Мэдээ:
  • Төрөлт:Улсын хэмжээнд 2018 оны эхний 10 сарын байдлаар 64 112 эх төрсөн нь өнгөрсөн оны мөн үеэс 3295 төрөлтөөр буюу 5.4 хувиар өссөн байна. Амьд төрсөн хүүхэд:2018 оны эхний 10 сарын байдлаар улсын хэмжээнд 64 515 хүүхэд амьд төрсөн нь өнгөрсөн оны мөн үеэс 3328 хүүхдээр буюу 5.4 хувиар өсчээ. Амьд төрсөн хүүхдийн 33 172 буюу 51.4 хувь нь хүү, 31 343 буюу 48.6 хувь нь охин байна. Эхийн эндэгдэл:Улсын хэмжээнд 2018 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.3 байгаа нь өнгөрсөн оны мөн үеэс 100 000 амьд төрөлтөд 1.2-оор буурсан байна. Нялхсын эндэгдэл:Улсын хэмжээнд нялхсын эндэгдлийн 865 тохиолдол бүртгэгдэж, 1000 амьд төрөлтөд 13.4 ногдож байгаа нь өнгөрсөн оны мөн үетэй харьцуулахад 16 тохиолдлоор өссөн хэдий ч 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл:Улсын хэмжээнд 2018 оны эхний 10 сарын байдлаар тав хүртэлх насны хүүхдийн эндэгдлийн 1088 тохиолдол бүртгэгдэж, 1000 амьд төрөлтөд 16.9 ногдож байгаа нь өмнөх оны мөн үетэй харьцуулахад 54 тохиолдлоор нэмэгдсэн байна. Нас баралт:2018 оны эхний 10 сарын байдлаар нас баралтын 14 360 тохиолдол бүртгэгдсэн нь өнгөрсөн оны мөн үеэс 1251 тохиолдлоор өссөн байна. Нийт нас баралтын 8689 тохиолдол буюу 60.5 хувь нь эрэгтэй, 5671 буюу 39.5 хувь нь эмэгтэй байна. Халдварт өвчин:Улсын хэмжээнд 26 төрлийн 34 300 халдварт өвчний тохиолдол бүртгэгдэж, 10 000 хүн амд 107.9 ногдож байна. Өмнөх оны мөн үеэс 2395 тохиолдлоор буюу 10 000 хүн амд ногдох өвчлөл 12.1-оор буурсан байна.
Монгол, БНСУ-ын эрхтэн шилжүүлэн суулгалтын IV семинар болох гэж байна.

Монгол, БНСУ-ын эрхтэн шилжүүлэн суулгалтын IV семинар болох гэж байна.

 Эрхтэн шилжүүлэн суулгалтын Монголын холбоо, ЭМЯ, ЭМХТ, Дэлхийн эрхтэн шилжүүлэн суулгалтын нийгэмлэг, БНСУ-ын эрхтэн шилжүүлэн суулгалтын нийгэмлэг, Рафаел Интернейшнл ТББ, Вайталлинк байгууллагууд хамтран Монгол-Солонгосын эрхтэн шилжүүлэн суулгалтын IV семинарыг 2018 оны 6 дугаар сарын 8-9-ны өдрүүдэд зохион байгуулах гэж байна.

Семинар нь Донорын тухай хуулийг сурталчлах, тархины үхэлтэй донороос эрхтэн шилжүүлэн суулгах эмчилгээний менежментийг хэрхэн зөв зохион байгуулах, хөгжүүлэх, салбар хоорондын хамтын ажиллагааг өргөжүүлэх, эмч, эмнэлгийн мэргэжилтний мэдлэг чадварыг дээшлүүлэх зорилготой юм.  

Уг  семинарын хүрээнд  өнөөдөр Эрүүл мэндийн хөгжлийн төвийн Эс, эд, эрхтэн шилжүүлэн суулгах үйл ажиллагааг зохицуулах албаны мэргэжилтнүүд болон УНТЭ-гийн Эрхтэн шилжүүлэн суулгах төвийн эмч, мэргэжилтнүүдтэй  семинарын төлөөлөгчид болох  Жереми Чапман  Дэлхийн эрхтэн шилжүүлэн суулгалтын нийгэмлэгийн өрөнхийлөгч асан  /Австрали/, Ин Сунг Мүүн БНСУ-ын эрхтэн шилжүүлэн суулгалтын нийгэмлэгийн өрөнхийлөгч, Анг Кури  Рафаел Интернейшнл ТББ, Вайталлинкийн захирал, Вон Хюн Чо  БНСУ-ын эрхтний Донорын агентлагийн ерөнхийлөгч болон албаны хүмүүс уулзаж хамтын ажиллагааны талаар санал солилцож, эрхтэн шилжүүлэн суулгах үйл ажиллагааны туршлагаас хуваалцах уулзалт зохион байгууллаа.

Уг уулзалтанд Монголын талаас  Эрхтэн шилжүүлэн суулгах Монголын холбооны  тэргүүн, төрийн шагналт, хүний гавьяат эмч Д.Нямсүрэн, ЭМХТ-ийн ЭЭЭШСҮАЗА-ны дарга, хүний гавьяат эмч П.Батчулуун, УНТЭ-ийн эмчилгээ эрхэлсэн орлогч дарга Д.Чулуунбаатар, УНТЭ-ийн мэс заслын ерөнхий мэргэжилтэн, хүний гавьяат эмч, Анагаахын шинжлэх ухааны доктор, профессор  О.Сэргэлэн болон УНТЭ-ийн Эрхтэн шилжүүлэн суулгах төв, ЭМХТ-ийн төлөөлөл оролцлоо.