Мэдээ:
  • Төрөлт: Улсын хэмжээнд 2018 оны эхний 3 сарын байдлаар 18 556 эх төрсөн нь өнгөрсөн оны мөн үеэс 2014 төрөлтөөр буюу 12.2 хувиар өссөн байна. Амьд төрсөн хүүхэд: 2018 оны эхний 3 сарын байдлаар улсын хэмжээнд 18 671 хүүхэд амьд төрсөн нь өнгөрсөн оны мөн үеэс 2029 хүүхдээр буюу 12.2 хувиар өсчээ. Амьд төрсөн хүүхдийн 9640 буюу 51.6 хувь нь хүү, 9031 буюу 48.4 хувь нь охин байна. Эхийн эндэгдэл: Улсын хэмжээнд 2018 оны эхний 3 сарын байдлаар эхийн эндэгдлийн 5 тохиолдол бүртгэгдэж, 100 000 амьд төрөлтөд 26.8 байгаа нь өнгөрсөн оны мөн үеэс 100 000 амьд төрөлтөд 3.2-оор буурсан байна. Нялхсын эндэгдэл: Улсын хэмжээнд нялхсын эндэгдлийн 281 тохиолдол бүртгэгдэж, 1000 амьд төрөлтөд 15.1 ногдож байгаа нь өнгөрсөн оны мөн үетэй харьцуулахад 12 тохиолдлоор өссөн хэдий ч 1000 амьд төрөлтөд 1.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2018 оны эхний 3 сарын байдлаар тав хүртэлх насны хүүхдийн эндэгдлийн 332 тохиолдол бүртгэгдэж, 1000 амьд төрөлтөд 17.8 ногдож байгаа нь өмнөх оны мөн үетэй харьцуулахад 20 тохиолдлоор нэмэгдсэн хэдий ч 1000 амьд төрөлтөд 0.9-оор буурсан үзүүлэлттэй байна. Нас баралт: 2018 оны эхний 3 сарын байдлаар нас баралтын 4342 тохиолдол бүртгэгдсэн нь өнгөрсөн оны мөн үеэс 445 тохиолдлоор өссөн байна. Нийт нас баралтын 2638 тохиолдол буюу 60.8 хувь нь эрэгтэй, 1704 буюу 39.2 хувь нь эмэгтэй байна. Халдварт өвчин: Улсын хэмжээнд 22 төрлийн 9591 халдварт өвчний тохиолдол бүртгэгдэж, 10 000 хүн амд 30.7 ногдож байна. Өмнөх оны мөн үеэс 1948 тохиолдлоор буюу 10 000 хүн амд ногдох өвчлөл 7.0-оор буурсан байна.
Өнөөдөр71
Өчигдөр344
Энэ 7 хоногт792
Нийт216419
ЭРҮҮЛ МЭНДИЙН ТУСЛАМЖ ҮЙЛЧИЛГЭЭНИЙ ЧАНАР, АЮУЛГҮЙ БАЙДАЛ” СЭДЭВТ СУРГАЛТ ЗОХИОН БАЙГУУЛЛАА.

 Эрүүл мэндийн байгууллагуудад 2000 оноос “Магадлан итгэмжлэл” олгож эхэлсэн төдийгүй   чанарын хөтөлбөр төлөвлөгөөтэй болж  чанарын удирдлагын эхлэл тавигдсан. Мөн эрүүл мэндийн тусламж үйлчилгээний чанарыг сайжруулах чиглэлээр бүх  шатлалын эмнэлгүүд хүчин чармайлт гарган ажиллаж байна.

Гэвч эрүүл мэндийн салбарын хэмжээнд улсын болон хувийн хэвшлийн эрүүл мэндийн байгууллагын удирдлага, чанарын алба болон багийн ахлагч, гишүүд, чанарын менежер, эмч, эмнэлгийн мэргэжилтнүүдийг эрүүл мэндийн тусламж үйлчилгээний чанар, аюулгүй байдал, эрсдлийн удирдлагын чиглэлээр чадавхижуулах шаардлага байсаар байна.

Эрүүл мэндийн хөгжлийн төв нь эрүүл мэндийн байгууллагуудад чанарын хөгжлийн хөтөлбөр, төлөвлөгөө боловсруулах, аюулгүй байдал, эрсдлийн удирдлагын үйл ажиллагааг мэргэжлийн удирдлага арга зүйгээр хангах, зөвлөн туслах, магадлан итгэмжлэлийн бэлтгэл хангуулах чиглэлээр сургалт зохион байгуулах чиг үүрэгтэй бөгөөд энэ хүрээнд “Эрүүл мэндийн тусламж үйлчилгээний чанар, аюулгүй байдал” сэдэвт сургалт зохион байгууллаа. Сургалтад ЭМЯ-ны мэргэжилтэн Я. Амаржаргал,  ЭМХТ-ийн Ерөнхий захирал Б.Нарантуяа,  МӨАУМХ-ны гүйцэтгэх захирал Ш.Хажимдаа нар оролцлоо.

Сургалтаар эмч, эмнэлгийн мэргэжилтнийг эрүүл мэндийн тусламж үйлчилгээний чанарын удирдлага, асуудлын дүн шинжилгээний арга хэрэгслүүдийг хэрхэн практикт ашиглах ур чадварыг эзэмшүүлэх, үйлчлүүлэгчийн аюулгүй байдал, эмнэлгийн алдаа, эрсдлийн удирдлага, эрсдлийг тодорхойлох, үнэлэх мэдлэг, ур чадварыг сайжруулах талаар мэдлэг олголоо. Нийслэлийн харьяа ӨЭМТ-ийн удирдлага болон чанар хариуцсан мэргэжилтэн нийт 134 хүн сургалтад хамрагдлаа.

Лекц, бүлгийн ажил, харилцан ярилцах, дадлага ажил , туршлагаа хуваалцах зэрэг хосолсон аргазүйгээр явагдсан сургалт Чанарын удирдлагын тогтолцоог сайжруулах, асуудлыг тодорхойлж, хэрхэн сайжруулахыг олж харах, үйлчлүүлэгчийн аюулгүй байдал, эмнэлгийн алдаа, эрсдлийг тодорхойлох, үнэлэх мэдлэг ур чадварыг сайжруулах үр дүнтэй болсоны дээр эрэлт хэрэгцээ ихтэй байсан хэмээн  сургалтад оролцогчид дүгнэлээ.