байна. Нас баралт: 2018 оны эхний 6 сарын байдлаар нас баралтын 8515 тохиолдол бүртгэгдсэн нь өнгөрсөн оны мөн үеэс 770 тохиолдлоор өссөн байна. Нийт нас баралтын 5175 тохиолдол буюу 60.8 хувь нь эрэгтэй, 3340 буюу 39.2 хувь нь эмэгтэй байна. Халдварт өвчин: Улсын хэмжээнд 25 төрлийн 21 827 халдварт өвчний тохиолдол бүртгэгдэж, 10 000 хүн амд 68.7 ногдож байна. Өмнөх оны мөн үеэс 4250 тохиолдлоор буюу 10 000 хүн амд ногдох өвчлөл 16.6-оор буурсан байна.
Эрүүл мэндийн байгууллагын удирдах ажилтны сургалт зохион байгуулагдаж байна.

Эрүүл мэндийн байгууллагын удирдах ажилтны сургалт зохион байгуулагдаж байна.

 Эрүүл мэндийн салбарын хөгжилд удирдах ажилтны мэдлэг, ур чадвар, ёс зүй, харилцаа хандлагыг өөрчлөх, сайжруулах нь нэн чухал юм. Эрүүл мэндийн салбарын удирдах ажилтнуудын ихэнхи нь анагаахын салбарын ажилтан, мэргэжилтэн байдаг бөгөөд удирдахуйн ухааны болон сэтгэл зүйн мэдлэг дутмаг байдгаас харилцаа хандлага, ёс зүйн алдаа гаргах, үүнээс үүдэн эмч, ажилтан, үйлчлүүлэгчдийн хооронд зөрчилдөөн гарах, үйлчлүүлэгчдээс гомдол санал ирж, зөрчилд орохасуудал байсаар байна. Энэхүү дутагдалтай байдлыг арилгах, тодорхой арга хэмжээний төлөвлөгөө боловруулан хэрэгжүүлэх, хамт олныг уриалан идэвхжүүлэх удирдах чадварыг сайжруулах хэрэгцээнд үндэслэн удирдахуйн болон сэтгэл зүйн ухааны мэдлэгийг нэмэгдүүлэх түүнийгээ ашиглах ур чадварт сургах шаардлага тулгарч байна.

Авлигатай тэмцэх газраас хийсэн судалгаагаар иргэд олон нийтийн зүгээс эрүүл мэндийн байгууллагын салбарын албан хаагчдыг авлига, ашиг сонирхлын зөрчилд өртөх эрсдэл  өндөр, түүнчлэн эрүүл мэндийн үйлчилгээ авахад бэлэг сэлт, мөнгө авах тохиолдол түгээмэл байгаа талаар дурджээ. Тухайлбал Авлигатай тэмцэх газраас зохион байгуулдаг “Төрийн байгууллагын шударга байдлын үнэлгээ-2015” судалгааны дүнгээс үзэхэд эрүүл мэндийн салбар дунджаас доогуур үнэлэгдсэн төдийгүй цаашид авлигыг хянах механизм, удирдлагын авлигатай тэмцэх хүсэл эрмэлзэл, ил тод, хариуцлагатай байдал зэрэгт анхаарал хандуулах шаардлагатай гэж судалгаанд оролцогсод онцолсон байна.