Мэдээ:
  • Төрөлт: Улсын хэмжээнд 2017 оны жилийн эцсийн байдлаар 73 884 эх төрсөн нь өнгөрсөн оны мөн үеэс 3919 төрөлтөөр буюу 5.0 хувиар буурсан байна. Амьд төрсөн хүүхэд: 2017 оны жилийн эцсийн байдлаар улсын хэмжээнд 74 328 хүүхэд амьд төрсөн нь өнгөрсөн оны мөн үеэс 3866 хүүхдээр буюу 4.9 хувиар буурчээ. Амьд төрсөн хүүхдийн 38 538 буюу 51.8 хувь нь хүү, 35 790 буюу 48.2 хувь нь охин байна. Эхийн эндэгдэл: Улсын хэмжээнд 2017 оны жилийн эцсийн байдлаар эхийн эндэгдлийн 20 тохиолдол бүртгэгдэж, 100 000 амьд төрөлтөд 26.9 байгаа нь өнгөрсөн оны мөн үеэс 18 тохиолдол буюу 100 000 амьд төрөлтөд 21.7-оор буурсан байна. Нялхсын эндэгдэл: Улсын хэмжээнд нялхсын эндэгдлийн 1009 тохиолдол бүртгэгдэж, 1000 амьд төрөлтөд 13.6 ногдож байгаа нь өнгөрсөн оны мөн үетэй харьцуулахад 306 тохиолдлоор буюу 1000 амьд төрөлтөд 3.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2017 оны жилийн эцсийн байдлаар тав хүртэлх насны хүүхдийн эндэгдлийн 1244 тохиолдол бүртгэгдэж, 1000 амьд төрөлтөд 16.7 ногдож байгаа нь өмнөх оны мөн үеэс 384 тохиолдлоор буюу 1000 амьд төрөлтөд 4.1-оор буурсан үзүүлэлттэй байна. Нас баралт: 2017 оны жилийн эцсийн байдлаар нас баралтын 15 812 тохиолдол бүртгэгдсэн нь өнгөрсөн оны мөн үеэс 369 тохиолдлоор буурсан байна. Нийт нас баралтын 9608 тохиолдол буюу 60.8 хувь нь эрэгтэй, 6204 буюу 39.2 хувь нь эмэгтэй байна. Халдварт өвчин: Улсын хэмжээнд 28 төрлийн 44 300 халдварт өвчний тохиолдол бүртгэгдэж, 10 000 хүн амд 144.9 ногдож байна. Өмнөх оны мөн үеэс 25 363 тохиолдлоор буюу 10 000 хүн амд ногдох өвчлөл 82.9-оор буурсан байна.
Өнөөдөр148
Өчигдөр246
Энэ 7 хоногт7
Нийт1113
“ЭХИЙН СҮҮГЭЭР ХООЛЛОЛТЫГ ХАМТДАА ДЭМЖИЦГЭЭЕ” СЭДЭВТ ОНЛАЙН СУРГАЛТ БОЛЛОО.

ЭХИЙН СҮҮГЭЭР ХООЛЛОЛТЫГ ХАМТДАА ДЭМЖИЦГЭЭЕ СЭДЭВТ ОНЛАЙН СУРГАЛТ БОЛЛОО. 

 Хүүхэд бүр эсэн мэнд, эрүүл амьдралын үндэс болсон эхийн сүүгээр хооллох эрхтэй. Энэ нь эхчүүд хүүхдээ асрах цалинтай чөлөө эдлэх, хүүхдээ өөрийн сүүгээр хооллох мэдлэг, боломжоор хангагдсан байх эрх дээр тулгуурладаг.    

 Олон улсын эрдэмтэдийн судалгаагаар бага насны хүүхдийн өвчлөлийн шалтгааны 10 хувь, нас баралтын шалтгааны 13 хувь нь эхийн сүүгээр хооллоогүйтэй холбоотой байна. Монгол улсын хувьд: нялхасыг эхийн сүүгээр хооллох үзүүлэлтүүд жил тутам буурах хандлагатай байна. Тухайлбал, 2010 онд нийт нялхасын 66 хувь нь төрснөөс хойш эхний 6 сарын турш эхийн сүүгээр дагнан хооллож байсан бол 2013 онд уг үзүүлэлт 47 хувь хүртэл буурсан.

НҮБ-ын Хүүхдийн Сан, “Эхийн Сүүгээр Хооллолтыг Дэмжих Дэлхийн Холбоо”-ны санаачлагаар 1992 оноос эхлэн “Эхийн сүүгээр хооллолтыг дэмжих дэлхийн долоо хоног”-ийг жил бүрийн наймдугаар сарын эхний долоо хоногт дэлхий нийтээрээ тэмдэглэн өнгөрүүлдэг уламжлалтай болсон билээ.