Мэдээ:
  • Төрөлт: Улсын хэмжээнд 2017 оны жилийн эцсийн байдлаар 73 884 эх төрсөн нь өнгөрсөн оны мөн үеэс 3919 төрөлтөөр буюу 5.0 хувиар буурсан байна. Амьд төрсөн хүүхэд: 2017 оны жилийн эцсийн байдлаар улсын хэмжээнд 74 328 хүүхэд амьд төрсөн нь өнгөрсөн оны мөн үеэс 3866 хүүхдээр буюу 4.9 хувиар буурчээ. Амьд төрсөн хүүхдийн 38 538 буюу 51.8 хувь нь хүү, 35 790 буюу 48.2 хувь нь охин байна. Эхийн эндэгдэл: Улсын хэмжээнд 2017 оны жилийн эцсийн байдлаар эхийн эндэгдлийн 20 тохиолдол бүртгэгдэж, 100 000 амьд төрөлтөд 26.9 байгаа нь өнгөрсөн оны мөн үеэс 18 тохиолдол буюу 100 000 амьд төрөлтөд 21.7-оор буурсан байна. Нялхсын эндэгдэл: Улсын хэмжээнд нялхсын эндэгдлийн 1009 тохиолдол бүртгэгдэж, 1000 амьд төрөлтөд 13.6 ногдож байгаа нь өнгөрсөн оны мөн үетэй харьцуулахад 306 тохиолдлоор буюу 1000 амьд төрөлтөд 3.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2017 оны жилийн эцсийн байдлаар тав хүртэлх насны хүүхдийн эндэгдлийн 1244 тохиолдол бүртгэгдэж, 1000 амьд төрөлтөд 16.7 ногдож байгаа нь өмнөх оны мөн үеэс 384 тохиолдлоор буюу 1000 амьд төрөлтөд 4.1-оор буурсан үзүүлэлттэй байна. Нас баралт: 2017 оны жилийн эцсийн байдлаар нас баралтын 15 812 тохиолдол бүртгэгдсэн нь өнгөрсөн оны мөн үеэс 369 тохиолдлоор буурсан байна. Нийт нас баралтын 9608 тохиолдол буюу 60.8 хувь нь эрэгтэй, 6204 буюу 39.2 хувь нь эмэгтэй байна. Халдварт өвчин: Улсын хэмжээнд 28 төрлийн 44 300 халдварт өвчний тохиолдол бүртгэгдэж, 10 000 хүн амд 144.9 ногдож байна. Өмнөх оны мөн үеэс 25 363 тохиолдлоор буюу 10 000 хүн амд ногдох өвчлөл 82.9-оор буурсан байна.
Өнөөдөр148
Өчигдөр162
Энэ 7 хоногт13
Нийт2499
ЭРҮҮЛ МЭНДИЙН ХӨГЖЛИЙН ТӨВД ДООРХИ СУЛ АЖЛЫН БАЙРАНД АЖИЛТАН ШАЛГАРУУЛЖ АВНА

Ажлын байр: ТӨРӨЛЖСӨН МЭРГЭЖЛИЙН ТУСЛАМЖ, ҮЙЛЧИЛГЭЭНИЙ БОДЛОГЫН  СУДАЛГАА, ДҮН ШИНЖИЛГЭЭ ХАРИУЦСАН МЭРГЭЖИЛТЭН-1

Ажлын байрны үндсэн зорилт:

 

  • Эмнэлгийн төрөлжсөн мэргэжлийн тусламж үйлчилгээний  бодлогод дэмжлэг үзүүлэх, бодлогын судалгаа, дүн шинжилгээ хийн, бодлого боловсруулагч, шийдвэр гаргагчдыг үндэслэл, нотолгоогоор хангах
  • Гуравдагч шатлалын эрүүл мэндийн байгууллагын үйл ажиллагааг судлан,  оношлож,  мэргэжил арга зүйн удирдлагаар хангах

 

“В” ТАВИГДАХ ШААРДЛАГА

 

1.Ажлын байранд тавигдах шаардлага:

1.1.Ерөнхий шаардлага:

Үзүүлэлт

Чухал шаардлагатай

Шаардлагатай

Боловсрол

Анагаах ухааны дээд болон бакалавр

Магистр болон түүнээс дээш боловсролын зэрэгтэй

Мэргэжил

Хүний их эмч, НЭМ-ийн ажилтан

 

Мэргэшил

Эрүүл мэндийн болон эмнэлгийн удирдлага

Судалгааны арга зүйн ур чадвар эзэмшсэн.

Туршлага

Төрийн албанд 3-аас доошгүй жил ажилласан

Мэргэжлээрээ 5-аас доошгүй жил ажилласан

Ур чадвар

Бусадтай бие биенийгээ дэмжсэн харилцаа тогтоох, бусдын эрх мэдэл, бүрэн эрхийг хүндэтгэж, дэмжлэг үзүүлэх, үүрэг хариуцлага хүлээх, өөрийгөө хөгжүүлэх, асуудал, боловсруулах, багаар ажиллах, англи орос хэлтэй, компьютерийн өргөн хэрэглээний програмуудыг сайн эзэмшсэн

Судалгааны мэдээлэл боловсруулалтын  SPSS, CSPro, EPI- info, Stata, E-Views программууд дээр ажиллах чадвартай

Илтгэх чадвартай байх

1.2.Тусгай шаардлага:

Нууц хадгалах

Ёс зүйн хэм хэмжээг хэлбэрэлтгүй сахих

 

 

Бүрдүүлэх материал:

  • Төрийн албан хаагчийн анкет
  • Боловсролын баримт бичиг
    • Иргэний үнэмлэх
    • Өмнө нь ажиллаж байсан байгууллагын тодорхойлолт
    • Нийгмийн даатгалын дэвтэр

Дээрхи шаардлагыг хангаж байгаа иргэдийг 2014 оны 01  дүгээр сарын 15-ны өдөр хүртэл Эрүүл мэндийн газрын Захиргааны  хэлтсийн 203 тоотод бүртгэнэ.