Мэдээ:
  • Төрөлт: Улсын хэмжээнд 2018 оны эхний 4 сарын байдлаар 25 140 эх төрсөн нь өнгөрсөн оны мөн үеэс 2500 төрөлтөөр буюу 11.0 хувиар өссөн байна. Амьд төрсөн хүүхэд: 2018 оны эхний 4 сарын байдлаар улсын хэмжээнд 25 310 хүүхэд амьд төрсөн нь өнгөрсөн оны мөн үеэс 2520 хүүхдээр буюу 11.1 хувиар өсчээ. Амьд төрсөн хүүхдийн 13 054 буюу 51.6 хувь нь хүү, 12 256 буюу 48.4 хувь нь охин байна. Эхийн эндэгдэл: Улсын хэмжээнд 2018 оны эхний 4 сарын байдлаар эхийн эндэгдлийн 7 тохиолдол бүртгэгдэж, 100 000 амьд төрөлтөд 27.7 байгаа нь өнгөрсөн оны мөн үеэс 100 000 амьд төрөлтөд 5.8-оор өссөн байна. Нялхсын эндэгдэл: Улсын хэмжээнд нялхсын эндэгдлийн 370 тохиолдол бүртгэгдэж, 1000 амьд төрөлтөд 14.6 ногдож байгаа нь өнгөрсөн оны мөн үетэй харьцуулахад 11 тохиолдлоор өссөн хэдий ч 1000 амьд төрөлтөд 1.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2018 оны эхний 4 сарын байдлаар тав хүртэлх насны хүүхдийн эндэгдлийн 440 тохиолдол бүртгэгдэж, 1000 амьд төрөлтөд 17.4 ногдож байгаа нь өмнөх оны мөн үетэй харьцуулахад 18 тохиолдлоор нэмэгдсэн хэдий ч 1000 амьд төрөлтөд 1.1-оор буурсан үзүүлэлттэй байна. Нас баралт: 2018 оны эхний 4 сарын байдлаар нас баралтын 5717 тохиолдол бүртгэгдсэн нь өнгөрсөн оны мөн үеэс 614 тохиолдлоор өссөн байна. Нийт нас баралтын 3478 тохиолдол буюу 60.8 хувь нь эрэгтэй, 2239 буюу 39.2 хувь нь эмэгтэй байна. Халдварт өвчин: Улсын хэмжээнд 24 төрлийн 13 418 халдварт өвчний тохиолдол бүртгэгдэж, 10 000 хүн амд 43.0 ногдож байна. Өмнөх оны мөн үеэс 3298 тохиолдлоор буюу 10 000 хүн амд ногдох өвчлөл 11.7-оор буурсан байна.
Өнөөдөр2997
Өчигдөр596
Энэ 7 хоногт807
Нийт224469
Мэндчилгээ

Тулгар төрийн 2226, Их Монгол улсын 811, Ардын хувьсгалын 96 жилийн ойн Үндэсний их баяр наадмын халуун мэндийг өргөн дэвшүүлье.

Айл бүхний гал голомт ашид бадран гийж, хүн бүрийн хүсэл мөрөөдөл биелэн, хүүхэд бүр аз жаргалтай, настан буурлууд минь сэтгэл тэнэгэр,  Монгол орон минь дэвжин дээшлэхийн  ашдын ерөөлийг баяр наадмын мэндийн хамтаар та бүхэндээ дэвшүүлье. 

Эрүүл мэндийн хөгжлийн төвийн хамт олон  2017 оны эхний хагас жилд:

Бодлогын судалгаа удирдлагын сургалтын алба: Эрүүл мэндийн салбарын удирдах ажилтнуудыг чадавхижуулах зорилгоор удирдах ажилтны сургалтын хэрэгцээг тогтоолоо.

Статистик мэдээллийн технологийн алба: Эрүүл мэндийн салбарын 2016 онд хийгдсэн ажлын  мэдээ, мэдээллийн нэгтгэсэн “Эрүүл мэндийн үзүүлэлт 2016” номыг Монгол, Англи хэлээр хэвлүүлэн хэрэглэгчдийг мэдээллээр хангав.

Гемодиализийн эмчилгээний зардлыг төрөөс хариуцдаг болсонтой холбогдуулан үйлчилгээ үзүүлэхээр сонгогдсон эмнэлгүүдэд H-Info 3.0 програм хангамжаар дамжуулан эрүүл мэндийн даатгалаас санхүүжилтээ авах боломжийг бүрдүүллээ.

            Эмнэлгийн тоног төхөөрөмжийн алба: Эмнэлгийн тоног төхөөрөмжийн хөрөнгийн төлөвлөлтийн програм хангамжийг нэвтрүүлэн  бүртгэл  мэдээний сан бүрдүүлж эхэллээ. Монгол улсын эрүүл мэндийн салбарт ашиглагдаж буй эмнэлгийн тоног төхөөрөмжийн нэршил, код ангиллын  гарын авлагыг боловсрууллаа.

Эрүүл мэндийн ажилтны хөгжлийн алба: 2017 оны хагас жилийн байдлаар нийт 2594,  мөн 81 гадаадын эмнэлгийн мэргэжилтэнд мэргэжлийн үйл ажиллагаа эрхлэх зөвшөөрлийг баталгаажуулан олгосон. ЭМЯ-аас 2017 оныг “Нийгмийн эрүүл мэндийг дэмжих жил” болгон зарласантай холбогдуулан хүүхдийн хөгжлийн хоцрогдлыг эрт илрүүлэх бүртгэл мэдээллийн нэгдсэн сантай болгох чиглэлээр сургалтыг Нийслэлийн хэмжээнд зохион байгуулсан.

Резидент эмч нарын  ёсзүй, харилцаа хандлагыг сайжруулах сарын аянг амжилттай зохион байгууллаа.

            Чанар магадлан итгэмжлэлийн алба: “Эрүүл мэндийн байгууллагыг магадлан итгэмжлэлд бэлтгэх нь” цахим сургалтыг 21 аймаг, нийслэлийн улсын болон хувийн хэвшлийн эрүүл мэндийн байгууллагуудыг хамруулан зохион байгууллаа.   

            Эм, эмнэлгийн хэрэгслийн алба:  “Монгол улсын бүртгэлд бүртгэгдсэн эм, эмийн түүхий эдийн жагсаалт”, “Монгол улсын бүртгэлд бүртгэгдсэн БИБ-ний жагсаалт”  эмхтгэлүүдийг хэвлүүлэн хэрэглэгчдэд хүргэлээ. Шинэчлэгдсэн Лайсмед програмыг ашиглалтанд оруулж, үйл ажиллагаандаа нэвтрүүлсэн зэрэг олон олон ажил, бүтээлийг гүйцэтгэлээ.

 

Нар хур тэгширсэн наадмын сайхан өдрүүдэд идэр чийрэг бөхчүүд маань хүчтэй, эргэмэг шандаст хүлгүүд нь хурдан, цэц магнай  харваачид нь мэргэн байж хотол түмнээрээ сайхан наадаарай. Төрт ёсны их баяр цэнгэл-Наадам Монгол нутгийн дөрвөн зүг, найман зовхист ёслол төгөлдөр, сүр жавхлантай болж, айл өрх, хүн бүрт баяр баясгалан бэлэглэх болтугай!  Та бүхэн халуун бүл,   хотол олноороо дэнж хотойтол сайхан наадаарай.

 

ЭРҮҮЛ МЭНДИЙН ХӨГЖЛИЙН ТӨВИЙН ЕРӨНХИЙ ЗАХИРАЛ          Б.НАРАНТУЯА